رغبة

الجزء الثاني 4 - فرضة اخيرة

- ما أعرفه أن وجودك ولو في البعد هو سند هائل لي.

- رضوى عاشور 📚.

...

عيوني وقعت في عيونو ولاحظت لي نظراتو الزي السهام والكانت مختلطة.. نظرات ثاقبة بس ما كانت زي نظرات أغلب الشباب

كانت مختلفة اختلاف تام.. كان بيعاين لي في عيوني والحاجة الأنا قدرت افهمها من نظراتو دي انو بيحبني..

...

الجو الليلة كان خريفي وحلو شديد، انا بقيت بعشق فصل الخريف بسببها.. ادهم قبلي كده كان قال لي انها بتحب فصل الخريف شديد.. بتعشق حاجة اسمها مطرة.. سبحان الله يعني غسان شخصياً الكان بيكره ادهم يبقي بريدو عشان حافظ على اختو..

بس برضو بسببو هي وقعت معاهو من الكبري.. اختي بسببو وقعت في النيل.. هو عاش وهي لأ..

يعني معقولة تكون عايشة بعد غرقت؟! معقولة ادهم يكون صادق في الكلام القالو لي المرة الفاتت ده؟؟!

قطع تفكيري امي وهي بتخت يدها ع كتفي.. قبلت عليها ولقيت وشها وارم وعيونها دي واقعة.. اكيد من البكى!! ما هو على مدار الأربعة سنين دي هي ما وقفت بكى لا على امل ولا على لمار!! كان في امل انو الحزن اللي في قلب امي وابوي والحزن اللي في قلبي يقل شوية اذا جبنا لمار عشان تعيش معانا لأنها بتنا.. بس!! حصل العكس تماماً والحزن انهكنا.. امي لمن شكلها اتغير وكبرت ١٠ سنين قدام وابوي جاهو ضغط في عمرو الصغير ده 💔!! ما عارف الدنيا دي حتودينا لي وين!!

...

دقيت لي امي باب الغرفة وهي عرفتني دي انا قامت قالت لي اخش طوالي بس سمعت صوت جاي من وراي بيقول : هزار

هزار : جاسر..

قربت منو وحضنتو.. اشتقت ليهو شديد يخخ، صح بعد موت احبابنا قبلي أربعة سنوات ادهم ولمار حاولو يواسونا ويرجعو لينا الشغف وحب الحياة من جديد بس رجعنا تاني انتكسنا لمن ادهم ولمار وقعو في النيل.. بقيت اتذكر في ادهم ولمار ودموعي بقت نازلة لا إرادياً.. ادهم بقى ما زي زمان.. اتغير شديد وبعد عننا.. صح انو بيزورنا ونحن قاعدين في نفس البلد بعد سافرنا من السودان بس قعد في منطقة غير عن منطقتنا.. اتغير عشان لمار بس خلاص لمار ماتت.. ما كنت قادرة اوقف بكي وجاسر اتخلع لمن لقاني ببكي وبقى يمسح على ضهري

صاح في الأربعة سنين دي الاتغير كتير.. جاسر عقد على ماريا قبلي ٣ سنين وجابو بت سموها ريناد على ام ماريا بس الباقيين لسه في نفس كسرتهم

ابوي بقى يمشي حبة حبة بعد جابو ليهو دكتورة جميلة الكانت بتعمل ليهو تمارين وبتحفزو وتملاهو ايجابية وهسه مناف اتزوجها قبلي سنة.. يمكن شاف فيها امو.. ويمكن هي الوحيدة الكانت اكتر وحدة ايجابية في عيلتنا دي لأنها دايماً ضحوكة وروحها مرحة.. مع انها يتيمة بس بالها كان طويل وقلبها زي الحليب ومرنة شديد.. علا بقت منطفية من موت ليث ومحمد وسامي والباقيين وخالتي جينيفر بقت تشتغل وتدير شركات ابوي هي ومعاها امي بس ما ياها جينيفر الزمان.. امي دي بقت بس من صلاة لي قرآن لي دعاء لي شغل وبتعتني بي ابوي وبينا ودايماً بتحاول تصل لي ادهم بس هو ما كان بيتجاوب معانا كتير.. كان بيتهرب مننا..