راشيت

الفصل الأول: الاختبار

الجزء 36

أما فبلاصة قريبة بزااف ليهم كاينة واحد الطونوبيل جالس فيها زيرو الضل ديال جو.. سالات الأغنية .. وفهداك الصمت لي كان فانتظار أغنية جاية سمع صوت الرصاص.. تصدم حيد الكاسك و دار يشوف شنو وقع بان ليه جوج ديال الناس فالأرض و بعيد شوية فلاد شاد فيديه الفردي و أنور جالس فالأرض شاد رجلو.. هز تيليفون و عيط لجو

جو: شنو درتو لقيتوه
زيرو: موسيو جو !! موسيو فلاد تيرا فجوج ديال الناس و أنور واقلة موسيو فلاد تيرا فيه
جو معصب: فين تضرب أنور؟
زيرو: رجليه
جو: عطيني فلاد
زيرو خايف: موسيو فلاد معصب بزاف و الا بنت ليه

مقدرش يكمل هضرتو و جو مجاوبوش و هو يفهم حيت جو قليل لهضرة.. خرج من طونوبيل و تاجه لعند فلاد و هو تيشير لتيليفون

فلاد بسخرية: صاحبك تاهو كاين
أنورمعصب: أنا راه ضل ديال خوك!! شنو تتحاول دير
زيرو خايف: موسيو جو بغاك
فلاد: دابا ولا باغي يهضر معايا مزيان عطيني نجاوبو

خدا من عندو تيليفون و باقي موجه الفردي جهة ديال أنور

فلاد: خويا العزيز توحشتيني؟
جو: غادي و تتزيد تغرق
فلاد باستفزاز: خايف نقتلو؟
جو ببرود: نتا و أنا عارفين شنو غيوقع بلا منهضر
فلاد: هي لهاد الدرجة متأكد بلي منقدرش نديرها؟
جو: لي بغيتي ديرو ديرو و لكن أي حاجة عندها ثمن و كون متأكد غيكون بالدوبل
فلاد بتحدي: نتخاطرو؟

جو قطع عليه فلاد تعصب و هو يهبط السلاح ديالو

فلاد: عندك الزهر نتا ضل ديال جو مبغيتش نشوف كمامركم تدورو بساحتي

زيرو خدا من عند فلاد تيليفون و عاون أنور باش ناض يلاه غيمشيو و هو ينطق

أنور: خاص تعطيني حقنة حيت فالسبيطار غيبداو يسول.. أنا متأكد بلي عندك

زيرو تينغز فيه يسكت ولكن أنورحشم لاسكت.. فلاد بقا تيشوف فيه بلا ميهضر و بحركة سريعة هز السلاح ديالو و تيرا فيه فرجلو لخرى

فلاد باستهزاء: بغيتي حقنة خرى

أنور تصدم غوت بحر الألم حتى غرغرو عينيه بالدموع و حرك راسو بلا

فلاد: هادشي لي قلت تأنا

أنور مقدرش يتحرك مشا زيرو قرب طونوبيل.. عاد عاونو ركب.. أما فلاد فرجع لطونوبيلتو حاس بالراحة نسبيا و تيفكر فشنو غيدير مع نيل غير طاحت عليه الفكرة تحرك من تما

نمشيو عند كارتال

عيط لجو حيت لقا بزااف ديال المكالمات منو