The Cruel Desire

Chapter 18

UMUWI muna ako sa bahay para mag-ayos ng mga gamit ko, dahil nga nagyaya ng outing ang barkada ko. Bumaba na ako ng mamataan ang Mommy ko.

Nakatingin pala ito sa akin. Kausap nito si Clyde.

"Mommy," nakangiti kong tawag dito. "Outing po muna kami Mommy!" Paalam ko sa Mommy ko.

"Sino ang mga kasama mo?" tanong nito sa akin.

Nilingon ko si Clyde. "Sila Airene Mom," sambit ko dito.

Ngumiti si Mommy, dahil alam nitong kung ang mga kaibigan ko. Pero agad ding nawala ng para bang may maalala ito.

"Kasama ba iyong Ivy?" tanong nito. Kumurap-kurap ako at umawang ang aking mga labi, nagdadalawang-isip ako kung sasabihin ko ba or hindi.

"Mommy, ano kasi." Napabugtong-hininga ako. "Yes, Mom. Hindi pwedeng mawala si Ivy, alam mo naman sila Airene 'di ba." Napabugtong-hininga ito.

Ayaw kasi nito kay Ivy, dahil di daw maganda ang kutob nito kay Ivy. Pinagwalang bahala ko lang ang mga sinabi ni Mommy. Kaibigan ang turing ko kay Ivy, nasa kanya na iyon kung di niya ako ituturing na kaibigan.

"Sige mag-ingat kayo!" ngiting sambit ni Mommy.

Kinuha ni Clyde ang travelling bag ko na pinaglagyan ng mga gamit ko.

"Sige Mom." Ngiti ko dito bago ako humalik sa pisngi nito.

Inilagay ni Clyde ang isang kamay sa baywang ko para alalayan ako at ang travelling bag ko ay nasa isang kamay nito.

Pinagbuksan niya ako ng pinto ng kotse nito. Kaya agad akong pumasok, binuksan nito ang backseat para doon ilagay ang travelling bag ko. Sa bahay ni Jen kami magkikita-kita, dahil di pa namin alam kong saan kami tutungo nito.

Ilang minuto din ang b'yahe namin papunta kina Jen, sa wakas ay nakarating na kami.

Naabutan namin si Ivy sa labas, nang makita nitong lumabas si Clyde mula sa driver seat ay agad itong lalapit sana sa lalaki, pero agad din napatigil ng binuksan nito ang pinto ng kotse nito at lumabas ako.

May nakita akong galit sa mukha ni Ivy, pero nawala iyon nang bumaling si Clyde sa gawin nito. Nakapaskil ang magandang ngiti ni Ivy para sa lalaki. Inilagay ni Clyde ang kamay nito sa baywang ko at inalalayan ako papunta sa bahay nila Jena.

Lalapit sana ito sa amin, kaso ay nilagpasan namin ito. Nakapasok na kami sa bahay ni Jen at nakita ko sila na masayang nagkwentuhan.

"Oh, nand'yan ka na pala Ivy. Akala ko mamaya ka pa." Tumaas ang kilay ko sa sinabi ni Airene.

"So hindi siya pumasok dito? E, nasa labas iyan kanina," sabi ko sa kanila.

"No, ngayon lang namin siya nakita."

"Actually, nag-aantay ako na dumating si Clyde," mahina nitong sambit.

Nilingon ko ito. Di ito nakatingin sa amin o sa akin.

"Bakit? May usapan ba kayo?" sabi ko sabay baling kay Clyde.

"Wala akong alam d'yan." Deny ni Clyde.

Binalingan ko si Ivy. "Alam mo Ivy, mabait ako sa mabait sa akin. Sana ay wag mo akong suwagi," malamig kong sambit dito. "Ang ayaw ko sa lahat ay tirahin ako nang patalikod." Dagdag ko.

"Ah, Sheena. Doon na lang kaya tayo pumunta sa resort na napuntahan natin dati?" tanong ni Jen.

"Pwede din." Sang-ayon ko.

"Doon na lang tayo. Or puntahan natin ang mga magagandang tourist spot dito sa Mindanao, road trip muna tayo." Suhesyon ni Airene.

"Pwede din naman, kung walang tutol."