رواية مهلكتي

الجزء_التالت (الحلقه العاشره ) ( أنا وهو ) ❤ ❤

................
ف الحلقه السابقه :_
سلمى : وحتى لو كنت بتبقى موجود كنت بخليه يمشى وبتخانق معاه وده لان اساسا الموضوع بالنسبالى مالوش اى قيمه ولا اهميه انى اشغل بالك بيه ولا اقولك عليه ... انت عالمى ودنيتى وامانى ومهلكى يا احمد . لازم تكون فاهم النقطه دى
تاخد بقي النسكافيه بتاعك ؟
احمد : ( بيبصلها وبياخد منها النسكافيه من غير كلام )
سلمى : لولولولولولولولولوللى
................... ( العاشره ) ❤
سلمى : دى كوبايتى انا على فكره هههههههههههه انت يا واد دى كوبايتى يا واد سيب المج بتاعى
احمد : ( بيرفع حاجبه وبيشد الكوبايه )
سلمى : خلاص ياعم ماترفعش حاجبك كده خده اهو هههههههههه بنكشك اصلا يا بيضه ... حمو ! انت كلت ؟ شبعان يعنى ولا لا ؟
احمد : ( بيبصلها وبيهز راسه بيقولها لا )
سلمى : يا قلبي ! (دموعها بتخونها ونقطتين بينزلوا ) طب انا كمان مكلتش حاجه من الصبح وكنت متنكده بسببك .. هطلع اعمل سندويتشات ونازلالك اشطا
احمد : ( بيشاور براسه يعنى موافق )
سلمى : ياغواااتى ههههههههههه عسل حبيبته والله هههههههههههه ( بتبوسه من خده )
...................
سلمى : ( بتضحك وبتبص ل مالك ومصطفى من بعيد ) متشكره جدااااا يا اجدع صحاب ف الدنيااااااااااااااااااااااااااا
مصطفى : هههههههههههههههههههههه افتكريها يا لووووم ... حصل ولا ايه ؟
سلمى : هههههههههههههههههه جدا ! هطلع اعمل سندويتشات ليا وليه عشان هو ماكلش م الصبح وشكله يا عينى جعان بجد
مصطفى : هههههههههههههه طيب احنا هنسبقه ع القهوه .. ماتأخريهوش ماشى لما يفك ويتكلم كده قوليله ان احنا مستنيينك ع القهوه مش هنروح غير لما نشوفه
سلمى : حاضر .. متشكره يا صاصا .. متشكره يا موكا .. ربنا ما يحرمنى منكو .. سلام بقي هطلع اعمل سندويتشات للواد ههههههههههههههههه باي
مالك : سلام ياختى ..... البت وشها نور اوى ياد يامصطفى يخربيت كده . الهى يارب واحده تحبنى نص الحب اللى البت دى بتحبيهوله ههههههههههه
.........................
( عربية مالك )
مالك : ماتتصورش انا قلبى كان واكلنى ازاى ياد يا مصطفى
مصطفى : اومال انا أعمل ايه يا مالك .. وعلى وحسن يعملو ايه زمانهم دلوقتى قاعدين بياكلو ف نفسهم .. بص ! احنا الاربعه بالذات طالعين من تحت أوووووى مع بعض من اولى ابتدائي ويمكن قبل كده واحنا سوا
احكيلك حاجه هتضحكك ف الاول بس هتخيك تعيط ف الاخر
مالك : احكى ياسيدى
مصطفى : ( بيسرح وبيتكلم )
ف اولى ثانوى كده كنا ف اول يوم ف الدراسه
مدرسه جديده عالم جديد اول مره تكون البنات معانا
يعنى مرحله جديده
اتجمعت انا واحمد وعلى ف فصل .. وكان حسن ف الفصل اللى جنبنا على طول
حسن كان ابوه مابقالوش شهرين متوفى وانا ابويا بردو كان اتوفى من سنه وشويه
عمى ابو احمد كان لسا عايش
لكن احمد كان زى ابونا احنا بالظبط اقسم بالله يا مالك
طلعنا بين الحصتين كده لقينا الواد حسن واقف على سور الطرقه وشبه بيعيط
وانا واحمد وعلى خارجين بنضحك وبنزقطط عشان كان فيه شويه بنات بيعاكسونا ف الفصل .....
