راشيت

الفصل الأول: الاختبار

الجزء 30

نمشيو عند مراد

باقي المنفوخ معرفش بلي مراد حي.. و مراد استغل هادشي مزيان باش يرد ليه الصرف.. المنفوخ نشر خبر موت مراد عند كل واحد فعالم الممنوعات كيفما نشر خبر شكون قتلو.. مفتاخر بيها و تيهدد گاع أعداء ديالو بنفس المصير و تيحذر لي تيتعاملو معاه.. كان يلاه رجع لدارو تلاح فوق الفوطوي و شد تيليكوموند تيتفرج حتى تفكر

*****فلاش باك*****

أحداث من الجزء 14

كان جالس فلفيلا ديالو تيفكر شنو غيدير قاطع تفكيرو صوت تيليفون هزو و هو يجاوب

آدم: ولد خالتي
مراد: آدم
آدم: لباس؟
مراد: بخير هاد الساعة و نتا؟
آدم: مزيان.. بغيتك فواحد لحاجة
مراد: ياك لباس؟؟
آدم: نتا عارف لبلان ديال إيثان!! راه وصلوني معلومات بلي شخص لي خاصو يموت كاين فالمغرب كلفت عمران.. ضل ديالي عرفتيه؟!
مراد: آه عرفتو
آدم: وهو يكلف قاتل مأجور باش ينهي المهمة.. لكن هاداك القاتل المأجور صفاها لحتى مرات و بنت الراجل و من بعد غبر.. ملي زدنا بحثنا عليه لقيناه ميت.. و حيت غلط ديال عمران فعدمناه
مراد بأسف: لبراكة فراسك
آدم: يلاه دابا شي ساعة وصلاتني واحد الرسالة بغيت نعرف المصدر ديالها.. جو من الصباح و هو مدارب يلقاها لكن والو.. بغيتك تمشي بنفسك تتأكد واش المهمة كملات ولا باقي شي حاجة خرا
مراد: صيفط ليا گاع المعلومات على هادشي
آدم: واخا
مراد: هادشي راه طول بزااف من الأحسن تكلف القائم بيه
آدم: الا زاد طول على هاكا هادشي لي غادي ندير

قطعو مع بعض مراد بقا غارق فالتفكير

******نهاية لفلاش باك*******

مراد: نسيت!!

ناض جبد لبيسي حلو و هو يلقا رسالة مشفرة من عند آدم فيها گاع المعلومات على القضية غير قراها تصدم.. ناض من بلاصتو هز السوارت و تيليفون و خرج ركب فالطونوبيل و ناوي يسالي هادشي ليوم..

نمشيو لقصر بنورن

كنزة كانت فالمكتب ديالها مع رئيسة الخدم لي تتعاود ليها شنو وقع فغيابها غير سالات و هي تخرج.. كنزة بقات تتفكر مدة عاد عيطات لنوال لي دغية جات لعندها

نوال: الحاجة قالو ليا بغيتيني!!
كنزة: جلسي!!

نوال جلسات و هي مبتاسمة معارفاش لاش بغاتها كنزة

كنزة: أي حاجة تتوقع فهاد الدار تنعرفها!!! عارفة هادشي ياك؟؟

نوال مفهماتهاش علاش تتهضر