The Cruel Desire

Chapter 10

DECEMBER ngayon, malapit na pala ang pasko at new year. Pero hindi ako pwedeng umuwi, dahil baka makita ko lang siya doon. Kahit na gusto ko siyang kalimutan ay hindi ko magawa. Palagi din siyang sumasago sa isipan ko.

Balita sa akin ni Airene, ay palaging may kasamang babae si Clyde, iba't-ibang babae iyon. Siguro, nabaling nito ang atensyon sa ibang babae. Mas mabuti na iyon, mas mapayapa din ang buhay ko dito sa Cebu. Ilang buwan na ako dito, ni minsan ay walang Clyde na dumating. 

"Sheen, may bisita ka," nakangiting saad ni Ellyn. Ang naging kaibigan ko dito.

"Sino na naman iyan?" tanong ko dito.

"Sino pa ba, iyong manliligaw mo," ngisi nito.

I just rolled my eyes. Si Carl ay masugid kong manliligaw dito, kahit na ilang beses ko siyang sabihan na wala sa isip ko ang pagboboyfriend ay di ito nakikinig.

"Paalisin mo na lang. Sabihin mo na busy ako."

"Okay."

Umalis na si Ellyn, alam na ni Ellyn, kung ano ang gagawin at paano mapaalis si Carl.

Gabi na nang matapos ako, kaya malalim na ang gabi nang umuwi ako sa apartment ko. Apartment lang ang kinuha ko.

Noong una ay nagalit talaga si mommy sa desisyon ko na dito sa Cebu Branch magpa-aassign. Pero wala na siyang magagawa, nandito na ako. May dahilan naman din kasi kung bakit ako dito nagpa-aasign.

Ayaw niya sana na sa isang apartment ako mag-stay, but I insist. Gusto sana ni mommy na isa sa mansion namin ako tumira, pero hindi ako pumayag. Kaya wala itong nagawa kundi sundin ang gusto ko.

Limang buwan na ako dito. Simula ng umalis ako sa Mindanao ay wala na akong balita sa mga tao doon. Ayaw kong makibalita. Dahil baka mawala ang lahat ng sinakripisyo ko.

Pero sadya talagang mapaglaro ang tadhana dahil si Airene mismo ang nagkontack sa akin ay sinabi ang nalalapit na kasal ni Jen. Di ko naman akalain na ikakasal na si Jen at di ko pa namemeet ang groom niya.

Nasa Cebu daw kasi silang lahat. Dahil dito gaganapin ang kasal. Iyon ang gusto ni Jen at ng kanyang mapapangasawa.

Actually ay magkikita kami mamaya. Kaya minadali ko ang trabaho ko dito, para makasunod agad kina Airene. Kung di pa ako kinontak ni Airene kagabi ay baka di ko malalaman na nandito silang lahat.

Masyado talagang mapaglihim si Jen, akala ko talaga noon ay di ito ikakasal kaso, ito pala ang mauuna sa aming magkakaibigan.

Nang matapos na ako ay agad akong tumayo, iniligpit ko ang mga gamit na nagkalat sa mesa ko at agad na umalis sa office ko. Nadaanan ko pa si Ellyn na abala sa ginagawa.

"Mauna na ako, Lyn. May pupuntahan pa kasi ako," saad ko dito. Abala ang ako sa paghahalukay sa bag ko, dahil hinahanap ko ang susi ng sasakyan ko.

"Sige. Susunod na lang din ako."

Umalis na ako ng mahanap ko na ang susi ng sasakyan ko. Pumunta ako sa parking lot at agad na sumakay sa aking sasakyan.

Samantala, ang hindi alam ni Sheena ay may tao palang nakamasid sa kanya. Matagal na siya nitong sinusundan, pero hindi ito nilapitan ng taong iyon. Tinitignan lang siya ng taong iyon mula sa malayo.

 

NAKARATING ako sa isang bar. Kahit kailan talaga ay mahilig magbar ang mga kaibigan ko na ito.

Agad kong pumasok sa bar at pumunta sa VIP room. Nandoon na silang lahat, ako na lang yata ang hinihintay nila.

"Sheen!" sigaw ni Airene. Rinig na rinig ko ang sigaw nito, dahil nasa loob kami ng VIP room.

"Teka lang, may hinihintay pa tayo," sabi ni Airene sa amin. Kumunot ano noo ko.