الجزء 34
****************المغرب***********
صفاء بهمس: مديهاش فملاك راه تقلقات حيت متتحملهاش على فعايلها دابا نعاود ليك من بعد
صفاء ناضت بحماس و وقفات كوثر سايگة بيها لجيهة ديال الماريوات
صفاء: خاصنا نشوفو شنو غادي نلبسو
فجهة خرى
فغرفة ديال نور يلاه لبسات حوايجها دخلات عندها ماماها
نوال: نور! غادة لشي بلاصة؟
نور: لا غير شرى ليا مهدي هاد لكسوة و ليوم بغيت نلبسها
نوال: جاتك زوينة
نور: شكرا ماما
نوال: يلاه راه الأستاد ديالك تيتسناك! نتي لي بغيتي تكملي و متشديش العطلة
نور: واش فهاد الوقت؟
نوال: يلاه باراكة من لعگز
نور: أووووفخرجو بجوج من الغرفة نوال مشات عند كنزة أما نور مشات عند الأستاد ديالها
دقات حتى عطاتها الإذن عاد دخلات
نوال: الحاجة! لباس عليك؟
كنزة: نوال! شنو بغيتي؟
نوال: الحاجة بغيت نهضر معاك
نوال جلسات حداها: أنا ماشي ضروري نحضر للحفل ياك؟
كنزة: علاش مباغاش تحضري؟
نوال: نتي عارفة شنو وقع مع نور أنا بغيتها غير تفوج غادي نمشي عند ماما نبقى معاها و معايا حتى نور؟ شنو بان ليك!؟
كنزة: ماماك تاهي غتكون فالحفل
نوال: أنا غير بغيت
كنزة قاطعاتها: نور غادي تمشي لقبرص باش تفوج ولكن نتي خاص تحضري للحفل! ضروري خاصنا نحضرو
نوال قاطعاتها: مراد غادي يحضر؟ منضنش
كنزة مخنزرة: متبقايش تجبدي مرادنوال يلاه غادي تهضر و قاطعاتها كنزة
كنزة: خرجي و قابلي بنتكنوال تعصبات و هي تخرج
نمشيو للميتملبنات لبسو و خرجو تيوريو كوثر لبلايص لي حدا الميتم كاين واحد التيران تيلعبو فيه ولاد الميتم
صفاء بابتسامة: هادا هو تيران كلشي تيقصر هنايا الا بغيتي تقلبي على شي حد غتلقايه هنا
الملعب كان كبير نسبيا فيه بلاصة فين تيلعبو فيه كرة القدم كبيرة و بلاصة فيها باسكيط مكبيراش بزاااف.. واحد لبلاصة فيه الربيع و بزاف ديال الآلات الرياضية لاسقين مع الأرض و الجهة الأخرى فين تيجلسو المتفرجين مكبيراش بزاااف.. و هاديك هي البلاصة لي عامرة فالملعب كولو كاين لي تيلعب لكارطة و بزاف مجموعين عليهم تيضحكو.. و كاين لي جالسين تيهضرو و فالقنت مجموعين شي بنات و دراري تيلعبو لكن بحالا معزولين.. كوثر بقات تتشوف عجبها الملعب بزاااف باين يلاه تبنا جديد ابتاسمات و بقات تتشوف ساهية.. حتى قاطعات السهوة ديالها صفاء
![](https://img.wattpad.com/cover/285229193-288-k913358.jpg)
YOU ARE READING
راشيت
Paranormalمرحبا بكم فقصتي العجيبة تنتمنى تنال الاعجاب ديالكم بلا منطول عليكم.. غنعطيطم فكرة صغيرة على لقصة لي كتبتها بعد تفكير طويييل هادي أول قصة غنكتبها و متحمسة نشاركها معاكم.. بس: القصة خيالية!!!!! تدور القصة على واحد العالم لي سميتو "راشيت" و تواحد معارف...