راشيت

الفصل الأول: الاختبار

الجزء 64

كوثر تعصبات مشات وخلاتو غير تيشوف زياد دار لعند لبنات

زياد: اوا ا لبنات واش كاين شي تشويق ؟ كاين شي حماس ولا والو؟؟
بنت 1: شوف معاها هي انا صراحة ممراجعة والو.. و ولله لحفظت ليه شي حاجة!!
بنت 2: حتى انا معاك عنداك غير متصيفطش لينا تخراج
زياد بغرور: شكون واقف قدامك؟؟ ها؟ زياد!! لي معدل ذكاءو 141

زياد بقا تيمدح فراسو و لبنات تيسمعو ليه

اما كوثر فرجعات للميتم هزات لكتاب يلاه غتقرا و هي تحطو بدات تتفكر فداكشي لي قال ليها زياد.. هزات كتافها و رجعات هبطات من الميتم باش تقول ليه بلي موافقة لكن تعرضات ليها رحمة

رحمة: كوثر جابك الله اجي عاونيني شوية فالكوزينة
كوثر تنهدات: حتال من بعد دابا انا خارجة
رحمة: هربو!! هربو كلكم خليوني واحلة مع هادشي راسي !! لكن فالعشا متجيوش تشكاو عليا هانا علمتكم

كوثر بقات غير تتشوف فيها و هي تخرج من الميتم.. مشات لفين كان زياد ملقاتوش عرفاتو غيكون مشا لتيران..

طه: كوثر!
كوثر دارت: نتا هنا!
طه: شفتك هاد الايام مجمعة مع 141 بزااف ياك لباس؟؟

زياد مشهور بزااف لداخل المدرسة و لخارجها الكل تيعرفو و تيعيطو ليه 141 حيت ديما تيجبدها ليهم.. حتى فاش تيمشي لتيران تيظل يمدح فراسو بكل غرور..

كوثر: اه! عندك شي مشكيل فهادي؟
طه: لا بالعكس! غير هو ماشي من النوع لي يبغي شي حد كثر من راسو فردي لبال

كوثر كملات طريقها فاتجاه تيران

نمشيو عند أعوان القائم

برونز و سامويل باقين فنفس لبلاصة فطونوبيل و سامويل تيركز باش يقدر يعرفو فين كاين القصر بالضبط.. فعاود ميسولو اي واحد و يجاوبهم قررو يخدمو الخصائص ديالهم باش يلقاو القصر دون مساعدة تاشي حد.. حتى الهاتف لي غير يكتبو فيه قصر بنورن يبان ليهم..

سامويل حل عينيه باستغراب: واش روز مير كاينة فالمغرب؟؟
برونز: كيفاش؟ شنو تتخربق؟ راها فاليابان تتعالج عند روب سيل على محسيتيش بكل افراد العائلات و كل واحد فين كاين ملي خرجنا من "راشيت"؟؟
سامويل بعصبية: آه! حسيت بيها.. و حتى دابا تنحس بيها! و هي قريبة منا بزااف..

برونز زفر معصب حتى تيقول بلي سامويل تيخدم خصائص ديالو مزيان تيخرج ليه بشي حاجة هاكا من الجنب.. برونز غمض عينيه و حط التركيز ديالو كولو باش يفهم شنو واقع و حتى سامويل دار نفس الحاجة.. و فنفس الوقت حلو عينيهم على الجهد سامويل ابتاسم