راشيت

الفصل الأول: الاختبار

الجزء 62

جيس بهدوء: داريا!
داريا: نعام
جيس قرب منها حتى توترات: سمحي ليا!

داريا يلاه غادي تنطق و هو يحط شفاه ديالو على ديالها و نغامس معاها فالقبلة لي مفاهم حتى علاش دارها ولا داريا فاهمة شي حاجة بقات غير حالا عينيها تتشوف فيه بلاما تحرك.. حط يديه على خصرها جرها لعندو كثر غارق فهاد الاحاسيس لي باغي يجربهم حطات يديها على كتافو بدون شعور منها حسات بتيار كهربائي داز من كرشها.. خلاها تحل فمها و هو ينغامس كثر باش ياخد رحيقها و سدات عينيها مستسلمة للقبلة.. مفاقت حتى تحل لباب عاد فصلو القبلة و تيشوفو فالباب..

نرجعو شوية لور فجناح هانا

كانت غارقة وسط أفكارها و مع ليل كاين صقيل فالقصر سمعات صوت ردخة قوية.. تخلعات شعلات ضو و هبطات من فوق السرير لبسات بانطوفتها و خارجة من الجناح تشوف مصدر الردخة تتمشى فالكولوار بانت ليها لورا تاهي خارجة..

هانا بهدوء: واش نتي لي ردختي لباب؟
لورا: لا حتى أنا باغة نعرف شكون خفت ليكون جيس.. ملقيتوش فجناحو
هانا: سيري قلبي لهيه أنا نشوف هنا
لورا موسعة عينيها: واش غتحلي گاع الأجنحة؟ تسطيتي أماما راه ليل..
هانا: أنا عارفة شنو تندير مغاديش ندخل لأجنحة ديال خوتك!!
لورا: لي بان ليك

هانا دخلات لعند أليكس لي كان ناعس و لبيسي فوق كرشو حيداتو ليه و غير غطاتو تقلب على جنبو.. خرجات من عندو و ناوية دخل لعند داريا حلات لباب يلاه غدخل عيطات ليها لورا ودارت عندها كملات لحلان بلاما تشوف لداخل..

لورا دارت ليها اشارة للباب: غير لباب ديال لاطيراس ديال هاد ليطاج!!
هانا: صافي مزيان

هانا مشافتهمش سدات لباب و هي تتشوف فلورا..

لورا: وقتاش غنمشيو لروسيا؟
هانا: بعد غدا!
لورا: مفيا لي يمشي كن غير عفيتيني أ ماما
هانا: عاوتاني بيدينا!! هاد العام غادي تمشي

تمشات كل وحدة فيهم لجناحها..

أما فجناح داريا

داريا و جيس دار شافو فبعض ممتيقينش شنو وقع دابا زادو بعضو على بعض كثر و داريا تتحرك راسها بلا ممتيقاش

داريا صفارت: لالالالالالا! ماشي هادشي لي خاصو يكون! ماشي هكا تخيلتها لا مميمكنش

جيس باقي مصدوم من التصرف ديالو هادي لي قدامو داريا كيفاش حتى قدر يقرب منها و يبوسها هكاك.. رافض يتيق بلي فعلا قبل دقائق كانو ناسيين راسهم كليا فقبلة.. أما داريا بدات تتبكي