“ ဟုတ်ပါတယ် အဘွားတော် ၊ မနက်ပိုင်းမှာ ပြဇာတ်ရုံဖွင့်ပွဲလ်ုပြီး ညပိုင်းမှာ ပြဇာတ်နဲ့ဖျော်ဖြေဖို့ လုပ်ထားပါတယ် ”
“ နောက်ဆုံးတော့ မိုးနှောင်းတစ်ရာစံအိမ်ကြီးက လူတွေနဲ့စည်စည်ကားကားပြန်ဖြစ်လာခဲ့ပြီ ”
နှစ်ပေါင်း ၂၀ ကျော်ကြာ တိတ်ဆိတ်ငြိမ်သက်နေသောမိုးနှောင်းတစ်ရာစံအိမ်ကြီးသည် မကြာသော ရက်တွင် ပြန်လည်၍ စည်ကားလာတော့မည်။ တစ်ဖန်ပြန်၍ လူသိများလာတော့မည်။ မိုးနှောင်းယာတို့၏ မျိုးရိုးပြန်၍ ထင်ပေါ်ကျော်ကြားလာတော့မည်။
အဘွားတော်နှင့်သူသည် စကားတပြောပြောဖြင့် အိမ်ဘက် သို့ ပြန်လျှောက်လာခဲ့တော့၏။
အချိန်ကာ ညနေစောင်းနေဝင်ရီတရောအချိန်လေးပင်ဖြစ်၏။ မိုးနှောင်းယာသည် စာကြည့်ခန်းထဲတွင် ထိုင်၍ ပြဇာတ် စာသားများကို အကဲခတ်နေလေ၏။
“ ဒေါက် ...ဒေါက် ”
တံခါးခေါက်သံကထွက်ပေါ်လာ၏။ဒေါ်ဒေါ်မြ နွားနို့လာပို့သည်ထင်။
“ ဝင်ခဲ့လေ ”
မိုးနှောင်းယာသည် အသံပေးလိုက်၍ ပြဇာတ်စာသားတွေဆီသို့သာ အာရုံပြန်လွှဲလိုက်၏။ သူ၏ ခွင့်ပြုချက်ကိုရသည်နှင့် အစောက တံခါးခေါက်နေသော သူသည် အခန်းထဲသို့ဝင်လာလေ၏။
ထိုသူဝင်လာသည်နှင့် ခပ်အီအီ အမွှေးနံ့တစ်ချို့ကိုရလိုက်၏။ မိုးနှောင်းယာသည် နှားခေါင်းထဲသို့တိုးဝင်လာသော အမွှေးနံ့အား သေချာရှူကြည့်လိုက်မိသောအခါ အနောက်တိုင်းဆီမှ လာသည့် ရေမွှေးနံ့ဖြစ်နေသည်ကို သိလိုက်ရ၏။ ထို့ကြောင့် ပြဇာတ်စာသားတွေကို အာရုံ စိုက်နေရာမှ ခေါင်းကို မော့ကြည့်လိုက်၏။
“ ဟင် ညီမမေရီ! ”
“ ဟင်း ..ဟင်း ဟုတ်ပါတယ်ရှင် ”
“ ဒီကို ဘယ်လိုရောက်လာတာလဲ ၊ ကိုယ်မခေါ်မိပါဘူး ”
“ ဒေါ်ဒေါ်မြ အစား နွားနို့လာပို့ပေးတာပါရှင် ၊ အကိုမိုးနှောင်းက နွားနို့သောက်တယ် ဆိုလို့ ”
“ ဒီလိုဆိုတော့လည်း ထားခဲ့လိုက်ပါ ၊ နောက်ဆို ကိုယ်ကမခေါ်ဘဲ မလာပါနဲ့ ညီမမေရီ၊ သွားလို့ရပါပြီ ”
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...
အပိုင်း (၂၀)
Start from the beginning
