" اتصل على أمو وصبح عليها وطلب منها تدعي ليهو وبعديها اتصل على لمار عشان يكلمها إنو حيتلاقو بس ما وراها إنو هزار وليث حيجتمعو معاهم وقرر إنو يعملها ليها مفاجأة عشان تفرح لمن تلاقي أختها وكده..
بعديهو نزل تحت يشرب الشاي ويفطر مع فريدة وعبد الله وباقي أفراد العيلة بعد ما صبح عليهم وكان فرحان شديد ودي ما كانت من عوايدو.. "
محمد: لا خطير الشال قلبك ده.. يتهنى بيهو ان شاء الله
فريدة: اي انا ملاحظة ليهو من قبيل بيتبسم براهو
ملاذ ضحكت وقالت ليهو: لمار حبيبة القلب
وبدو يشغلوها ليهو كلهم
ضحك وقال ليهم: يا جماعة انتو الزول ما يفرح أصلو؟!
علا: انت ما فرحان عشان لمورة.. حيي انا من لمورة دي
مسكها من أرنبة أنفها وقال ليها: هوي ها تمي باقي أكلك ده ويلا على الجامعة سريع
وإنتي ما بتحبي..
ما تمى كلامو الا ولقى عيشة طايرة عليهو من جهة مناف
كلهم اتخلعو ونططو عيونهم
اما مناف ف قال: ا اسف بالغلط
عرفو قاصد لأنو مناف وعلا بيحبو بعض وهو كان عايز يقول لي علا وإنتي ما بتحبي مناف
لكن كده كده ما كان حيتمها لأنو بيحفظ أسرار الناس بس كان عايز يخوف علا ويهظر معاها ساي
اسمهان: دي نعمة يا ولدي ما صح تعمل كده وده اخوك الكبير
قام من الكرسي بعد ما قال: الحمد لله.. تعال بعد تخلص اكل الحديقة الخلفية
مناف نططت عيونو وخاف من الراجيهو وفكر في ردة فعل اخوهو حتكون كيف.. وما هو براهو الكان خايف العيلة كلها كانت خايفة عليهو من ردود أفعال ادهم والدايماً بتكون قوية وكعبة شديد
قام قال ليهو انا
ادهم: في غيرك هنا اتعدى حدودو؟؟
قال بصوت واطي وبيرجف: لأ
ومن شدة خوفو قام قبلي ما يشبع لأنو عارف العقاب حيكون كعب
كلهم حاولو يمنعوهو بطرق غير مباشرة إنو ما يعاقبو وقعدو يقولو ليهو ده أخوك وبتاع
المهم يلا سكتو تاني لأنو عارفين قوة راس ادهم وانو لو اتكلمو تاني حيخرج عن السيطرة وممكن يتعاقبو كلهم 😂💔
يلا ادهم كان شايف الجو مقيم وعارف إنو حتجي مطرة من تطبيق الطقس والزاد تأكدو لمن شاف السما شايلة
لمن مناف طلع لي ادهم قام قال ليهو: اقلع ملابسك كلها وخليك بالبوكسر بس
مناف: إنت بتهظر يا راجل؟؟! ولي ده كل..
YOU ARE READING
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
