راشيت

الفصل الأول: الاختبار

الجزء 25

نرجعو عند فيفي

أماليا بدات تتفيق.. كانت فيفي جالسة فالكرسي و أماليا فالأرض جلسات و هي مصدومة معارفاش فين كاينة.. و هي تنطق بالألمانيا

أماليا: فين أنا؟؟ شكون نتي؟؟

فيفي جاوباتها بالألمانية

فيفي: ماشي مهم شكون أنا و لا فين حنا لمهم هو شكون نتي!!

أماليا تخلعات بقات تتشوف ففيفي بخوف.. مقدراتش تنطق بقات ساكتة.. خصوصا ملي استنتجات بلي تخطفات زاد الخوف ديالها

فيفي: مبغيتيش تقولي ليا شنو سميتك؟؟

أماليا بقات ساكتة و مقادراش تهضر.. فيفي دارت عند الأشباح ديالها

فيفي: جيبو ناموسية و ربطوها معاها

أماليا بالصدمة ديال شنو واقع معاها مقدراتش تحرك تتشوفهم جابو الناموسية و حطوها فوقها و هي عاجزة.. مقادراش دافع على راسها ولا دير أي حاجة نعسوها فوق السرير و ربطو ليها يديها و رجليها..

فيفي: غنديرو ليها التعذيب بالماء!!

أماليا سمعات فيفي شنو قالت حيث هضرات بالألمانية لكن مفهماتش شنو هو التعذيب بالماء.. الأشباح جابو واحد الإناء كبير و علقوه فوق راس أماليا بعيد عليها ب نصف متر بقات تتشوف فالإناء لي فوق منها تتحاول تفهم شنو غيديرو.. غير بعدو من حداها الإناء بدا تينقط بقطرة بقطرة على الجبين ديالها

فيفي بحدة: آخر مرة غنسولك شنو سميتك؟؟

أماليا بقات غير تتشوف فيها.. أما فيفي دارت الإشارة للأشباح باش يتبعوها.. وداكشي لي كان خلاو أماليا فالغرفة بوحدها و معارفاش شنو باغين منها و عاجزة الدافع على راسها و لا تحاول تفك يديها..

فيفي: كل نصف ساعة دخلو و سولوها ممنوع تخلعوها ولا تضربوها مفهوم؟؟
رقم 15: متخافيش!!
رقم 19: باينة فيك عيانة سيري رتاحي غنتكلفو بكلشي
فيفي: هادشي لي غندير ملي يوصل لوقت ديال ل"غاس" و باقي مفقتش فيقوني!!

فيفي دخلات لواحد الغرفة كانت فيها واحد السرير دخلات و تكات مخلياهم مكلفين بأماليا..

نمشيو للطابق 15

أليكس كان داير راسو ناعس لكن سمع كلشي كانو تيهضرو على طريقة ديال التعذيب و مروى مقادراش تختار شنو دير..

رقم 20: من الأحسن تخرجي و تخليني نتكلف!! مبانش ليا غديري شي حاجة

مروى كانت متوثرة بزااف و خرجات و خلاتهم معاه.. جابو سطل ديال لماو كبوه عليه.. حتى حل عينيه مقدرش يزيد يمثل بلي ناعس غفلهم باغي يخرج لكن شدوه حيت الأشباح تيتميزو بواحد السرعة كبيرة بزااف فالتنقل ديالهم.. و رجعوه.. رقم 20 جاب كرسي و حبل جلسوه فوق الكرسي و هو تيتنتر منها تيحاول يفك راسو.. لكن مع الأسف مقدرش كانو دائما أسرع منو..