Unicode 🍁
မိုးနှောင်းယာသည် ဖတ်ရမည့်စကားပြောစာများကိုပေးခဲ့၍ အပြင်သို့ ထွက်ရန် ခြံစောင့်ကောင်လေးအား ကားပြင်ခိုင်းလိုက်သည်။
ကားပြင်နေတုန်း တခေတ်မင်း ထံဖုန်းဆက်ရန် ဧည့်ခန်းထဲရှိ တယ်လီဖုန်းရှိရာသို့ လာခဲ့လေသည်။
အလွတ်ရနေသည့် နံပါတ်တစ်ချို့ကိုနှိပ်၍ ဖုန်းခေါ်လိုက်လေသည်။
တယ်လီဖုန်းဝင်တာမည်မျှ မှ မကြာလိုက်တစ်ဖက်မှ ဖုန်း ဖြေဆိုသံကိုကြားလိုက်ရသည်။
“ ဟုတ်ကဲ့ပါဗျ ၊ ဒေါက်တာတခေတ်မင်း အိမ်မှ ပြောနေပါတယ် ”
ရင်းနှီးနေကျ မဟုတ်သော အသံသေးသေးလေးတစ်ခုက လေထဲမှ တစ်ဆင့်မိုးနှောင်းယာ၏ နားထဲသို့ရောက်လာလေသည်။
“ ဘယ်သူပါလိမ့် ခင်ဗျာ ”
တစ်ဖက်မှ ထပ်မံ၍ မေးလာလေသည်။ မိုးနှောင်းယာ ဖုန်းကိုပြန်မဖြေဘဲ ချလိုက်လေသည်။ ချက်ချင်းပင် ခြံစောင့်ကောင်လေးအား လှမ်းခေါ်လိုက်တော့သည်။
“ ဖိုးထူး ..မြန်မြန်လာစမ်း၊ ကျုပ် ကားကိုအဆင်သင့်လုပ်ခိုင်းထားသာ ပြီးပြီလား ”
“ ဟုတ်..ဟုတ် ပြီးပါပြီသခင်လေး ”
ခြံစောင့်ကောင်လေးဖိုးထူးစကားဆုံးသည်နှင့် ကားပုလုံးလေးပေါ်တက်ကာ မောင်းထွက်လာခဲ့သည်။
ရုတ်တရက်မိုးနှောင်းယာ၏ စိတ်ဆိုးဒေါသထွက်ပုံကိုကြည့် ၍ မိမိများ ဘာအမှားလုပ်မိသွားလဲဟုတွေးကာ ခေါင်းကုတ်လျက် ကျန်နေခဲ့သည်။
“ ဆည်းဆာ ၊ အစောက ဖုန်းလာသလား၊ ဘယ်သူလို့ပြောသလဲ ”
တခေတ်မင်းသည် တယ်လီဖုန်းမြည်သံကြား၍ စာကြည့်ခန်းထဲမှ ထွက်လာခဲ့သည်။ဂျုတီနားရက်ဖြစ်သောကြောင့် အိမ်မှာ ရှိနေသော်လည်း တစ်ခါတစ်ခါ လူနာ ရောက်လာတတ်၍ ဆေးရုံမှ ဖုန်းလှမ်းဆက်တတ်သည်။
“ ဘယ်သူလဲ လို့ မေးတာ ပြန်လဲ မဖြေဘူး ၊ဦးခေတ် ”
“ ဆေးရုံကတော့ မဟုတ်ဘူး မို့လား ”
“ မဟုတ်ဘူးထင်တယ် ”
ဆေးရုံက ဖုန်းဆက်တတ်သည်ကိုပြောပြထားသောကြောင့် ဆည်းဆာက သိနေသည်။ ထိုစဉ် ခြံထဲသို့ ကားတစ်စီး ဝင်လာလေသည်။ ကားလေးသည် အိမ်ရှေ့ ဆင်ဝင်ရောက်သည်နှင့် ရပ်သွားကာ ကားပေါ်မှ ဆင်းလာသူကိုတွေ့လိုက်ရ၍ အံ့ဩသွားလေသည်။
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...
