الجزء 49
طلع لبيتو لي تما و دخل معصب هز كاس ديال الما شربو حتى بان ليه تيليفون تيصوني.. هزو و هو مبتاسم..
فلاد: أخيرا!
فلاد جاوب فتيليفون
فلاد: كنت تنتسنى الاتصال ديالك!
نيل متوترة: أنا فكرت مزيان! محاساش براسي مرتاحة مبغيتش نسرع و مبغيتش نضلمك معايا و نعطيك فرصة
فلاد مصدوم: كيفاش؟ نتي مموافقاش؟
نيل: موسيو فلاد فهمني أنا ممستعداش باش
فلاد قاطعها: فينك؟
نيل: فالدار علاش؟ واش بعدا تتسمعني شنو قلت ليك؟
فلاد: لا حيت بغيتك تقولي ليا هادشي فوجهي..قطع معاها و زير على يديك خرج ديك الساعة من لوطيل متاجه لعندها.. و بطبيعة الحال زيرو باقي مراقبو و تابعو بطونوبيل و مخلي مسافة باش فلاد ميردش لبال.. فلاد وصل و طلع فالدروج بالزربة حتى وقف فالباب و دق بالجهد و هو تيغوت
فلاد: نييل!! حلي لباب.. نييييل
نيل سمعات صوتو و دقان بالجهد بحال ديال البوليس حسات بقلبها تزير.. كانت مترددة تحل لباب شي حاجة فالداخل ديالها مبغاتش تحل الباب لكن ملقات راسها حتى وصلات للباب و هضرات معاه بلا متحلو..
نيل: موسيو فلاد! شنووو بغيتي مني؟ راه هضرت معاك فتيليفون و قلت ليك كلشي
فلاد غير سمع صوتها حبس من الدقان و حط راسو على لباب و هو مستمتع برنة ديال صوتها.. بقا مدة تيسمعها شنو تتقول حتى حبسات..
فلاد بهدوء: علاش؟
نيل حطات يديها على الباب لي تيفرق بيناتهم
نيل بحزن: منقدرش أنا خايفة نظلمك معايا
فلاد: باش عرفتيها؟
نيل بصوت رقيق: عفاك! حاول تفهمنيفلاد كلما تيسمع صوتها كلما تيزيد اصرارو بيها.. باغيها تكون حبيبتو و صديقتو و كلشي مقادرش يحيدها من بالو.. أول مرة تيوقع معاه هاكا معارفش كيفاش يقنعها و هو كلما رفضاتو كلما زاد تشبت بيها كثر و كثر..
فلاد: أنا سمعتك! و لكن واش نتي سمعتيني؟
نيل بتاسمات: مبغيتش نكون سباب فموتك حتى نتا! أنا فقدت عائلتي كلها.. مبغيتش نخسرك.. و مبغيتش نخسر حتى قلبي معاك
فلاد: تحد ميقدر يدير ليا شي حاجة.. حلي عليا!
نيل: حاول تفهمني
فلاد: حلي ليا قلبك.. خليني ندخل
نيل بخوف: مبغيتش نندم
فلاد: الا مدخلتينيش غتندمي!! تيقي فيا.. و حلي ليا قلبك كيفما حليت ليك قلبي..نيل مقدراتش تصبر عينيها دمعو بعدات على لباب و حلاتو بقات تتشوف فيه و هو تيحاول يقرا من ملامحها خوفها و الاحساس لي تتحس بيه..
YOU ARE READING
راشيت
Paranormalمرحبا بكم فقصتي العجيبة تنتمنى تنال الاعجاب ديالكم بلا منطول عليكم.. غنعطيطم فكرة صغيرة على لقصة لي كتبتها بعد تفكير طويييل هادي أول قصة غنكتبها و متحمسة نشاركها معاكم.. بس: القصة خيالية!!!!! تدور القصة على واحد العالم لي سميتو "راشيت" و تواحد معارف...