...
يا زين يااخ فكني ... ماما شوفي زين ده ياااه
قالت ليهو وهي بتضحك : فك اختك يا ولد
قالت في سرها براحة وبحزن واضح في وشها : يحليلها امكم هسه لو كانت قاعدة بس
زين لاحظ لتغير تعابير وشها قام قال ليها وهو بيضحك : سوسو يا سوسو ... عملتي لي كيكة الشوكلاته القلت ليكي عليها؟؟!
ضربت جبهتها ب يدها بخفه وهي بتقول : هيي نسيتها يا وليدي هسه دي بقوم اعملها ليكم
ضحك وقال وهو بيعاين لي اختو : لا لا خليكي يا امي بنقوم انا والغبية دي نعملها
ميرال عاينت ليهو وهي بتقول : اسكيوزميي؟! غبية منو يا سيدي؟ مش قلت لي غبية يلا ما حقوم اعملها معاك
مرقت ليهو لسانها وبعدها قالت ليهو : اعملها براك
ضحك وقال ليها وهو بجرها من شعرها وخدودها : أصلاً يا وش الكج ما منك فايدة كنت عارف من ولدوكي وأساساً نحن لقيناكي واقعة في الشارع وجبناكي بيتنا ... غايتو امي وابوي غلطو غلطة عمرهم وأكبر غلطة في حياتهم
لمن قال كلمة امي صنا مسافة والجو كان متوتر شديد بيناتهم ف عشان يخفف من توتر الجو بيناتهم قال : شنو رايكم نمشي نعمل الشاي والكيكة انا جعان شديد ياخخ يا سوسو
سماهر قالت بحماس : يلا يا اولاد ارح
زين : come on
ميرال : متفشخر ب انجليزيك ده لشنو ما بعرف
زين : دقيقة منو الزمان كان بيتكلم عربي مكسر مع انجليزي
وانفجر بالضحك
اتغاظت منو شديد تاني قعدت تضحك
اما سماهر قعدت تضحك فيهم ساي
...
كت كت
تعالو نتعرف على العيلة الحلوة دي
زين واللي هو الولد الأكبر للعيلة دي
متخرج من إدارة أعمال، بيعمل في شركة ابوهو وعمرو ٢٤
أنت تقرأ
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
