راشيت

الفصل الأول: الاختبار

الجزء 28

****** تركيا*****

عند فلاد
كان فبيتو متكي و تيفكر فيها فينما تيتقرب منها تيلقا غير الصد.. أول مرة تيترفض إحساس خايب بزاف لكن حطها كتحدي قدامو لي قريب غيوصل ليه ناض من بلاصتو مشا لبالكو.. و هي تبان ليه جالسة جنب لبيسين و حاطة رجليها فالما.. ابتاسم منظرها كان زوين و جذاب خرج من البالكو و هابط عندها.. وصل و حيد صندالتو دلا رجليه فالما بحالها.. دارت لعندو

نيل: موسيو سيل! لباس؟
فلاد: تنكره لي تيعيط ليا بموسيو سيل.. لكن نتي استثناء تتخليني نحماق و نسمعها منك!!
نيل: موسيو سيل!! أنا هنا على قبل خوك حيت هادي خدمتي ماشي على قبلك تنتمنى تحتارم هادشي.. و من الأحسن دخل لراسك فكرة مستحيل تغير هادشي!!!

ناضت من حداه و هو يشدها من يديها

فلاد: معنديش كلمة مستحيل فقاموسي!!

نيل تنترات منو بلا تاشي كلمة تاجهات للغرفة فين تتنعس دخلات و سدات عليها لباب بالساروت.. قلبها تيضرب هي فعلا معجبة بفلاد لكن خايفة يكون تيتفلى عليها.. سمعات بزااف عليه بلي متيبغي تاشي حد كثر من راسو و عرفات بلي هو لي وصل كارتال لهاديك الحالة لسبب هي معارفاهش.. فختارت من الأحسن تبعد عليه باش متعلقش فيه كثر.. تكات فوق الناموسية و تتفكر فشنو تقدر دير فهاد الوضع و لقات بلي الحل الأنسب هو تقدم الإستقالة ديالها.. أصلا كارتال تقريبا كمل العلاج ديالو و حالتو تحسنات يعني مغيبقاش محتاج ليها.. غمضات عينيها و هي عازمة باش غدا أول عمل غيكون ليها هو هدا..

أما فلاد فبقا فنفس لبلاصة تيفكر شنو يدير حتى قاطع تفكير تيلوفونو لي كان تيصوني .. جبدو من جيبو لقاها مو نمرتها مزال حافظها وخا ممسجلات عندو.. سرط ريقو متوثر ربع سنين مشافها مسمع صوتها!!! معارفش شنو يدير بقا غير تشوف فتيليفون حتى قطعات.. ناض من تما متاجه لبيتو و التيليفون غير تيصوني حتى تيقطع و تيعاود يصوني.. دخل لبيتو و سد عليه عاود صونا تيليفون و هو يجاوب

فلاد: شكون معايا؟!
لونا: فلاد هادي أنا ماماك!
فلاد: شنو بغيتي؟!
لونا: كيفاش شنو بغيتي؟؟ توحشتك!! بغيت نشوفك.. ربع سنين مشفتكش حتى نمرتك بدلتيها بلا متقولها ليا
فلاد: و من بعد!؟
لونا: بان ليا نت معصب.. نخليك دابا غدا نهضرو و لكن متقول لتواحد بلي هضرت معاك حتى جوزيت متعرفش.. صافي؟؟

فلاد قطع معاها و تلاح فوق الناموسية.. توحش مو بزااف تيبقا فيه لحال حيت علاقتهم دايرة هكا و حاقد على باه حيت تيحس بلي بسبابو مو بعدات عليه.. تيقول بلي كون مغبرش مكانتش غتولي هكا معاه

*****روسيا***

وصل الصباح
كنزة و مهدي كانو تيودعو كل من ريبيكا و لوك حيت راجعين للمغرب.. أما بيتر باقي كاين فاليابان مع ختو تيتمنى ترجع حالتها كيف كانت.. خرجو من قصر آل مير متاجهين للمطار.. كانت طائرة خاصة تتسناهم