Unicode 🍁
မိုးနှောင်းယာသည် ပြဇာတ်လေ့ကျင့်နေရာအခန်းထဲမှ ထွက်လာ၍ အခန်းရှေ့တွင် ရပ်၍ ဝဲဘက်မှ တဒုတ်ဒုတ် ခုန်နေသော နေရာအား လက်ဖြင့်ဖိထားလိုက်ရ၏။
သူရင်တွေခုန်နေပါလား။ဘာလို့လဲ။ အစောက စိတါလှုပ်ရှားသွားလို့လား။ဒါမှမဟုတ် နောင်အိမ်တည်ကြောင့်လား။ သေချာတာကတော့သူ့ကိုစိုက်ကြည့်နေတဲ့ မျက်ဝန်းတစ်စုံကိုပြန်မြင်လာ၏။*အို ..မဖြစ်နိုင်တာ ၊ ငါဘာတွေ လျှောက်တွေးနေတာလဲ ၊ မဟုတ်တဲ့ အတွေးတွေကိုဖျောက်ပစ်စမ်း မိုးနှောင်းယာ *
ကိုယ့်ကိုကိုယ်သတိပြန်ပေးလိုက်မိသည်။သေချာတာက ဒီခံစားချက်သည် တခေတ်အပေါ်မှာရှိသည့် ခံစားချက်နှင့်မတူတာတော့အမှန်။ တခေတ်မင်း နှင့် တွေ့လျှင် သူ့စိတ်ကတစ်မျိုးပင်။ တခေတ်မင်း၏ ဂရုစိုက်မှု့တွေကြောင့်ဖြစ်လိမ့်မည်။ တခေတ်မင်းကိုကား သူ၏ အကိုတစ်ယောက်လိုသာ တွယ်တာမိတာတော့အမှန်။ ဒါဆိုရင် နောင်အိမ်တည်အပေါ်မှာထားသည့်ခံစားချက်ကရော။ လူတွေပြောနေသလို့ ရင်ခုန်ရင် အချစ်ဆိုတာလား။ သေချာအောင် ဆန်းစစ်ဖို့တော့လိုလေပြီ။
" အကိုမိုးနှောင်း ၊ ဒီမှာဘာရပ်လုပ်နေတာလဲဟင် "
ရုတ်တရက်အခန်းထဲမှထွက်လာသော မေရီနှင်းကသူ့အားတွေ့လိုက်ရ၍မေးလိုက်လေ၏။
" ဘာမှမလုပ်ဘူး မေရီ ၊ အကိုအောက်ခဏဆင်းမလို့၊ ဒါနဲ့ အက မလေ့ကျင့်ဘဲ ဘာလို့ထွက်လာတာလဲ "
" ရေသောက်ချင်လို့ပါ အကိုမိုးနှောင်း "
" ဪ အာ့တာဆို သွားသောက်လေ "
" အကိုမိုးနှောင်းလည်း အောက်ကိုဆင်းမှာမဟုတ်လား၊ အတူတူသွားကြမယ်လေ "
" အင်း "
မေရီနှင်းသည် အရှေ့မှ ဆင်းသွားလေသည်။သူသည်လည်း နောက်မှ လိုက်ဆင်းလိုက်၏။
" အာ့ !! အကိုမိုးနှောင်း !! "
ရှေ့မှဆင်းနေရင်း မေရီနှင်းတစ်ယောက် လှေကားမှ ချော်ကျလေသည်။ မိုးနှောင်းယာသည် အချိန်မှီ မေရီနှင်း၏ လက်ကို လှမ်းဆွဲလိုက်မိ၏။ရုတ်တရက်အနေအထားကြောင့် မေရီနှင်းသည် သူ့ရင်ခွင်ထဲ ရောက်လာလေသည်။
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...