راشيت

الفصل الأول: الاختبار

الجزء 22

***المغرب****

فاق لقا راسو مغطي بليزار بيض حيدو عليه وهو يتفاجأ براسو عريان.. ناض من تما مكان تواحد.. سمع الهضرة و تخبا فواحد لبلاصة.. دخلات واحد البنت لابسة طابلية فالبيض و غير شافت السرير خاوي و هي تصدم..

لبنت: فين مشا؟؟

دخلات عندها صاحبتها

صاحبتها: مالكي؟؟
لبنت: هداك لي قلت ليك على مات و هو صغير!! و زوين عقلتي؟؟
صاحبتها: آه مالو!!
لبنت: لبارح جابوه ليوم مكاينش!!

ودارت ليها إشارة فبلاصتو

صاحبتها بدات تضحك: ههههه!! يكما غير حلمتي بيه!! زيدي نفطرو من بعد و نشوفو هادشي

خرجو من تما.. خرج فين كان مخبي راسو ضارو لقا حوايجو فواحد القنت لبسهم وخا كانو مقطعين وعامرين بالدم خرج من تما و بقا دماغو خدام و رجعات ليه الذاكرة و ممتيقش داكشي لي وقع ليه

*******فلاش باك*****

أحداث من الجزء 16

مراد عاق بلي تابعينو بقا تيخيط فالدروبا حتى غبر عليهم و شد الطريق غادي باش يسهر يلاه قرب و هي تبان ليه طونوبيلا خرى تابعاه بقا تيحاول يهرب و هي ضرب طونوبيلتو حتى فقد السيطرة عليها و دخل فواحد لحيط.. خرج من الطونوبيل دايخ بقا تيتنفس بشوية عاد وقف.. بانو ليه جوج رجال قاصدينو بقا تيشوف فيهم و بتاسم واحد فيهم جبد لفردي..

راجل: عندي ليك ميساج من لمنفوخ
مراد بدا تيضحك: ههههههه تاهو عندي ليه واحد لميساج

راجل مصوب لفردي على مراد و حتى لاخر جبد لفردي و قادو

راجل: تيقول ليك هادا هو مصير الشفارة و لكدابة بحالك

غير كمل ضربوه بالقرطاس خواو لفرادا شي جا فيه شي زكلو.. كملو و رجعو لطونوبيلتهم و كسيراو أما مراد بقا تيضحك و بزز حتى حبس على لحركة..

********نهاية لفلاش باك*****

مكان عندو لافلوس لا والو لي داز من حداه تيشوف فيه و كاين لي تيبعدو منو خايفين.. تيبان بحال شي شمكار معرفش شنو يدير.. لكن بحال ديما تيبان ليه خوه هو المنقد ديالو لقا بلي الشركة قريبة على فين كاين بدا تيتمشى شي تلوت ساعة عاد وصل لكن سيكيريتي مخلاوهش يدخل.. تعصب و هو يبان ليه عمو عطاهم الطونوبيل وداخل للشركة و هو يعيط ليه

علي: مراد!! مالك؟؟ شنو حاد الحالة لي نتا فيها؟؟
مراد بحدة: بلا متبدا تخطب عليا و سير كلم كمال غنتسناه هنا!!