وورتو الحوار الدار البينها وبين مجتبى
وهو قرر انو.. يوريها الحقيقة، ويوري مجتبى ومناف كمان!! عشان ما تكون ل واحد غيرو ويعقد عليها طوالي
طلع من الحالة الهو فيها بي صوت هزار وهي بتناديهو وبتقول ليهو : الاجتماع يا ليث
...
غسان : اها ما غيرتي رايك صاح؟
لمار : لأ وانا هسه جنب باب بيتكم
شهق وقال : ولي ما قلتي لي عشان اجيبك؟
لمار : انا هسه جيت خلاص.. ما حابي تفتح لي الباب؟
غسان : لا لا لا ما كده ااا جاييكي هسه
قفل الخط طوالي وقام بسرعة من سريرو
فتح ليها الباب وكان لابس فوق تيشيرت بس تحت شورت قصير فوق الركبة طوالي
عاينت ليهو من فوق لي تحت (ما بنظرة قرف، عاينت ليهو بنظرة متفحصة) وفتحت عيونها شديد وقالت وهي بتقبل منو : هيي ده شنو؟
غسان : شنو؟
عاين تحت ل اللابسو واتحير وقال في نفسو : معقولة خجلت عشان شورت!!
ابوهو لقاهو واقف في الباب وقال : ده منو يا غسان؟ ضيفتنا جات؟
(يلا اوصف ليكم عمو حسان ده وباقي اسرتو، حسان ده راجل مربوع كده بس مايل للطول لونو اسمر غامق شوية وشعرو شوية ناعم بس مايل للخشونة أكتر ولونو بني غامق ولون عيونو بنية برضو بس فاتحة .. وغسان طويل، طولو ١٨٤ واصفراني كده، شعرو ناعم ولونو بني غامق شديد.. عيونو بنية فاتحة ووشو مستطيل بس ما مطاول عريض شوية ومايل ع البيضاوي .. اما سهام دي لونها افتح من لون غسان يعني حلبية بس ما شديد ومربوعة برضو وشعرها ناعم طويل وحريري واسود شديد وعيونها بنية غامقة ووشها بيضاوي .. والمرحومة امل حلبية شعرها اسود ناعم مربوعة وجسمها حلو ما شاء الله والمناطق الانثوية بس المليانة عيونها بنية غامقة ووشها عريض شوية)
غسان زحا ليهو من جنب الباب قام ضحك وقال : مالا مقبلة كده وابت تدخل؟
غسان اشر ليهو على الشورت ب حرج
ابوهو ضحك تاني وقال : اتفضلي ادخلي ساي يا بتي، غسان ده زي اخوكي
غسان شما ابوهو شديد وقال ل لمار : اي خشي ساي انا زي اخوكي
وتقل على جملتو دي
اتوجه فوق على غرفتو طوالي
استحمى سريع ولبس ليهو حاجة ساترة اما لمار ف عمو حسان دخلها وضيفها
لمار : معليش يا عمو بس انا حصل شفتك في حته؟
ما عارفة بس حاسة انو شكلك مألوف شديد بالنسبة لي..
حسان : والله يا بتي انتي ذاتك بتشبهي امل الله يرحما
ونزل وشو ب أسى
YOU ARE READING
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
