- ليست العبرة بزحام من حولك ، ولكن بمن يحتفظ لك بركن دافيء في ثنايا روحه تلجأ إليه ، فرحاً ، حزناً ، خوفاً ، أو عندما يوجعك العالم ألماً 🖤 .
...
- عايزك تقولي لي ادهم انو يستقبلني في المطار بس ما تضربي ليهو ... اتكلمي معاهو عديل
علا استغربت من كلامو ... إنو ليي ما تضرب لي ادهم وتتكلم معاهو وجهاً لوجه بس ما سألتو وقالت ليهو طيب ومشت رقدت
سمعت صوت زول بيضرب في باب غرفتها وقالت : اتفضل
مجتبى : لولو ... اكلتي ؟؟!
علا : لأ ما جعانة
مجتبى : لأ ماف حاجة اسمها ما جعانة ... قومي يلا حناكل مع بعض
ومشى عليها طوالي عشان يقومها
علا : مجتبى والله انا ما جعانة ... تعبانة بس عايزة انوم
زعل وما قال ليها حاجة غير (طيب) ومرق طوالي من الاوضة وهي اتأفأفت لأنو عرفتو زعل بس ما كانت قادرة تقوم وقالت تاخد ليها نومة شوية وتقوم تراضيهو بس برضو ما قدرت تنوم وقعدت تتقلب في السرير ... قامت وعايزة تفتح الباب كده طوالي هو جا داخل بي صينية الاكل
عاينت ليهو بحنية كده وقالت : هسه كنت جاياك
مجتبى : ليي يعني؟
علا : شايفاك زعلت و
مجتبى : لا ما زعلت
علا : والله؟؟
ابتسم ليها وقال : والله
قامت حضنتو وضحكت وقالت : انا عندي كم تبو في الدنيا دي ؟!
حضنها عليهو وضحك ... كان بياكل وهو ساكت وهي حست بيهو ما ياهو قامت قالت ليهو : مجتبى وساكت في صينية الأكل ؟ تبو انت الليلة ما طبيعي !!
ختت يدها في جبينو وقالت : حرارتك طبيعية
ضيقت عيونها وعاينت ليهو بي شك وقالت : مالك؟
مجتبى : ماف شي
أنت تقرأ
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
