الجزء 54
********ألمانيا********
فقصر آل ميخا
وحدة من الخدم سمعات صوت شي حاجة طاحت استغربات و اتاجهات لتما.. لقات أماليا طايحة فالأرض تخلعات و هي تهبط تتجري فاتجاه هانا و راكيل تعلمهم..
الخادمة: مدام! أماليا طايحة من الدروج
هانا و راكيل ناضو مخلوعين و الخادمة تابعاهم
الخادمة: خاصنا نعيطو لونبيلونص
هانا: سيري و دابا!!مشات الخادمة و هما تاجهو لفين قالت ليهم بلي أماليا طايحة مخلوعات..
راكيل بخوف: عطيها حقنة فيرا
هانا بحدة: واش تصطيتي راه الخادمة شافتها الا تعالجات دغية كيفاش غنفسرو هادشي؟؟
راكيل: ولكنهانا حطات يديها على عنق أماليا لقاتها مماتتش أما راكيل تترعد بالخوف على حفيدتها..
راكيل بعصبية: مستحيل نخليوها ضيع هكاك و هاديك الخادمة نشوفو شنو نديرو معاها
هانا شافت فيها: غير صبري أنا غنتكلف بيها
راكيل بعصبية: هانا دابا!!!
جات الخادمة لعندهم: عيطت ليهم قالو بلي من هنا ربع ساعة يجيو!!
راكيل بالغوات: هاااناااا!!!!
هانا بحدة: رااكييل تهدني
راكيل شافت فالخادمة مخنزرة: شنو باقة تديري هنا سيري لخدمتك..الخادمة مشات و خلاتهم و هانا عيطات لكارل بابات أماليا علماتو بشنو وقع معاها و بلي خاصو يجي دابا..
دازت مدة عاد جات لونبيلونص هزو أماليا و مشات معاهم راكيل و هانا.. وصلو للمستشفى و لحق عليهم كارل مخلوع..
كارل: فين كاينة
راكيل عنقاتو: دخلوها يشوفو واش عندها كسور ولا شي نزيف داخلي ولا شي حاجة خطيرة..
كارل بهمس: علاش معطيتوهاش حقنة فيرا؟
راكيل خنزرات فهانا بعصبية: معرفتش سول هانا!!
هانا مخنزرة: رااكيل تهدني نتي عارفة القوانين كيفاش غنفسرو داكشي للخادمة ها؟؟
كارل: المهم هو تولي مزيان
راكيل: حتى دابا نخرجوها من لهنا و نديوها لبلاصة بعيدة على القصر مدة
هانا: شنو تتخربقي راه نسيتي الحفل و من دابا حتال تما خاصها تبقى فالقصر!!
كارل بخوف: دابا غتوجعيها للقصر يعني مغاديش تعطيها الحقنة بمرة؟؟
هانا: غندير داكشي لي خاصو يدار على حساب القوانين!! و دابا تهدنوكارل ضرب يدو مع الحيط بعصبية حاس براسو عاجز ميقدر يدير والو لبنتو و معارفش مالها.. خرج عندهم الطبيب و اتاجهو لعندو مخلوعين
الطبيب: متخافوش كلشي عندها مزيان.. مكايناش شي حاجة خطيرة غيبقاو غير الكدمات غيبراو مع الوقت و مقصحة فيهم شوية و حاجة خرا
راكيل مخلوعة: شنو وقع معاها متخبي علينا والو عفاك
VOCÊ ESTÁ LENDO
راشيت
Paranormalمرحبا بكم فقصتي العجيبة تنتمنى تنال الاعجاب ديالكم بلا منطول عليكم.. غنعطيطم فكرة صغيرة على لقصة لي كتبتها بعد تفكير طويييل هادي أول قصة غنكتبها و متحمسة نشاركها معاكم.. بس: القصة خيالية!!!!! تدور القصة على واحد العالم لي سميتو "راشيت" و تواحد معارف...