បន្ទាប់ពីចាត់ការយូសារួច ថេយ៉ុងក៏មកអង្គុយលេងនៅសួនកម្សាន្តមួយកន្លែង រាងតូចអង្គុយលើបង់ ក្រោមដើមឈើធំមួយ កែវភ្នែកតូចៗសម្លឹងមើលមនុស្សម្នាជាច្រើន ដែលមកកម្សាន្តលេងនៅនេះដោយទឹកមុខញញឹមសប្បាយរីករាយ ខុសពីគេដែលមានតែទឹកមុខសោកសៅ រាងតូចដកដង្ហើមបន្ធូរអារម្មណ៍បន្តិច ខួរក្បាលនឹកគិតទៅដល់រឿងអតីតកាល...។
______________
7ឆ្នាំមុន:
ថេយ៉ុងត្រូវបានគ្រួសារបញ្ជូនអោយទៅរៀនបន្តនៅប្រទេសជប៉ុន ដោយអោយរាងតូចស្នាក់នៅផ្ទះរបស់លោក ម៉ាកូ ជាឪពុករបស់ ជុងគុក ពេលជួបគ្នាដំបូងៗ ជុងគុក មិនសូវជាចូលចិត្ត ថេយ៉ុងប៉ុន្មានឡើយ សូម្បីតែមុខរបស់រាងតូចក៏គេមិនដែលមើលចំដែរ ខុសពីរាងតូចបែរជាលួចមានចិត្តលើប្រុសចិត្តអាក្រក់ម្នាក់នេះទៅវិញ បើទោះបីជាជុងឡុកតែងតែធ្វើបាបគេនឹងរករឿងគេមិនឈប់មិនឈរក៏ដោយ ប៉ុន្តែថ្ងៃមួយនៅសុខៗ ជុងគុក ស្រាប់តែក៏មកសារភាពថាស្រលាញ់គេទាំងដែលកន្លងមកប្រុសម្នាក់នេះរិះរកល្បិចធ្វើបាបគេគ្រប់សារពើ។
< បង..បងលេងសើចជាមួយខ្ញុំមែនទេ? >
ថេយ៉ុងបន្លឺសួរទៅរាងក្រាស់ចំពោះមុខដែលទើបនឹងសារភាពប្រាប់ថាស្រលាញ់គេអំបាញ់មិញនេះ រាងតូចសម្លឹងមើលមុខជុងគុកហាក់មិនសូវជឿសម្តីរបស់នាយ រាល់ថ្ងៃនេះតែមុខគេ ជុងគុក មិនចង់មើលផង ហើយនៅសុខៗមកប្រាប់ថាស្រលាញ់ វាពិតជាចម្លែកខ្លាំងណាស់រឺមួយជុងគុក មានល្បិចអីធ្វើបាបគេទៀតហើយ? ។
< បងស្រលាញ់ឯង ពិតមែន! កន្លងមកបងគ្រាន់តែចង់សាកចិត្តរបស់ឯងតែប៉ុណ្ណោះ ចង់ដឹងថាឯងទ្រាំទ្រនឹងចរឹកកំណាចរបស់បងបានឬអត់? >
នាយកំលោះបន្លឺឡើងទាំងញញឹមតិចៗ ព្រមទាំងលូកកាន់ប្រអប់ដៃរបស់របស់រាងតូចយកមកអង្អែលថ្នមៗ សម្លឹងមុខតូចដោយក្រសែភ្នែកទន់ភ្លន់បញ្ជាក់ពីអារម្មណ៍ស្នេហាពេញទី ធ្វើឲ្យរាងតូចឃើញហើយហាក់ទន់ចិត្តដកខ្លួនមិនរួចពីអន្លង់ស្នេហ៍មួយនេះ។
< បងពិតជាស្រលាញ់ខ្ញុំមែនឬ? >
< ពិត! បងស្រលាញ់អូន ធ្វើជាសង្សារបងណា បងសន្យាមិនធ្វើអូនឈឺចាប់ទេ >
DU LÄSER
🔥នរកប្រទានស្នេហ៍🔥( ចប់ )
Romantikថ្ងៃរៀបការ ជាថ្ងៃដែលគូរស្នេហ៍គ្រប់រូបប្រាថ្នាចង់បានជាថ្ងៃពិសេសបំផុតនៅក្នុងឆាកជីវិត ប៉ុន្តែសម្រាប់គូរស្នេហ៍១គូរនេះបែរជាឈរកាន់កាំភ្លើងភ្ជុងក្បាលគ្នាក្នុងថ្ងៃរៀបការរបស់ខ្លួនទៅវិញ....។ ស្វាមីមានស្រី ភរិយាត្រូវសម្ងំយំសោកបោកខ្លួនមែនទេ? នេះសម្រាប់អ្នកផ្សេង...
