The Cruel Desire

Chapter 1

NAGMAMADALI akong pumasok sa school dahil late na ako. Kahit na kami ng may-ari ng school na ito ay kailangan ko pa ding magconcious sa pag-aaral ko.

Naghahalungkat ako sa bag ko at di ko tinitignan ang nasa harapan ko. Kaya sa di inaasahan ay nabangga ako sa isang pader at muntik nang masobsob sa semento kung di lang ako sinalo ng isang malabakal na mga braso. Napatigalgal ako at labis ang tahip at lakas ng tibok ng puso ko, dahil sa nangyari. Akala ko talaga ay sa semento ako pupulutin.

"Are you okay?" Nakatitig lang ako sa lalaki. Hindi ko ito kilala.

"Clyde, come on, baka mahuli na tayo!" sigaw ng mga kasamahan nito.

Tsaka ko lang napagtanto na nakayakap pala ako sa lalaki at nasa sahig ang mga gamit ko. Kaya lumuhod ako at isa-isang kinuha ang mga gamit ko. Tinulungan ako ng lalaki. Kinuha ko ang lahat ng mga gamit nito, napatingin ulit ako sa relo na nasa bisig ko at late na talaga ako.

"Thank you!" sabi ko, sabay kuha ng mga gamit ko at takbo papunta sa department ko. I am 4th years college student. This month ay graduated na ako kaya pinagbutihan ko talaga ang pag-aaral ko. Para makuha ko ang gusto kong course.

Hingal na hingal ako ng makarating ako sa classroom ko. Buti na lang ay wala pa ang teacher namin.

"Saan ka ba galing?" tanong ni Airene sa akin.

"Sa bahay, kagigising ko lang, kasi wala si mommy. Alam mo naman na nag-aral ako kagabi," sabi ko dito.

"Mabuti na lang at wala pang Teacher natin."

"Oo nga eh!"

Napatingin ako sa may bintana ng may mahagilap akong tao sa may puno. Kumunot ang noo ko at umawang ang labi nang makilala ko ito.

"Anong ginagawa niya d'yan?" wala sa sarili kong tanong.

"Sino?" tanong ni Airene. Katabi ko kasi siya sa upuan.

"Wala." Lumingon ulit ako sa kinatatayuan ng lalaki na nakabungo ko kanina. Nandoon pa rin ito.

Parang bago ito. Di ko kasi kilala ang lalaking iyon.

Humihingal si Ivy ng pumasok sa loob ng classroom namin.

"Shit!" Mura nito.

"Bakit? Para kang hinabol ng isang dosenang kabayo?" tanong ko dito.

"Pumunta ako sa cafeteria. Usap-usapan doon na may new transferee daw. At guest what sa high school department at sobrang gwapo daw." Kinilig na saad ni Ivy.

Di ko na ito pinakinggan. Napatingin ulit ako sa may puno. Nasa second floor kasi ang aming classroom ay malapit ako sa bintana. Wala na doon ang lalaki. Siguro umalis na ito. Ano kaya ang pangalan niya. Hindi ko masyadong narinig kanina ang sinabi ng kasamahan nito.

Ilang minuto pa ay dumating na ang guro namin. Dahil may quiz ay natagalan kami sa paglabas. Papunta kami sa cafeteria sobrang ingay ng mga estudyante na nasa loob. Tumahimik lang ang mga ito ng pumasok na ako.

Alam kasi nila kung ano ang kaya kong gawin. Napadaan ako sa isang table, di ko pinansin ang mga nandoon. Pero biglang umingay na para bang inaasar nila ang isang lalaki.

"Di ba, Clyde. Siya iyong babaeng nakabangga mo kanina?" rinig kong anong nito sa isang nangangalan na Clyde.

"Yeah," sagot nito.

"Mukhang masungit!"

"Masungit talaga iyan. Kinakatakutan iyan dito sa school," sabi ni Joyce sa kanila.