مرحبا بكم فقصتي العجيبة تنتمنى تنال الاعجاب ديالكم بلا منطول عليكم.. غنعطيطم فكرة صغيرة على لقصة لي كتبتها بعد تفكير طويييل هادي أول قصة غنكتبها و متحمسة نشاركها معاكم..
بس: القصة خيالية!!!!!
تدور القصة على واحد العالم لي سميتو "راشيت" و تواحد معارف...
ظهر من العدم لكن تواحد مرد ليه لبال هو نفسو لي كان فجناح روز مير هاداك المجهول.. بان ليه واحد راجل دايز و هو يوقفو سولو.. راجل نعت ليه فين يمشي بقا غادي بلا ميلفت الانتباه و هي تبان ليه مجموعة من سفن كبيرة ديال نقل البضائع..
المجهول: تنقلب على سفينة سميتها ريبيكا!! المسؤول: شنو بغيتيها هاديك راه متتحركش.. المجهول: غير ديني ليها المسؤول: منقدرش خاص يكون معاك مولاها و لا وكالة باش تشوفها
المجهول جبد واحد الورقة و عطاها ليه بدا تيحقق فيها و هو يبتاسم ليه.. وصلو حتال السفينة و خلاه.. المجهول طلع ليها و هو يبان ليه واحد جالس فواحد الكرسي غير شافو هو يوقف و بقاو تيشوفو فبعض..
رقم 4: نتا شبح!! بحالي
المجهول عرا دراعو و راه العلامة لي عندو وهي نقطة .. رقم 4 تصدم
رقم 4: وليتي حر!! مبقيتيش شبح ديالها؟؟ المجهول حرك راسو بآه: داكشي لي نتا حاضيه هاد الأعوام كلها غينفعني.. جيت باش نشوف داكشي لي خاصني باش نلقا لبنت رقم 4: يعني عرفتي شنو وقع؟؟ المجهول: كلفاتني بالحماية ديالها و هادشي لي غادي ندير..
رقم 4 وراه واحد الغرفة وعطاه السوارت بقا تيقلب شي ساعة و خدا داكشي لي غيحتاج.. رقم 4 جاب ليه واحد الساك.. حط فيه داكشي لي محتاج..
رقم 4: من الأحسن تواحد ميشوفك فهمتيني
المجهول حرك ليه راسو بآه و هو يختفي من تما و ظهر فمدينة الرباط جبد من الساك واحد الوثيقة فيها اسم واحد الميتم قلب عليه فتيليفون ملقاهش وهو يسول عليه الناس قالو ليه بلي وقع حريق فيه و سدوه.. كاع الأطفال ديال الميتم حولوهم لميتم آخر ديك الساعة مشا للميتم الآخر و دخل استقبلوه مزيان حيت تبرع ليهم بمبلغ كبير مقابل ياخد المعلومات لي بغا..
المديرة: قلت ليك بلي هاداك الميتم تحرق و الأرشيف كولو تحرق معاه.. لكن الا عندك الزهر تقدر تلقا شي حاجة فالأرشيف لي عندنا هنا.. المجهول: بغيت نشوفو!!
المديرة جابت الأرشيف ديال قبل 15 عام.. كان داكشي قليل و دغية لقا ورقة وحدة عليها.. بتاسم و خدا المعلومات لي بغا و خرج من عندها.. عرف بلي مخاصوش يبقى يختافي و يظهر غير هكاك حيت هاد لبلاصة ماشي هي "راشيت".. خاصو باش يتحرك.. كرا واحد الطونوبيل لي مشا بيها للمحمدية.. وصل للدار و دق حلات ليه واحد لمرة
المجهول: سلام واش هنا فين تيسكن عثمان الإدريسي؟؟ المرة: لا أ ولدي أول مرة تنسمع بهاد سمية المجهول: معرفتيش شكون نقدر نسول؟؟ المرة: سول لمقدم يقول ليك راه دارو هي لي فشوكة..
كان واحد راجل دايز و سمع هضرتهم..
راجل: واش تتقلب على سي عثمان ياك!! المجهول: عثمان الإدريسي!! راجل بحزن: آه عقلت عليه مسكين لله يرحمو يلاه سقنا لخبار بلي مات هو و مرتو و بنتو فنهار واحد!! المجهول: يعني مات هو و عائلتو كلها؟؟ راجل: آه هو مبقاش ساكن هنا!! رحلو هادي كثر من عشر سنين.. المجهول: واش متأكد بلي هو و حتى بنتو ماتت؟؟ راجل: آه مسكين كان فرحان بيها ملي رحلو مرتو كانت حاملة و لكن لحمدلله بنتو لكبيرة موقع ليها والو.. و واليديه حتال دابا عاد بان ليهم ولدهم و جايين تيتباكاو عليه المجهول: و بنتو لي باقا حية شحال عندها من عام؟؟ راجل: ولله معرفت و لكن راها باقا تتقرا المجهول: واش عارف العنوان ديالهم؟؟ بغيت نعزيهم!! راجل: واخا هي لولا!!
راجل عيط فتيليفون و خدا من عند شي حد العنوان و عطاه للمجهول..
Oops! This image does not follow our content guidelines. To continue publishing, please remove it or upload a different image.
ميناء طنجة
Oops! This image does not follow our content guidelines. To continue publishing, please remove it or upload a different image.
سفينة ريبيكا
Oops! This image does not follow our content guidelines. To continue publishing, please remove it or upload a different image.
المجهول
Oops! This image does not follow our content guidelines. To continue publishing, please remove it or upload a different image.