راشيت

الفصل الأول: الاختبار

الجزء 15

دازو يومين

تاشي حاجة متبدلات من غير لعزايا لي مبقاوش تيجيو قليل و وجدان بغات ترجع و تدي معاها كوثر لكن خاصها تقنعها باش تمشي معاها.. بالنسبة لعائلة مها مبقاوش عيطو عليهم من مورا معرفوها متبنات أما عائلة باها بطبيعة لحال خسرو ولدهم مبغاوش يخسرو حتى وجدان لي بانت ليهم متعلقة بكوثر بزاف.. كانو تيفطرو سمعو دقان كانت أميمة لي جات عند كوثر

أميمة: توحشتيني
كوثر: غير شوية
أميمة: عارفة لي كاين

دخلو و طلعو لغرفة كوثر باش بهضرو على راحتهم

أميمة: اوا شنو قررتي؟؟
كوثر: معرفتش أنا مبغيتش نمشي و نفس الوقت ميمكنش نبقى هنا بوحدي غالبا غنمشي معاها
أميمة بحزن: و تسخاي بيا؟؟
كوثر: متخافيش غنتشاوفو غير زبايل منبقاوش نديروهم

أميمة غرغرو عينيها و هي تعنق كوثر

أميمة: غنتوحشك بزااف
كوثر بادلاتها لعناق: حتى أنا بقيتي غير نتي و عمتي لي عندي الا بقيت بوحدي غادة نحماق

أميمة مسحات دموعها: و قتاش غادة تمشي؟؟
كوثر هزات كتافها: معرفتش..
أميمة: مهم شنو بان ليك فآخر زبلة؟؟ و تكون تاريخية
كوثر: لا ميمكنش حيت لي تاريخية هي فاش كونا غادي نموت عند الشوافة ديالك
أميمة: ماشي ديالي لله ينجيني منها أنا هاديك لقزمة لي تتخلعني و تتخليوني معاها.. بسبابك و ليت تنحلم بيها
كوثر بدات تتضحك: ههه مزيان نشوف ليك شي شوافة ههههه
أميمة: بقاي ضحكي عليا!!
كوثر: تقلقتي؟؟
أميمة: آه! ديري معايا هاد الزبلة و منبقاش مقلقة
كوثر: وقتاش؟؟
أميمة: مع المغرب
كوثر: المغرب؟؟ راه مبقاويش لعزايا تيجيو بزااف كيغندير نخرج بلامنقولها ليها؟؟
أميمة: ديري راسك مقلقة قولي ليها بغيت نعس و سدي باب ديال بيتك بالساروت و خرجي من الشرجم بحال ديما من نرجعو غدخلي منو
كوثر: سلوم مكاينش!!!
أميمة: حركي رجليك مالك عمرك هبطتي غير مع لحيط نقزي لشجرة راه حدا الشرجم مصعيباش عليك
كوثر: أوووف صراحة مفياش ليوم
أميمة: عفاك راه مغنبقاوش نتلاقاو مزال
كوثر: لا شكون قالها ليك ياك غنتشاوفو
أميمة: تنهضر على زبايل!!!
كوثر: و نتي شنو غادة تقولي لماماك؟؟
أميمة: مغاداش تكون!
كوثر: و جداتك؟؟
أميمة: دوا ديالها غير تتشربو تتنعس
كوثر: هي نتي مخططة لكلشي
أميمة: صافي وافقي دابا
كوثر: و فين غنمشيو؟؟
أميمة: لبواط!!
كوثر: نتي فايتة 18 عام أنا باقي كيفاش غادة ندخل؟؟
أميمة: هادي تيدخلو ليها ناس لي عندهم قل من 18 و مفيهاش شراب
كوثر بشك: أول مرة تنسمع بيها.. كملي
أميمة: كاينة فكازا
كوثر: غنمشيو حتال كازا؟؟
أميمة: مالكي هادي هي المغامرة و لا لا غير ساعة ديال طريق مكاملاش!!
كوثر: على هاد لحساب خاسنا نخرجو قبل باش نرجعو بكري