ကြည့်နေကြသောလူအားလုံးသည်တင့်တယ်သောအလင်းတန်းကြီးထဲသို့ မြေပြင်ပေါ်တွင်လမ်းလျှောက်နေသလို လျှောက်လှမ်း၍တက်သွားသောယဲ့ကျင့်ထန်အား တအံ့တသြဖြင့်ကြည့်နေကြလေသည်။ သူမဘယ်နေရာကိုခြေလှမ်းလှမ်း ကြာပန်းတစ်ပွင့်ပွင့်ကိုပွင့်လာလေသည်။
တစ်ဆင့်ပြီးတစ်ဆင့်မြင့်လာလေလေကြာပန်းပွင့်များသည် လှေကားထစ်များသဖွယ်ယဲ့ကျင့်ထန်ခြေလှမ်းလိုက်သောနေရာများတွင် တစ်ပွင့်ပြီးတစ်ပွင့် ပွင့်လာကြကာသူမခြေထောက်ကြွလိုက်သည်နှင့် လုံးဝပျောက်ကွယ်သွားလေသည်။
အဝေးမှကြည့်လျှင့် ယဲ့ကျင့်ထန်သည်ရွှေရောင်ကြာပန်းပွင့်လေးများကို နင်းလျှောက်ရင်း တင့်တယ်သောအလင်းရောင်တန်းလွမ်းခြုံနေကာလေထဲတွင်ပျံသန်းနေသလားဟုတောင်ထင်ရလေသည်။
ထိုကဲ့သို့သောအံ့သြဖွယ်ကောင်းသောမြင်ကွင်းသည် စာမေးပွဲလာဖြေသူအများအပြားအား မှင်သက်သွားစေပြီး ယဲ့ကျင့်ထန်ကိုမကြည်သောစာမေးပွဲဖြေသူများနှင့်ပါလာသောသူများပင်လျှင် ယဲ့ကျင့်ထန်၏အေးဆေးတည်ငြိမ်မှုကြောင့်အံ့သြကြရလေသည်။
သူမ၏တည်ငြိမ်ကာငြိမ်းချမ်းနေမှုသည် သူမဒီလမ်းကိုအကြိမ်ပေါင်းမရေမတွက်နိုင်အောင် လျှောက်ဖူးသည့်ပုံပေါက်နေလေသည်။
မျက်စိတစ်မှိတ်အတွင်းတွင်ယဲ့ကျင့်ထန်သည် မြေပြင်ပေါ်မှပေပေါင်းများစွာမြင့်သောနေရာသို့ရောက်သွားပြီဖြစ်လေသည်။ လူတိုင်းသည်အံ့သြနေကြရာမှသတိပြန်ဝင်လာကြပြီး ချက်ချင်းတက်ရန်ပြင်ကြလေသည်။
ခုနကအရှေ့ထွက်ရန်ကြောက်နေကြသောသူများသည် အရှေ့သို့အလျှင်အမြန်ထွက်လာကြပြီးယဲ့ကျင့်ထန်အားအတုယူပြီး အလင်းရောင်တန်းအပေါ်သို့တက်ကြလေသည်။
ပထမဆုံးကြာပန်းသူတို့ခြေထောက်အောက်တွင်ပွင့်လာသောအခါတွင် များစွာသောသူတို့သည်ရင်ခုန်သွားကြပြီး အကျင့်ပါနေသည့်အတိုင်းနောက်တစ်လှမ်းဆက်တက်ရန်ခြေကိုကြွလိုက်ကြလေသည်။
သို့သော်......
ဖုတ်!
အရမ်းစိတ်လှုပ်ရှားနေသောလူတစ်ယောက်သည် လေထဲသို့ခြေလှမ်းလိုက်ရာကျန်ခဲ့သောခြေထောက်အောက်ရှိကြာပန်းမှာ ပျောက်ကွယ်သွားပြီးထိုလူသည်မြေကြီးပေါ်သို့ပြုတ်ကျသွားလေသည်။
ČTEŠ
အင်အားကြီးမိဖုရား၏ ပြန်လည်ရှင်သန်ခြင်း(Myanmar Translation)
Historická literaturaTranslation work of HanMay & GinYu (Best Novels Collection Team- BNC Team) U can search 'Best Novels Collection Team' on Fb💛 Every Tuesday & bonus day⭐ (Paid gpရိွ)
Ch-96
Začít od začátku
