راشيت

الفصل الأول: الاختبار

الجزء 16

داز لوقت

كوثر و أميمة استمتعو بوقتهم لبواط كانت غير ديال لي قل من 18 عام مافيهاش شراب غير لي كوكتيل, غير الناس لي لباس عليهم تيمشيو ليها.. ماشي فابور لكن أميمة هي لي تكلفات باش دخلو.. مقالتش لكوثر كيفاش و لا كوثر سولاتها

كوثر بالغوات: غنمشي لطواليط و نجي

أميمة بالغوات و هي سادة ودنيها

أميمة: واخا أصلا خاصنا نمشي دابا

فنفس لوقت كان مروان فالطواليط مقنت واحد البنت و تيبوس فيها كوثر دخلات شافتهم و دارت راسها مشافتهمش.. أما البنت غير شافت كوثر دخلات دفعاتو و خرجات و هو يبتاسم و مشا لعند كوثر

مروان: شفتي جيتي و نتي تهربيها مني شنو بان ليك تعوضيني؟؟

كوثر سمعاتو لكن دايرة راسها مسامعاهش شافت فلمرايا عاد بان ليها وجهو و هي تعقل عليه تعصبات.. حيت قدامها داز داكشي لي عاشتو مسحات يديها و خرجات.. مروان استغرب گاع لبنات تيجيو لهاد لبواط على قبلو و هي معبراتوش تبعها و هو يجرها من دراعها دارت و هي تخنزر فيه و هبطات عينيها ليديه لي شاد بيها دراعها زعما حيد يديك.. وهو يحيدها
مروان معجبوش لحال

مروان: واش معرفتيش شكون أنا؟؟

كوثر وهي باقا مخنزرة فيه

كوثر: علاش خاصني نعرفك؟؟
مروان بشك: و علاش جيتي لهاد لبواط؟؟

كوثر بقات تطلع و تهبط فيه باستحقار محملش راسو

مروان مخنزر: جاوبي!!
كوثر: علاش!!! خاصني نجاوبك؟

كملات هضرتها و هي تكمل طريقها بانت ليها أميمة ضاحكة

أميمة: هاي هاي! على الناس دغية ضبرو!!
كوثر: شنو تتخربقي؟؟
أميمة: عرفتيه شكون؟؟

بقاو غاديين حتى خرجو متاجهين للطونوبيل

كوثر: شكون؟؟
أميمة: شفتي هاكداك لي قلت ليك تيعجبني؟؟ كمال بنورن!!
كوثر: مالو؟؟
أميمة: هادا راه ولد عمو كاع البنات تيجيو لهنا على قبلو
كوثر: هي حنا دابا جينا على قبلو؟؟
أميمة: لا حيت نتي باقا بعلوكة وهادي هي لبواط لوحيدة لي نتي تقدري دخلي ليها

فجيهة خرة مراد عاق بلي تابعينو بقا تيخيط فالدروبا حتى غبر عليهم و شد الطريق غادي باش يسهر يلاه قرب و هي تبان ليه طونوبيلا خرى تابعاه.. بقا تيحاول يهرب منها لكن زادت فالسرعة حتى تقادات معاه و هي ضربو حتى فقد السيطرة على طونوبيلتو و دخل فواحد لحيط.. خرج من الطونوبيل دايخ بقا تيتنفس بشوية عاد وقف و هما يبانو ليه جوج رجال قاصدينو بقا تيشوف فيهم و بتاسم واحد فيهم جبد الفردي..