رغبة

13- كنت حاسي

وقبل ما يتم كلامو المطرة صبت وكانت قوية شديد

قام ادهم ابتسم إبتسامة جانبية كده

وفجأة علا مرقت ليهم برا لمن لقت المطرة صبت عشان تحنسو بس ما رضا ليها وابى يسمع كلامها

وهي من قبلي ما المطرة تصب كانت مارقة ومع مرقتها المطرة صبت

علا: ادهم عليك الله خليهو المرة دي بس

ادهم: علا خشي جوا لأنك حتمرضي

علا: لو انت ومناف ما دخلتو انا ما حدخل ولا اكذب عليك

قربت منو قامت حضنتو.. اي اي حضنت ادهم

بس فهمكم ما يمشي بعيد 😭😂😭😂💔

عشان تحنن قلبو وكده

قال ليها: ما تحاولي

وتاني قال لي مناف: منتظرني اجي اقلع ليك؟

قام مناف ولا هظر وسمع كلامو قام قلع ملابسو وقعد بالبوكسر بس جد 🙂😀

لأنو عارف لو اتمادى زيادة حيحصل ليهو اكعب من كده

قامت علا غمضت عيونها.. وباقي العيلة بعد تشاور طلعت ولا فريدة ولا عبد الله كانو قادرين يوقفو ادهم من البيعمل فيهو

قام نهرهم كلهم وقال: خشو جوا

والله لو ما خشيتو حيكون العقاب عليهو زيادة

اسمهان ويحيي ومحمد ومجتبى ورندا وملاذ ومنار وكريم كلهم خشو بي عدم حيلة

اما عبد الله وفريدة وعلا ما سمعو كلامو وفضلو قاعدين وهو اتجاهل وجودهم

(قلت اسماءهم كلهم عشان تحفظوهم وكده)

فريدة بدت تبكي ما بس عشان مناف

عشان ادهم الأبى يتغير والسنين كانت بتمر بس هو لسه في شخصيتو الزمان وزاد سوء بس بعد ما لمار دخلت حياتو اتغير حبه

" ما لازم نظلم زول عشان سبب زي ده يمكن يكون مريض أو عندو مشكلة نفسية أو عقلية وانا هنا قلت يمكن بس مستحيل زول طبيعي يكون بيعمل حاجات زي دي.. يعني إنو يقتل ويعذب الناس ويكون مهووس بي وحدة بالشكل الهستيري ده

ما هو واحد من الاتنين يا اما يكون عندو مشكلة نفسية أو عقلية يا إما يكون بيتصنع "

المهم فجأة عاين لي فريدة

وطبعاً ما كان قادر على بكاها ده وقربو منها عبد الله وعلا عشان يطبطبو عليها

اما هو عمل نفسو ما مهتم لأنو لو عرفو انو نقطة ضعفو فريدة وزعلها ف تاني حيقولو ليها تعمل نفسها زعلانة كل ما حصلت مشكلة عشان هو يتنازل ولأنو كده حيعرفو إنو ما بيقدر يواصل يعمل حاجة وهي زعلانة منو او من زول من شدة حبو ليها

قام فاجأهم لمن قال لي مناف: خت يدينك ورا راسك وانزل تحت واطلع فوق عشرين مرة ورا بعض ومف استراحة