"أكره أن أكون السبب في مأساة أحد بقصد أو بغير قصد، أكره أن يعاني أحد ما من أجلي أو أن أترك في نفسه طابعًا سيئًا يبقى برفقته على الدوام، أكره ذلك وبشدة.."
...
مجتبى زحا عيونو من تلفونو وقعد يعاين لي علا كده كتير قامت عيونها وقعت في عيونو قام زحا عيونو طوالي
علا : في شنو يا مجتبى من قبيل قاعد تعاين لي وتزح عيونك لمن اعاين ليك؟ عايز تقول لي حاجة؟
مجتبى : انتي ومناف مالكم؟
زحت عيونها منو وقالت : مالنا؟
مجتبى : انفصلتو؟
علا : ما عارفة يا مجتبى
مجتبى : كيف يعني ما عارفة؟
علا : كده.. بعدين مناف لا خاطبني لا عاقد علي!! لي بتسألني؟! مش المفروض ما تخلينا نكون في علاقة محرمة بما انك اخوي؟
مجتبى : علا.. انا يادوب عرفت ب علاقتكم دي واتشاكلت مع مناف وهو الوراني امبارح، ناداني وقعد يتكلم معاي وقال عايزك
بس في زول تاني طلبك مني وانا طبعاً حديكي للزول الأولى بيكي واللي هو ولد خالتك وعمك في نفس الوقت، لأنو هو الحيحافظ عليكي وانا متأكد
ما عشان صلة القرابة بس عشان انا عارفو كويس يا علا ونحن اتربينا في بيت واحد
فتحت عيونها ب خلعة وقالت : مجتبى!! ما تخلي تفكيرك زي تفكير ناس زمان!! يمكن يحافظ علي الغريب وليس القريب.. في النهاية ربنا هو البيعلم بالغيب!!
مجتبى : والله يا علا كلامك صاح والزول التاني ده ذاتو كويس بس عشان مناف قال انكم بتحبو بعض من زمان قلت خلاص اقرب ليكم الطريق بس ما واضح انك بتحبيهو..
علا : الزول التاني هو منو؟
مجتبى : دكتور ليث البيديكم محاضرات في الجامعة
علا : ك كيف يعني؟!
رغم انو وراها انو حيتقدم ليها بطريقة غير مباشرة وهي فهمتو بس ما اتوقعتو يطلبها بدري كده
مجتبى : كده
بس شنو رايك في مناف؟! ما اخير ليك؟ بعدين انا عايزك تكوني قريبة مني ي حبيبي
علا : امم طيب بفكر
قامت منو ومشت غرفتها وهو استغرب فيها شديد وحسا بيها ما عاوزة مناف
...
فتح الواتس وطوالي يدو فتحت دردشتها كأنو حس انها حترسل ليهو
اتخلع شديد لمن شاف الرسالة بتاعتها وقرر قرار حاسم
بس قبلي ما اوريكم قرارو حوريكم رسالتها الخلتو يتخلع دي عبارة عن شنو
علا : ليث عليك الله تعال واعقد علي طوالي قبلي ما امشي لي واحد غيرك.. انا ما بقدر اكون مع مناف يا ليث مجتبى شكلو عايزني اكون ل مناف ومصر كمان
أنت تقرأ
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
