راشيت

الفصل الأول: الاختبار

الجزء 52

فديبو ديال مراد

كان يحيى و ياسمين تيتسناوه أما اسماعيل فمشا ل"راشيت" لمكتب التقارير.. وصل لتما لقا يحيى غير جالس و ياسمين شادة لبيسي تتخربق فيه تتحاول تعرف شكون صيفط الميساج.. غير شافوه اتاجهو لعندو..

مراد: فين اسماعيل؟
يحيى: صيفطتو لمكتب التقارير خاص ضروري شي حد يمشي ل"راشيت"..

مراد حرك راسو بآه

مراد: لقيتو شي حاجة جديدة؟
ياسمين: هادي يومين تنحاول نلقى شكون صيفط لميساج ديال التهديد لكن ملقيت والو.. و باقة تنحاول
يحيى: مكاين تاشي دليل معرفناش كيفاش نخبيو هادشي على أعوان القائم..
ياسمين: لي أكيدة منو هو غيجيو للمغرب لبلاصة فين بدا فيها كلشي..
مراد: مفهوم! عندي ليكم مهمة جديدة! نساو هادشي كامل..
يحيى فرحان: لي طليبتبها منا غنفدوها فالحال..
ياسمين فرحانة: تنشكروك على ثقتك بينا
مراد: واحد البنت بغيتكم تحضيوها مزيان و تحميوها بلاما تعيق..
ياسمين: مهمة سهلة كن هاني
يحيى: غنكونو قدها
مراد: يحيى نتا و ياسمين غتناوبو على حراسة ديالها مبغيتهاش تغيب على عينيكم ولا لحظة!!

يحيى و ياسمين حركو ليه راسهم بآه

نمشيو عند مروان

فايق خاسر و راسو تيضرو هبط باش يفطر لقاهم قربو يحطو الغدا

مروان: واش أنا نعست هاد الوقت كامل؟

كان راجع لجناحو يلبس باش يخرج بانت ليه ختو مع الاستاذ ديالها تيقراو.. بقا تيشوف فيها بصدمة

مروان بهمس: معرفتش شنو تيعجبك فالقرايا!!

تنهد و كمل طريقو حتى طلاقا بوحدة من الخدامات لي فايت ناعس معاها.. غمزها و هي عاجبها الحال و هو يتفكر هضرة ديال برونز زير على يديه..

***********فلاش باك********

برونز: هادو القوانين لي خاصكم تحفظوهم.. كاينين قوانين خرا.. أنا تنصحكم تكون عندكم ثقافة عامة فهادشي والا غتصيدو..
مروان: بغيتي تقول بلي البنات لي خارج "راشيت" ندير معاهم علاقة لمرة وحدة فقط و مخاصش يكون حمل؟؟

برونز حرك واسو بآه

مروان بعصبية: شهادشي!! شكون نتوما لي تقررو معامن نكون و معامن منكونش!!
برونز بجدية: حياتك هاديك دير لي بغيتي غير هي البنت لي غتعاقب ماشي نتا.. من ليوم أي واحد فيكم دار علاقة مع شي وحدة كثر من مرة.. نتوما مغيوقع ليكم والو لكن هما آه غيموتو!! و الا كان ولد تيجمعكم مع شي حد خارج "راشيت" فهداك الولد غيموت..