Unicode 🍁
ဒီနေ့ ရာသီဥတုက သာယာ၍ကောင်းကင်တစ်ခွင်သည် ကြည်လင်နေ၏။ မိုးနှောင်းတစ်ရာ ၏ခြံထဲဝယ် နောင်အိမ်တည် တစ်ယောက် စိုက်ထားသော ပန်းပင်များကို လိုက်ကြည့်နေ၏။တကယ်တော့ သူ ဒီနေ့ မိုးနှောင်းယာအား သူ့ခံစားချက်များကို ဖွင့်ပြောရန် ကြံစည်နေခြင်းဖြစ်၏။
ခံစားချက်ဆိုတာကလည်းအခက်သားလား။လူတစ်ယောက်ကို လိမ်နည်းပေါင်းစုံနှင့် လှည့်စားလို့ရပေမယ့် ခံစားချက်အစစ်ကိုတော့ လိမ်ညာ၍မရပေ။ရင်ခုန်သံကတော့ စစ်မှန်သည်လေ။
“ ဟေ့ ဘာလုပ်နေတာလဲ နောင်အိမ်တည် ”
ပန်းပင်တွေလိုက်ကြည့်နေရင်း ဇွန်ပန်းရုံအောက်အရောက်တွင် အနောက်နားဆီမှ အသံကြည်ကြည်လေးကိုကြားလိုက်ရ၏။ ဇွန်ပန်းတစ်ပွင့်ကိုခူးဖို့ရန်ကြံစည်နေသော သူ့လက်အားပြန်ရုတ်သိမ်းလိုက်ကာ အနောက်သို့လှည့်ကြည့်လိုက်၏။
“ ဘာမှ မလုပ်ပါဘူး ကိုမိုးနှောင်း ၊ ဒီတိုင်း ပျင်းပျင်းရှိတာနဲ့ ခြံထဲဆင်းလာတာပါ ”
“ စကားပြောတွေ ပိုင်ပြီလား နောင်အိမ်တည်”
“ စကားပြောတွေ မပိုင်သေးပေမယ့် ၊သင်ပေးတဲ့သူကိုတော့ ပိုင်ဖို့ကြိုးစားနေပါတယ် ”
“ ဘာရယ် ! ”
“ အာ့ ဘာရယ်မှ မဟုတ်ပါဘူးဗျ ဒီတိုင်းစကားဖြင့်ပြောလိုက်တာပါ ”
မိုးနှောင်းယာ၏အသံကြောင့် ရုတ်တရက်နှုတ်မှ ထွက်သွားသည်ကိုသတိရကာ အမြန်ပြန်ပြောလိုက်ရ၏။ သူဆိုသည်မှာလည်း စိတ်တွေက လှုပ်ရှားနေတာကို။ဒီလိုနဲ့ ဖွင့်မပြောရသေးခင် ကြက်ခြေခတ်အခြစ်ခံရဝောာ့မည်။
“ စကားပြောတွေကို သေချာ ပိုင်အောင်လုပ်ပါ နောင်အိမ်တည် ၊ ကိုယ်မင်းကို ယုံကြည်တယ်ဆိုတာ မင်းသိပါတယ် ၊မင်းကို အများကြီးမျှော်လင့်ထားတယ် ဆိုတာရောပဲ ”
“ စိတ်ချပါဗျာ ၊ ကျွန်တော့်ကြောင့် ကိုမိုးနှောင်းစိတ်မျပျက်စေရပါဘူး ”
“ အင်း ကိုယ်ယုံတယ် ”
“ ဒါနဲ့လေ ကျွန်တော်မေးစရာရှိတယ် ”
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...
