The Cruel Desire

Chapter 34

DAHIL sa nangyari sa school ay umuwi na ako. Di talaga ako makapaniwala na nangyari iyon sa akin. Di ko din kilala ang mga iyon.

Di ko sukat akalain na sa sariling school ko pa talaga mangyayari iyon. Nasa parking lot kami ngayon.

Dumating si Clyde na humahangos dahil sa nabalitaan nito ang nangyari sa akin. Pagkalapit niya sa akin ay agad niya akong niyakap at hinalikan sa noo.

"Are you okay?" tanong nito sa akin.

"Yes I am!" ngiti kong sagot dito.

"What are you doing here Icy?" tanong nito kay Icy. Nagkatinginan kami sa aming mga mata.

Nagsusumamo ako na wag sabihin kay Clyde na may usapan kaming dalawa. Umiling-iling ako.

"Nakita ko lang siya, balak ko sana siyang tulungan pero tapos na pala."

"Pwede ka ng umalis!" taboy nito kay Icy.

Alam kong harsh masyado si Clyde kay Icy. Alam ko kasing may dahilan ito kaya ayaw nitong napapalapit sa akin si Icy.

"Halika na. Ihahatid na kita sa condo mo." Sumunod ako sa kanya. Pumasok ako sa front seat nang buksan nito ang pinto nang front seat. Isinuot nito ang seatbelt sa akin.

Sumakay na din ito sa sasakyan nito.

Tahimik lang kaming dalawa. Walang gustong magsalita. Alam ko na di biro ang kinaharap ko kanina. Akala ko talaga katapusan ko na.

Dumating kami sa condo ko na walang imikan. Pumasok ako at pumunta sa kusina, binuksan ko ang ref at kumuha ng tubig.

Napaharap ako sa counter ng kusina ko at napahawak sa dulo nito. Tapos ay tumingala ako.

Di ko akalain na mangyayari iyon sa akin. Sino ang may gawa no'n?

"Bakit hindi mo ako hinintay kanina?" tanong nito sa akin.

Di ko siya nilingon. Bagkos ay yumuko ako.

"Sumagot ka, Sheena. Mababaliw ako sa pag-aalala sa iyo!" sigaw nito sa akin.

Nilingon ko siya. Tinignan ko siya sa mga mata nito.

"Dahil mababagot lang ako sa loob ng campus. Matagal ka pa kayo magsi-uwian. Galit din ako sa iyo!" balik kong sigaw dito.

"Dahil lang dyan? Muntik na ng mapahamak oh!" sigaw nito sa akin.

Umiwas ako nang tingin dito.

"Alam ko ang ginawa ko. Maalam ako sa self defense." Katwiran ko.

"Yeah, you know how to use it. I know that. Pero mag-isa ka, babae ka. Kung marami sila. Napahamak ka na!" Natahimik ako sa sinabi nito.

Naisip ko din kasi iyon. Kung marami sila baka napahamak na ako.

Bigla ay naramdaman ko ang yakap nito. Hinalikan nito ang ulo ko.

"Hindi ko alam ang gagawin ko Sheena kung may mangyayari sa iyo na masama. Baka ikamatay ko."

Di ko napigilan ang lumuha. Dahil halo-halo na ang nararamdaman ko. Takot para sa sarili ko at takot para sa mahal ko sa buhay.

"Di ko na alam ang gagawin ko, Clyde. Hindi ko alam kong sino ang may gawa nito." Di ko napigilan ang umiyak. Umiyak ako sa bisig nito.

"Nandito lang ako. Wag kang mag-alala, mahahanap din natin ang salarin ang may gawa nito." Humigpit ang yakap ko dito.

Nandito ako ngayon sa sofa ko. Tinitignan ko ng files na pinadala sa akin ni Airene, mga files iyon na nagsasaad ng mga galaw ni Ivy.