الجزء 65
أما فلاد فجلس بقى ساهي مدة معارفش فين غيوصلو فهادشي خايف عليها لأقصى درجة ميمكنش يتخيل حياتو بلا بيها داكشي علاش هي معاه فينما مشا.. و فنفس الوقت خاصو يخبيها على عائلتو خصوصا آدم لي الا عرف بموضوعها غادي يحكم على نيل بالموت.. حيت فلاد عاشرها كثر من مرة و نيل هي وحدة من خارج "راشيت" هادشي عندهم ممنوع..
قصر آل مير
دنيا عمرات بالناس و جميع الناس لي ف "راشيت" متشوقين يتعرفو على الأفراد الجداد.. آدم معصب بزااف حيت فلاد باقي محضر للحفل و ضيوف الشرف مبقى والو و يدخلو هز تيليفون حاقد تيعيط على فلاد لكن تواحد متيجاوب حتى جا عندو بيتر
بيتر: آدم! واش افراد عائلتك واجدين؟ حيت بقات خمسة دقايق و يدخلو ضيوف الشرف
آدم: باقي فلاد مزال مجاش.. تنعيط ليه دابا نشوف علاش تعطل
بيتر: تبغي نكلف واحد من الأشباح؟ باش يجيبو دغيا؟
آدم: لا! متحتاجش
بيتر: هي نتسناو شوية حتى يجي
آدم بجدية: متعطلوش المراسم على قبل شي حد كيفما بغا يكون.. من الاحسن كلشي يطبق على حسب الاصول و القوانينبيتر تنهد و حرك راسو بآه
نمشيو عند لورا
كانت جالسة بوحدها و ساهية قاطع سهوتها جوزيف لي جلس حداها.. شافت فيه معجبة حيت شحال متلاقات بيه كان هاز گارو فيديه غير جلس حداها شعلو
جوزيف: كيدايرة مع ولدك؟
لورا بقات تتشوف فيه مقادرة حتى تجاوب
جوزيف: جيس! ياك سميتيه جيس
لورا: اه!
جوزيف: صراحة ملي سقت لخبار بلي سميته جيس بقا فيا الحال بزااف
لورا: هي متاكد من الاسم علاش تتسول؟
جوزيف: لورا! تبدلتي بزاااف.. طول هاد السنين لي فاتو.. فين الضحكة لي كانت مزينة وجهك؟
لورا ابتاسمات: كلشي بقا فالماضي
جوزيف: واش نادمة
لورا جمعات الابتسامة: علاياش؟؟
جوزيف: واش نادمة على جيس؟ حيت ولدتيه؟
لورا زيرات على يديها و خنزرات فيه: هاد الامر متيهمكش!! و احسن حاجة فحياتي هي ولدي..
جوزيف: متأكدة؟
لورا بحدة: تواحد معندو الحق يشكك فهادشي
جوزيف: و ملي هو احسن حاجة فحياتك علاش معاقباه بشي حاجة معندو تاشي علاقة بيها؟
لورا بعدم فهم: شنو تتقول؟جوزيف نتر من لگارو نترة طويلة عاد جاوب
جوزيف: علاش حارماه من باه؟
لورا باستفزاز: و علاش ساندي حارمينها من باها؟جوزيف خنزر و لاح الگارو و عفط عليه معصب
جوزيف: هاد الموضوع بالذات معندكش الحق تفتحيه معايا متندمينيش حيت عاودت ليك ا لورا!!
![](https://img.wattpad.com/cover/285229193-288-k913358.jpg)
YOU ARE READING
راشيت
Paranormalمرحبا بكم فقصتي العجيبة تنتمنى تنال الاعجاب ديالكم بلا منطول عليكم.. غنعطيطم فكرة صغيرة على لقصة لي كتبتها بعد تفكير طويييل هادي أول قصة غنكتبها و متحمسة نشاركها معاكم.. بس: القصة خيالية!!!!! تدور القصة على واحد العالم لي سميتو "راشيت" و تواحد معارف...