راشيت

الفصل الأول: الاختبار

الجزء 37

شد ليها يديه و هي عينيها دمعو

ساندي: أنا عيت بغيت نموت و نتهنى علاش ولدوني الا كانو غيرميوني هنايا شهاد العائلة شي متيحمل شي ؟؟

جو جلس حداها و عنقها

جو: أنا معاك!! متخافيش
ساندي: الى كانو خوتي لي من دمي و ناكريني بسباب باهم نتا شنو غدير ليا؟؟ عمرو خلاني نلعب معاهم و لا نحس براسي ختهم شوف غير جاك مع سارة يدير على قبلها أي حاجة.. و أنا راه ختو حتى أنا عمرو قال ليا حتى سلام ماشي غير هو كلشي..غير نتا روب لي حاسين بيا وآدم و كارتال تيهضرو معايا مرة مرة.. واش عمرك حسيتي براسك متتبانش لبنادم والو أنا ديما من صغري تنحس هاكا

ساندي بدات تتبكي و تتشهق

ساندي: هئ هئ هئ عاد آدم ديك النهار قال ليا واش مبغيتيش تشوفي عائلتك؟ هئ هئ فيناهي غير قول ليا فين؟؟

جو باقي معنقها معرف ميقول ليها بعدها عليه شوية تيمسح ليها دموعها

ساندي: هئ هئ بعض لمرات تنقول الا هئ هئ الا مت ولا طرات ليا شي حاجة واقلة تاحد مغيديها فيا
جو: متعمريش راسك بهادشي
ساندي وقفات بالغوات: كيييفاااش منعمرش راسيي واااش محاسش بيا؟؟؟ ياك حتى نتااا تحرمتي من وااالديييك ولكن شوووف العااائلة كلها معاااك تتشوف أنا وااالو لي جاا يمسح فيا رجليه
جو وقف: ساندي!! متبقايش تفكري بزااف فالحوايج الخايبين فكري فالاجابيات الا تحد مبغاك خلييهم و شوفي حياتك ديك ساعة قولي غنوصل بزز منهم غيشوفوك.. خدي مثال غير بآدم الشركة ديالو بداها و هو باقي صغير و بوحدو.. دبا العائلة كلها تتشوفو فمقام سيمون.. و روب تاهو بنا حياتو فاليابان المصحة ديال.. والناس لي تيسافرو لتما من جميع انحاء العالم باش يتعالجو فيها.. متيقدروش يبززو عليه يجي لهنا هحنا كلنا مجموعين و كلشي بزز منو غيكون هنا آدم سيمون ليوم جايا لويزة من بعد دانيال و سارة و فلاد.. لكن روب قال ليهم لا واش قدرو يبززو عليه يجي بحال كلشي؟؟ هادشي لي تنحاول نوصل ليك ديري شي حاجة باش كلشي يدير ليك الحساب!! ها هو جورج شوفي شحال عندو من عام و باقين تيسخسخوه باش يجي لهنا وخا محاملش يجي و جوزيف تاهو راه ولادو و معاطينوش قيمة حيت ديما مخبي تحت ضل باه واش فهمتي ولا نزيد نفهمك؟؟

ساندي مسحات دموعها لقات بلي جو عندو الحق فداكشي لي قال ليها.. و هي تعنقو

ساندي: شكرا بزااف
جو بتاسم ليها: مكايناش شكرا بين الخوت

ساندي بتاسمات ليه

جو: يلاه نخليك

ساندي حركات راسها بآه هضرتو ردات فيها الروح شوية
أما جو