The Cruel Desire

Chapter 38

 

 

NASA batis ako ngayon. Naalala ko ang ginawa namin ni Clyde sa batis na ito noong dumating kami dito, isang linggo na ang nakakalipas. Kaunting dikit lang ng mga balat namin ay bigla na akong nag-iinit.

"Nandito ka lang pala." Di ko siya nilingon. Nanatili ang tingin ko sa batis. I cross my arms and caress them using my hands. Malamig din kasi ang simoy ng hangin.

"Bakit mo ako hinahanap?" tanong ko dito.

"Gusto ko lang magpaalam. Magrereport na kasi ako sa kampo, gusto ko mang isama ka ay baka mas lalong mapahamak ka lamang. Mas mabuting nandito ka, ligts dito at malayo sa panganib.

"Iuwi mo na lang kami ni daddy Clyde. Mas magiging okay kung nasa mansion kaming dalawa."

"Hindi pwede, at isa pa ligtas kayo dito," giit nito sa akin.

"Ligtas? Tapos na ang laban namin ni Ivy Clyde. Ipinaubaya na kita sa kanya. Kayo na nga di ba?"

"Hindi lang si Ivy ang naghahangad ng kamatayan mo Sheena. Nang dahil sa akin, kaya ka nadamay." Pinahina nito ang huling sinabi nito sa akin. Pero narinig ko pa rin iyon.

Di ko narinig kanina ang yabag nito na papalapit sa akin. Dahil siguro sundalo ito ay na-calculate nito ang bawat galaw nito.

Hinarap ko ito. Tinignan sa mga mata. "Bakit kasi kinidnap mo pa ako at dinala sa kung saan. Ngayon, mapapahamak na naman ako."

"I am sorry. Hindi ko namang akalain na masusundan nila ako. Ginawa ko ang lahat para mailigaw sila. Kaso, napakatinik pala nila."

Di ko alam ang gagawin ko, nanganganib ng wala sa oras ang buhay ko. Akala ko iyong nangyari 10 years ago ay iyon na ang huli. Hindi pa pala. I give up Clyde. Kinausap ko din si Ivy that time. Para tigilan lang niya ako at natigil ang lahat.

Si Clyde lang naman ang puno't-dulo nang lahat ng iyon. Pareho naming minahal ni Ivy ang isang lalaki. Kaya para matigil ang ginagawa nitong pagpapahirap sa akin, I give up Clyde. Kahit na sobrang mahal ko siya.

Handa ko na sanang patawarin si Clyde noon. Start a new life with him. Pero noong kausapin ako ni Ivy at sabihin nito sa akin na kailangan ng ama nito ng anak ay di ako nagdalawang-isip na ibigay si Clyde sa kanya.

 

I LOOK AT Sheena, mula sa kinatatayuan ko ay tanaw ko ito. Ito lamang ang tangi kong alam para manatili itong ligtas at di na malagay sa panganib muli ang buhay nito.

Siguro kung di ko siya kinidnap ay baka di nanganganib ang buhay nito.

"Hanggang tingin mula sa malayo ka na lang ba?" tanong nito sa akin. Di ko ito nilingon, nanatili ang tingin ko kay Sheena mula sa malayo.

"Mas ligtas siya sa hacienda. Habang inaayos ko ang gusot na ginawa ko," sabi ko dito.

"Sa palagay mo. Napatawad ka na niya? Sa pagkidnap mo sa kanya."

"Iyan ang hindi ko alam. Sana balang araw ay mapatawad niya ako."

5 months na simula nang umalis ako. Ang sinabi ko kay Sheena ay magrereport lang ako sa kampo, pero ang totoo ay aayusin ko ang gusot na ginawa ko.

I make my own investigation. Kulang pa din ang mga impormasyon na nasa kamay ko. Siguro matatagalan pa ang pagbabalik ko sa buhay ni Sheena.

LULAN kami ni daddy ng isang kotse na maghahatid sa amin sa aming mansion. Isang lalaki ang nagtungi sa hacienda at sinundo kami. Siguro ay tapos na ang lahat  Pero hindi pa rin nagpapakita si Clyde sa akin.