راشيت

الفصل الأول: الاختبار

الجزء 18

*****ألمانيا*******

قبل 5 أيام فقصر ميخا

هاد العائلة مختالفة بزااف حيت كبيرة بزاااف و أحفادها ترباو على الحرية يديرو لي بغاو غير تيوصلو لواحد السن و تيعرفو قوانين "راشيت" تيتفاجأو.. المسؤولة على هاد العائلة هي هانا عندها 4 أولاد جوج بنات و جوج ولاد لي بدورهم والدين يعني عندها أحفاد بزااف و كانية راكيل لي فنفس السن ديالها و هي مرات خو راجلها.. راكيل عندها جوج ولاد لي تاهما والدين يعني عائلة كبيرة بزااف كلهم عايشين فهاد القصر من غير شخص واحد حفيد هانا فلاد سيل.. هو عايش مع عائلة ديال باه علاقتو مع مو فشكل آخر مرة شافو بعض كانت فاش دوز الاختبار و نجح فين بضبط نهار حفل كانت عندو ديك ساعة 16 عام، أما دابا راه عندو 20 يعني 4 سنوات مشافش مو.. ماماه هي لونا كانت تتبغي جيمس سيل بزااف و ولدات معاه فلاد بلا زواج لكن من مور الاختفاء ديالو خلا ولادو عائلتو لكل بلا ميشوف وراه ولا يودع تواحد و هاد سنين كلها و لونا تتقلب عليه.. عندها احساس قوي تيقول بلي باقي عايش مماتش و عمرها فقدات الآمال حتى من ولدها هملاتو.. ديما مدابزة مع مها على هادشي.. هانا بغات بنتها تهتم بولدها و تنسا عليها جيمس لكن لونا رفضات تنسى حب حياتها.. تتغبر بزااف غير باش تبع الآثار ديالو مستعدة دير أي حاجة غير تلقاه.. رجعات للقصر بعد غياب دام 3 أسابيع دخلات لجناحها دوشات و تكات فوق الناموسية بلبينوار بلا متبدل حوايجها و هي تتفكر فجيمس.. عقلها خدام ديما غير بيه كون معيطاتش ليها مها مغاديش تجي كلفات محقق آخر باش يقلب عليه.. بدات تتبكي و تنخصص بحالا ميت ليها شي حد

لونا و هي تتبكي: جيمس هئ هئ هئ فييينك هئ هئ

بقات مدة عاد ناضت لحمام غسلات وجهها من الدموع و بدلات حويجها و هي تهبط.. كانت و قيتة ديال لغدا يلاه تيتجمعو

ألفريد: لونا

لونا عنقاتو و هو مبتاسم

ألفريد: كيبقيتي؟؟

لونا: مزيان! علاش ماما عيطات يكما الاختبار؟؟

ألفريد حرك راسو ب آه

لونا: و شكون؟؟
ألفريد: تيهمك تعرفي؟؟
لونا: عادي يعني غنتمنى ينجحو فالاختبار

مشاو للطبلة كلشي جلس فيها و هانا عطات الادن للخدم لي بداو تيقدمو الأطباق .. غير سالاو خرجو من قاعة الأكل حيت ممنوع على لخدم يدخلو و لا يتصنتو ليهم حفاظا على أسرار العائلة باش متخرجش لبرا.. بداو تيهضرو فمواضيع مهمة لكل تيعطي رأي ديالو بكل حرية من غير شي وحدين لي عقلهم مكاينش كاع بحال لونا غير ساكتة.. فهاد الأثناء هزات داريا واحد طرف ديل ماطيشة و هي ترميه على جيس بلا ميحس بيها تواحد حيت لكل كان مشغول فالهضرة.. أما جيس كان تيخربق فتيليفونو حتى حس بطرف ديل ماطيشة فوجهو، شكون من غيرها عرف بلي داريا مولات لفعلة حيت هي الوحيدة لي ضاسرة عليه و ديما تتستفزو حتى تيضربها و فلخر تيتعاقبو بجوج.. شاف فيها مخنزر و هي عرفاتو غينوض ليها دارت ليه ابتسامة مستفزة و هي تنوض تتجري و هو يتبعها خرجات من القصر و جرات بكل جهدها وهو تابعها تيجري لكن شدها فلآخير..