راشيت

الفصل الأول: الاختبار

الجزء 56

وصلات عندها.. كوثر ربعات يديها و ياسمين شافت فيها و ابتاسمات

كوثر: هو لي سيفطك ياك؟؟

كوثر تتهضر على المجهول لكن ياسمين فهمات من هضرتها بلي تتهضر على مراد..

ياسمين: ماشي هكاك راه مسيفطني تاشي حد لعندك
كوثر ديقات عينيها: مزيان! قولي ليه الا بغاني هو يجي لعندي ماشي يصيفطك.. و ميبقاش يهرب..

كوثر غير كملات هضرتها دارت تمشي حتى وقفاتها ياسمين بهضرتها

ياسمين بخوف: راك فاهمة غلاط تاشي حد مامسيفطني تيقي بيا

ياسمين كانت خايفة بزااف حيت هادا تيتعتابر عدم النجاح فالمهمة و تقدر تحكم بالموت.. بحال كيفما وقع لعمران ضل ديال آدم.. آدم كان كلفو باش يقتل بابات كوثر فقط وعمران لقا قاتل مأجور و كلفو بالمهمة فبلاصتو لكن فالأخير ماتت عائلة كوثر كلها.. يعني عمران منجحش فالمهمة ديالو و حسب القوانين عمران تعدم..

بلاما منقول لكم شنو وقع لآدم.. الرابط لي بين الفرد وضلو قوية بزااف ملي تيموت الفرد تيموت معاه جميع ضلال ديالو.. و لكن ملي تيموت شي ضل الفرد متيموتش لكن تيوقع ليه كفس من داكشي آدم لحد الآن مامبين لتاشي حد و تيتصرف عادي..

كوثر بقات تتخنزر فياسمين لي الخوف بدا تيتملكها

كوثر: يلاه سيري !!
ياسمين شدات يد كوثر: نتي معارفة والو غير تتهضري
كوثر تنترات من ياسمين: متقيسينيش!! ياك متابعانيش سيري من لهنا أنا غنبقى واقفة حتى نتأكد بلي مبقيتيش تابعاني..

ياسمين معرفاتش شنو دير خصوصا ملي طلبات منها كوثر تمشي خافت بزااف تفقد أثر ديال كوثر و يتسبب ليها هي فمشكل كبير مع مراد سرطات ريقها عطات كوثر بظهر و جبدات تيليفونها باش تعلم يحيى و بدات تتبعد من كوثر بخطى بطيئة بينما سيفطات ليه ميساج.. كوثر بقات تتشوف فياسمين و هي تتحاول تفهم شنو باغا تصنع حيت مشافتش تيليفون لي هازة غير تتبان ليها تتمشى بشوية..

كوثر: دابا تأكدت بلي هو لي مصيفطك باش تحميني!!

ياسمين وقفات و هي كلها تترعد خايفة على راسها ردات تيليفونها فجيبها و دارت عند كوثر لي باقة تتشوف فيها..

كوثر: شنو باغين مني؟؟

ياسمين بلعات ريقها متوثرة معارفاش شنو دير تيبان ليها الموت قدام عينيها.. هبطات راسها و الدموع بداو تيهطو ليها كوثر مفهماتش علاش تتبكي..

ياسمين بخوف: أنا متابعاكش و مصيفطني تاشي حد!
كوثر بعدم فهم: و علاش تتبكي؟
ياسمين بتوتر: والو غير شي حاجة دخلات ليا لعيني
كوثر: و علاش فينما ندور نلقاك؟ و فين تبخر أنا قبيلة شفتو