ဆရာကြီးသည် သေချာစွာ စဉ်းစားပြီးပြောလိုက်လေသည်။
" မောင်မိုးနှောင်းယာ လိုချင်တဲ့ပုံစံ ဆိုရင် တစ်ယောက်တော့ ရှိတယ် ..သို့ပေမဲ့ ..သူက နည်းနည်းလေးတော့ ကလေးဆန်တယ် "
" ကလေးဆန်တယ် ..ဟုတ်သလားဆရာကြီး..ဘယ်လိုမျိုးလဲ "
ဆရာကြီးအပြောကြောင့် မိုးနှောင်းယာ တစ်ယောက် မျက်လုံးလေးပြူးကာ စိတ်ဝင်စားသွားရသည်။
" ကလေးဆန်တယ် ဆိုတာမျိုးက ပွင့်လင်းတာကိုပဲ ပြောရမလား ...သူ့ပုံစံက အရမ်းကို ပေါ့ပါးတယ် ..သွက်လက်တယ် ...ပြောရဆိုရ အဆင်ပြေတယ် ..အာ့လိုမျိုး"
" နို့ ..ကလေးတစ်ပိုင်း လူရိုင်းလေးပေါ့ "
" ဟုတ်တယ် ..ဟုတ်တယ် ..အဲ့သလိုပေါ့ကွာ ...
ဟား..ဟား "ဆရာကြီးသည် မိုးနှောင်းယာ၏ စကားကိုထောက်ခံကာ ရယ်နေလေသည်။
"ဒီလောက် ကလေးဆန်နေရင် ..ပြဇာတ်ကို ကဖို့ အဆင်ပြေပါ့မလား ..."
တခေတ်မင်း သည် တစ်ချိန်လုံးငြိမ်ပြီးနားထောင်နေရာမှ စကားဝင်ထောက်လေသည်။ ဒီနေရာတွင် တခေတ်မင်းသည် ဝေဖန်ရေးသမားသက်သက် ပုံစံမျိုးဖြစ်နေလေသည်။
" ဒီပြဇာတ်က ရာမယဏ ပြဇာတ်နော် တခြားသုံးနှစ်သားအရွယ် ကတဲ့ ပြဇာတ်မဟုတ်ဘူးနော် "
" ဘာဆိုင်သလဲ ..ကိုကိုတခေတ် ..ဘယ်ဖယောင်းမဆို ပုံသွင်းရင် အလွယ်လေးပဲ မဟုတ်လား...အနုပညာ ပါရမီ ရှိတဲ့သူက ဘယ်လိုနေနေ သူ့ရဲ့ အနုပညာ ကို အထင်သေးလို့မရဘူး"
မိုးနှောင်းယာသည်တခေတ်မင်း၏စကားကို ပြန်ချေပလိုက်ပြန်သည်။
" ဒါနဲ့ ဆရာကြီး ..သူကဘယ်သူလဲ ..နာမည်ကရော "
မိုးနှောင်းယာသည် တခေတ်မင်းဆီက အဆိုထပ်ပြီးတင်သွင်းတာကို မစောင့်တော့ပဲ ပိတ်ချလိုက်လေ၏။
" သူ့နာမည် က နောင်အိမ်တည် တဲ့ ..အသက်က မောင်မိုးနှောင်းယာ နဲ့ အတူတူလောက်ပဲ "
" နောင် အိမ်တည် .."
ဒီနာမည်ကိုရင်းရင်းနှီးနှီးကြားဖူးနေသောကြောင့်မိုးနှောင်းယာ ခေတ္တမျှ စဉ်းစားနေသည်။
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...