#Unicode#
လမ်းတစ်လျှောက် တိတ်ဆိတ်ငြိမ်သက်နေသည်။
မိုးနှောင်းယာ သည်လည်း ကားပြတင်းတံခါးအပြင်ကိုသာ ငေး မော လာရင်းဖြင့်သာ ကားပေါ်လိုက်ပါလာသည်။
တခေတ်မင်းသည်လည်း စကားတစ်ခွန်းမဆိုသာ။
တိတ်ဆိတ်ငြိမ်သက်ရင်းဖြင့်သာ ဆရာကြီး အိမ်သို့ရောက်လာလေသည်။“ ဟော ၊ မောင်မိုးနှောင်းယာတို့တောင် ရောက်လာပါပြီကော ၊ဆရာကြီးဖြင့် မနက်စာ စားပြီးကတည်းက စောင့်နေတာကွဲ့ ၊ ကဲ ., ၊ထိုင် ပါဦး ၊ စားပြီးကြပြီလား ”
ဆရာကြီး သည် ဧည့်ခန်းထဲတွင် အဆင်သင့်ရှိနေ၍ သတင်းစာ တစ်စောင်ကို ဖတ်ကာသူတို့အား ထိုင်စောင့်နေပုံရသည်။
“ ဟုတ်ကဲ့ဗျ ၊ စားလာပြီးပါပြီ ဗျ ၊ လမ်းမှာ ကိစ္စလေးပေါ်လာလို့ရယ် နောက်ကျသွားတယ် ဆရာကြီးဗျ ”
မိုးနှောင်းယာသည် လျင်မြန်ဆန်စွာပင်ဆရာကြီးအမေးကိုဖြေလိုက်၍ ခုနက ကားပေါ်တွင်ပါလာသည့် မိုးနှောင်းယာ နှင့်ပင်မတူပေ။အသက်ဝင်သော အပြုံးချိုချိုလေးများဖြင့် ပြောင်းလဲသွားပုံသည် ဘေးနားတွင်ရှိသူ တခေတ်မင်း အံ့ဩရပြန်သည်။
“ မနောက်ကျပါဘူး ကွယ် ၊ ဆရာကြီး က စိတ်စောပြီး အစော ထ မိတာ ၊ တကယ် တော့ မောင်မိုးနှောင်းတို့ ရောက်လာတာ အချိန်ကိုက်ပါပဲ ”
“ ဟုတ်ကဲ့ ပါဗျာ ၊ ဪ ဒါနဲ့ ဆရာကြီးဗျ ၊ ဒီကနေ့က ဒဿဂီရိ နေရာ သရုပ်ဆောင်မယ့် ကောင်လေးနဲ့ တွေ့ရမှာ မဟုတ်လား ၊ ဘယ်ကို သွားတွေ့ရမလဲ ဗျ ”
မိုးနှောင်းယာ သည် ဆရာကြီးအား လာရင်းကိစ္စအားပြော၍ အိမ်ထဲသို့ တစ်ချက် ကြည့်လိုက်လေသည်။
“ ဘယ်မှ သွားစရာ မလိုပါဘူး ကွဲ့ ၊ ဆရာကြီး သူ့ကို အိမ်ကိုပဲ ခေါ်ထားတယ် ၊ရောက်တောင် ရောက်နေပြီ ၊သူက ဆရာကြီး တပည့်ရင်း ဆိုတော့လည်း သိပ်ပြီး ပြောစရာမလိုဘူးပေါ့ ”
“ ဒါဖြင့်ရင်း တွေ့ကြတာပေါ့ ဗျ ”
“ ကိုင်း ၊ မောင်နောင် ရေ ၊ ဒီမှာ ပြဇာတ် ဆရာ တွေ ရောက်နေတယ် ကွဲ့ ၊ မင်း အာ့ဒီက လက်ဖက်ရည်နဲ့ မုန့်ဗန်း တစ်ခါတည်း ယူပြီး ထွက်လာခဲ့တော့ ”
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...