علا : انا زعلتك في حاجة ؟ لو انا زعلتك في حاجة قول لي عشان اصلح غلطي
مجتبى : ما انتي يا علا
عاين في الأرض بشرود وتعب ويأس وقال : عارفة أكتر حاجة مزعلاني في الدنيا دي شنو ؟ موت امي وابوي ... لي يعني يسيبونا كده بالسهولة دي ؟؟ ابوي يستسلم للسرطان وامي تنتحر
علا : انت زول مؤمن يا مجتبى !! الكلام البتقول فيهو ده غلط ... بعدين كلنا دي نهايتنا، وانت عارف انو امي ماتت مقتولة وليس منتحرة وده كلام ادهم وانا بصدقو
ما عشان هي كانت عيانة ومضطربة معناها انتحرت !! لأني واثقة تماماً انها كانت بتحبنا ومستحيل تتخلى عننا بالبساطة دي
مجتبى : ما قادر اصدق انها ماتت مقتولة لأنو ما اعتقد عندها اعداء ... ارح هسه نقوم نصلي وندعي ليهم
ابتسمت وقالت : سرقتها من خشمي
ضحك وقال : وه في النهاية القالها اول منو؟
اتكلمت معاهو وهي بتضحك وقالت : يا زول ما بي كده
مجتبى : لا لا بي كده ونص
مشو صلو وساهرو مع بعض بعديهو كلو واحد مشى على غرفتو
وما وريتكم اخر فترة علا وليث بقو قراب شديد من بعض
المهم علا بقت تتقلب في السرير وما قدرت تنوم قامت شالت تلفونها ودخلت الواتس
هو بهناك لقاها متصلة قام رسل ليها : ما نمتي لي هسه؟ غريبة ما من عوايدك تساهري 😂🐸
علا : قعد اساهر انت بس ما عارف حاجة ساي 😂🌚
ليث : امشي نومي بكرة عندك محاضرات
علا : بكرة انا ما جاية ... تعبانة شديد
ليث : يعني ما حشوفك؟
علا : انت بس قول كده من الأول
ليث : شنو هو؟
علا : من الأول قول عايز تشوفني 🌚😹
ليث : اي بس ياهو ذاتو
شافت الرسالة وما ردت اول شي لأنها تقيلة تاني شي لأنها خجلانة
أنت تقرأ
رغبة
Randomرواية سودانية بقلم ريل حمزة أحياناً يقتلاننا الألم والرغبة لدرجةِ اننا لا نستطيع النجاة منهما وبالكاد نستطيع العيش والتنفس.. .. بتمنى ليكم متابعة ممتعة☕..
