Unicode 🍁
လှည့်၍ ကြည့်လာသော မျက်နှာသည် အလွန်တရာမှ ဆိုးဝါးလှသည်။
မျက်နှာ တစ်ခြမ်းသည် မီးလောင်ထားသကဲ့သို့ဖြစ်နေသည်။
ဒီလိုအချိန် ၊ဒီလိုနေရာမှာ တွေ့လိုက်ရသည့် နောင်အိမ်တည်အဖို့တော့ လိပ်ပြာလွင့်မတတ်ပင် ဖြစ်သွားရသည်။
“ ဘာလို့ အသံအကျယ်ကြီးနဲ့ အော်လိုက်ရတာလဲ နောင်အိမ်တည် ”
*ဟင် ၊ ဒီလူက သူ့နာမည်ကိုသိနေပါလား*
*သူဘယ်သူလဲ ၊ ငါရောက်ကတည်းက သူ့ကို မတွေ့ဖူးပါ ဘူး*
နောင်အိမ်တည် ခေါင်းထဲဝယ် အတွေးပေါင်းစုံဝင်လာ၏။
“ ခင်..ခင်ဗျား ၊ဘယ်သူလဲ ၊ကျုပ်ကိုသိနေတာလား”
ထွက်မပြေးရုံတမယ် အဝေးက နေ၍ မေးလိုက်သည်။
“ မင်းကို ငါသိတယ်လေ ၊ မင်း ဒီမိုးနှောင်းတစ်ရာ စံအိမ်ကြီးထဲ ဝင်လာကတည်းက ငါက ဒီနေရာကနေကြည့်နေတာ ”
“ ဒါဖြင့်ရင် ၊ ခင်ဗျားက ဒီအိမ်သားလား ၊ ခင်ဗျားကို မတွေ့မိပါဘူး ညနေက ”
“ ငါက ဒီအိမ်သားဆိုလည်းဟုတ်တယ် ၊ ဒီအိမ်သားမဟုတ်ဘူးလို့လည်း ပြောလို့ရတယ် ”
“ ဘယ်လိုတုန်းဗျ ခင်ဗျားစကားကြီးက ”
တစ်စတစ်စ စကားပြောနေရင်း နောင်အိမ်တည်သည် အစကလောက်မကြောက်တော့ပေ။
“ ဒါနဲ့ ခင်ဗျားက လူလား ၊နာနာဘာဝလား ”
“ နှစ်မျိုးလုံးပဲ ”
“ ဟ၊ ဒါဆို လူနာဘာဝ ပေါ့ ”
နောင်အိမ်တည်၏ စကားကြောင့် မီးလောင်ဒဏ်ရာမျက်နှာနှင့်လူသည် မျက်ထောင့်နီဖြင့်ကြည့်လာ၏။
“ မင်းငါ့ကို ဟာသ တွေ လာပြောမနေနဲ့ ၊ ငါ စိတ်တိုလာရင် တစစီ ဖြစ်သွားလိမ့်မယ် သတိထားနေ ”
အသံနက်ကြီးဖြင့်ကြိမ်းလိုက်သောအခါ နောင်အိမ်တည်တစ်ယောက် ကြက်သီးတွေဖြန်းခနဲ ထသွားရသည်။
“ တောင်းပန်ပါတယ်ဗျာ ၊ ကျွန်တော်က ဒီတိုင်းပြောလိုက်မိတာပါ ”
“ အေ ၊ရတယ် ၊ဒီတစ်ခါတော့ရှိစေတော့ ”
ပြောပြီးသည်နှင့်မျက်နှာ တစ်ဖက်သို့ပြန်လှည့်သွားကာ တယောပြန် ထိုးနေလေသည်။
တယောသံသည် မျက်နှာနှင့်မလိုက်ဖက်စွာ သာယာ ငြိမ့်ညောင်းနေသည်။
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...
