راشيت

الفصل الأول: الاختبار

الجزء 8

*******روسيا*******

فواحد القصر فموسكو.. تتعيش واحدة من أعرق العائلات فروسيا عائلة 'آل مير'..

كانت جالسة فالمكتب ديالها و تتسنى ولدها يجي.. مدازش بزااف ديال لوقت و هو يدخل ابتاسمت ليه، و جا لعندها قبل يديها..

ريبيكا وهي مبتاسمة: وصلات رسالة من القائم
بيتر بحماس: واش وافق؟
ريبيكا فرحانة: آه دابا رسميا وليتي نتا المكلف بشؤون عائلتنا مبروك عليك أ ولدي!!
بيتر مبتاسم: مغاديش نكون كيف كنتي ولكن غنحاول
ريبيكا بقلق: ولدي!! كاينين شي حوايج نتا معارفهمش.. ماشي خبيتهم عليك لكن فغرض حمايتك نتا و ختك.. نتا عارف مور موت بنتي ليلي كلشي تبدل..
بيتر: صافي نساي!! متفكريش فلي فات
ريبيكا: واخا!! لمهم ليوم غيكون عشاء ديال العائلة خاصك توجد الخطاب..
بيتر: حنا قلال!! غير أنا وياك, روز وعمي لي غيكونو بلاش من هادشي..
ريبيكا: خاصنا نحتارمو البروتوكول بمعنى الخطاب خاصو يدار نهار تكون المسؤول على العائلة!! يعني ليوم.. و ختك مغاديش تكون فالعشا من الأحسن بلاش
بيتر: غنمشي نشوفها و هي غتحضر للعشاء و لا بلاش منو.. فهميني خاص نفسيتها تحسن
ريبيكا بحزن: هادي سنين و حنا تنتسناو حتال إيمتا؟؟
بيتر: غنجيب ليها طبيب نفسي!!
ريبيكا: لكن هادشي ممنوع!! و نتا عارف القوانين
بيتر: متخافيش.. روب سيل هو واحد منا و فنفس لوقت هو طبيب نفسي
ريبيكا: ولكن هكا أسرارنا غيعرفوهم آل سيل
بيتر: متنسايش بلي كارتال هو واحد من آل سيل و فنفس لوقت هو حفيدك يعني حنا عائلة
ريبيكا: ولدي! كيفما قلت ليك كاينة شي حاجة لي نتا معارفهاش.. متسرعش فهاد القرار!!!
بيتر بعصبية: شنو لي معارفش؟؟؟ قوليه ليا دابا!!
ريبيكا: حتى نتأكد من واحد لحاجة
بيتر: حتال إيمتا !؟

خرج وخلاها مشا عند ختو لي صغر منو بعام سميتها روز عندها 29 عام لكن هي جسد بدون روح.. متتهضرش متتحركش حتى الطواليط الى معاونوهاش متتمشيش ليها بوحدها.. حاولو بزااف يخرجوها من هاد الحالة لكن النصيحة لي تعطاتهم هي خاصها طبيب نفسي و تبقى واحد لمدة فالمصحة النفسية.. حيت روز لي ممتقبلاش تخرج من الحالة لي هي فيها.. لكن ريبيكا كانت رافضة.. هادشي على قبل القوانين لي مانعين يمشيو عند طبيب نفسي أو مصحة ديال شي حد خارج" راشيت".. يعني متينتاميش ليهم.. كانت جالسة فكرسي و تتشوف من الشرجم فنقطة وحدة، دخل عندها لقا الممرضة دار ليها إشارة تخرج جر كرسي و جلس حداها.. شد يديها و باسها

بيتر: روز مبقا قد مفات غتولي حسن من الأول

بيتر تتبقى فيه ختو بزااف وخا مكانش تيتفاهم معاها

بيتر: أنا عارف بلي الموت ديال ليلي هو لي مأثر فيك هكا

غير ذكر ليلي ختهم الكبيرة روز زيرات على يديها لي شادها