အူကြောင်ကြောင် အနေအထားဖြင့်ပြန်ကြည့်နေပုံက တကယ့်ကို စိတ်တိုချင်စရာပင်။
“ ဘာကြောင်ကြည့်နေတာလဲ ၊ဒီမှာ ခင်ဗျားက ဘယ်သူလဲ ၊ဘာလို့ ကျွန်တော့်ကို ဒီလိုပြောရတာလဲ”
ရုတ်တရက် ဆိုသလိုပင် နောင် တစ်ယောက် မှင်သက်သွားသောမိမိစိတ်ကို ထိန်းကာ ရှေ့မှ ရန်စကားကဲ့သို့ အမေးစကားကို အမြန်ဖြေလိုက်ရသည်။
“ တောင်းပန်ပါတယ် ဗျာ၊ ကျွန်တော်က မကြာခင် ပြဇာတ်ဝင်ရတော့မှာဆိုတော့ ပါတဲ့စကားတွေကို လေ့ကျင့်နေတာပါဗျာ ၊ ဒီက အကိုလေးကို မရည်ရွယ်မိပါဘူး ”
စကားပြောတာကတော့ယဉ်ယဉ်ကျေးကျေးပင်။
သူက ပြဇာတ်ကတဲ့ သူလား။ဒါဆိုဟိုဝဇီရာရုံ ရဲ့ ပြဇာတ်မင်းသားလား။“ ထားလိုက်ပါ ၊ ဒါဆို ခင်ဗျားက ဝဇီရာရုံရဲ့ ပြဇာတ်မင်းသားလား”
“ မင်းသားရယ်လို့တော့ မဟုတ်ပါဘူး၊ ကျွန်တော်က ခုမှ ဝင်တာဖြစ်လို့ သိပ်မကတတ်သေးတာပါ”
သူက အသစ်တဲ့။ အသစ်ဆိုပေမဲ့ ပုံစံအနေအထားက အရမ်းကို ကြည့်ကောင်းနေသည်။
“ ဒါဖြင့် ခုက ဘယ်ပြဇာတ်ကို ကနေတာလဲ ”
“ ရာမယန ဇာတ်တော်ပါ ”
ဪ..လက်စသတ်တော့။ရာမယနပြဇာတ်ကို။
“ ဒါဖြင့် ၊ပြဇာတ်ချိန် နီးနေပြီ မဟုတ်လား။ဘာလို့ ဒီမှာ လာလေ့ကျင့် နေရတာလဲ။တော်တော်ကြာအသစ်စက်စက်ကလေး က နေရာပျောက်နေဦးမယ် ”
စကားကို နူးနူးညံ့ညံ့လေးဖြင့် ထိမိစွာ ပြောလိုက်သော အနှီး လူငယ်အား သူထရိုက်ချင်သွား၏။
“ ကျွန်တော့်အခန်းက မပါသေးလို့ပါ။ခုမှ ဇာတ်ဝင်တုန်းပဲရှိပါသေးတယ် ”
“ ဒါဖြင့်ရင် မင်းက ရာမဇာတ်ကောင် မဟုတ်ဘူးပေါ့ ။ ”
“ ကျွန်တော်က ဒဿဂီရိ ပါ ”
“ ဪ...အသစ်ဆိုတော့လည်း ဗီလိန်နေရာက စရတာပေါ့ ”
“ ဘာဗျ !”
မိုးနှောင်းယာ၏ စကားကြောင့် သူ့ရှေ့၌ရှိနေသော လူငယ်သည် ဒေါသအတန်ထွက်သွားပုံရသည်။ သူကလည်းသူပင်။ဒီလူနဲ့ကျမှ စကားတွေက အထိန်းအကွပ်မရှိတော့သလိုပင်။သူလွန်သွားသလား။
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...