احنا بصينا على حسن . انا وعلى جينا نساله ونقوله مالك ايه اللى معيطك ؟ الا احمد جه شده من ايده وجره قدامه كده ودخلنا الفصل وقال مين منكم الى مزعل الواد ده .. محدش نطق .. البنات والولاد اللى قاعدين مسهمين . هو فيه ايه مين ده ؟ وبتتكلم كده ليه ؟ وفيه شلة ولاد كده معروف عنهم انهم بتوع مشاكل .. واحد فحل فيهم كده قام واقف وقاله انا اللى ضربته يا حيله ولو عاوز تتضرب انت كمان تعالى اوريك ههههههههههههههههههه
مالك : انت بتضحك على ايه يا متخلف .. كمل ياض
مصطفى : احمد طول عمره عفيجى ربنا يحميه يارب ... اقسم بالله كان بيشيل التخته بالكرسي ويحدفهم على نافوخ العيال هههههههههههههههه وكسر دراع الكرسي ونزل بيه على جسمه ودراعه . انا وعلى وحسن كنا بنشد احمد من الخناقه لايعمل فيهم حاجه ويروح ف داهيه وحسن يقوله خلاص ياعم انا مسامح هههههههههههههههههه ياعم انا مسامح
الواد قايم من تحت ايده بيفرفر والعيال زمايله سابوه وقالو احنا مانعرفوش هههههههههههه طبعا احمد جه المشرف وخده نزله للناظر تحت والناظر رفده واداله جواب فصل وقاله ماشوفش وشك هنا غير وانت معاك ولى أمرك
ولحظه الحلو ابوه كان هنا ماكنش مسافر
مالك : حظه الحلو ؟ ده حظه المقندل ياعم
مصطفى : ههههههههههههههههه لا لا احمد وابوه كانو اصحاب .. اللى كان مقوى احمد كده ومخليه يعافر ف الدنيا ومايخافهاش هو ابوه ... المهم احمد راح بالجواب لابوه . تانى يوم ابوه جه المدرسه وكان هيمسك ف الناظر هو كمان . قاله انتو لو عاوزين العيال تطلع عويله وجبانه ماتدافعش عن نفسها ويطلعوا جيل مش قادر يحمى عرضه وعرض اهاليهم قولولى وانا اخده انقله مدرسه تانيه . لكن اللى عمله ده صح وبيدافع عن صاحبه اللى اتهان وانضرب .. الناظر طبعا لم الموضوع لما عرف الحقيقه وعرف اللى عملوه ف حسن قدام البنات وقدام العيال
مالك : احييييييه ! عشان كده حسن طالع بيحبه
مصطفى : مواقف كتير يابنى لو حكيتهالك شعرك هيشيب .. الواد ده حاجه كده جايه بره الدنيا
مالك : المهم ماقولتليش ابوه عمل معاكو ايه
مصطفى : ابو مين ابو احمد ؟ ده طلعنا يومها من المدرسه ولفينا ف اسكندريه شويه وفسحنا وقالنا انتو الاربعه تانى مره لما يكون حد ف ضيقه تعملو زى احمد .. صاحبك قدام الناس مابيغلطش ومش هيغلط ومالوش ف الغلط .. بينك وبينه عادى طلع روحه واضربه مش مشكله لكن قدام الناس مابيغلطش وايد واحده انتو الاربعه .. فاهمين يا ولا انت وهو ولا لا
مالك : عقدتو ميتين امى كفايه بقي هههههههههههههههههههههه ربنا يرحمه ويرحم ابوك ويرحم ابويا انا كمان
مصطفى : امين يارب .... العيال هناك اهى اركن هنا بقي
.....................
ساره : ايش ايش ايه كل السندويتشات دى كلها ههههههههههههههههه
سلمى : نفسنا اتفتحت انا وهو ... وشه اتقلب 180 درجه ف ثانيه لما حكيتله ... شكله جعان والله صعب عليا
ساره : اتعلمى الادب بقي وتانى مره ماتخبيش حاجه ابو شكلك ... كله الا حمو انا ممكن اكرهك ف ثانيه هههههههههههههه اديكى شوفتى اليوم كان عامل ازاى من غيره
سلمى : ههههههههههههههههههه اعمله ايه تانى
ساره : ورينى كده انتى عملتى ايه
سلمى : اهو عملت سندويتشين جبنه تركى واتنين مربي والشاى اهو
ساره : ايه ده بس كده ؟ اعملى زيهم . عشان كل واحد ياكل 4 سندويتشات اومال ايه نفسك اتفتحت دى والواد شكله جعان ماكلش حرام عليك
سلمى : طيب تعالى ساعدينى والنبى انا ملخومه مش عارفه اعمل ايه .. اعملى انتى احسن وظبطى السندويتشات اللى انا عملتها دى عشان مش مريحانى
............
بواب عمارة سلمى : على فين يا ست هانم
سلمى : لا ماتشغلش بالك رايحه ع البحر لواحده صاحبتى .
بواب العماره : طب اقفل باب العماره ولا ايه
سلمى : اقفل . انا معايا المفتاح
............
سلمى : بسبسبس ! لف وشك بقي عشان تعرف تاكل
احمد : ( بيلف وبياخد كوباية الشاى وسندويتش )
سلمى : انا اللى عامله على فكره الاكل ده . انا اعجبك اوى ف المطبخ . اتجوزنى انت بس وانا هبهرك
احمد : هههههههههههههههههههههههههههههههه
سلمى : اهو والله ضحكت اهو هههههههههههههههههههههه فكى بقي يا بيضه .. بسبوسه . بسبوستى فكى بقي يابت
احمد : بت ؟
سلمى : انا اللى بت وستين بت يا سيد الرجاله ! والنبى واحشنى صوتك ههههههههههههههه سكرررر ( بتضحك ضحكه حلوه جدااااا )
احمد : ( بيلف ايده على رقبتها وبيبوسها من خدها ) تعبتينى الهى ربنا يتعبك يابنت الجزمه على اللى عملتيه فيا طول النهار
سلمى : ههههههههههههه معلش . وبعدين مانت اختفيت ياعم مره واحده ولا نعرف روحت فين ولا جيت منين . بتعاقبنا بغيابك يعنى ؟
بس بينى وبينك .. ده اسوء عقاب ممكن تعاقب بيه اى حد قريب منك انت بالذات يا احمد ... اللى يعرفك ويعاشرك غيابك عنه بيبقى مووت بالنسباله . انا فقدت الاكل والله وكل حاجه احطها ف بؤي ارجعها تانى . ده اول سندويتش اكله من بعد ما جيت من بره حتى ساره ماكلتش وباقى العيال
احمد : انا عارف ! وبعدين انتى لو تعرفى حصلى ايه النهارده هتعذرينى انى بعدت
سلمى : حصلك ايه يا قلبي
احمد : مالكيش دعوه وادخلى عليا بالسندويتش رقم 2 ده انا واقع م الجوع
سلمى : يا روحى ههههههههههههههههههه طب أكلك انا بايدى
احمد : بقولك ايه مُحن ومرقعه مش عاوز . هاتى يابت السندويتش
سلمى : نو . انا اللى هأكلك
احمد : طب ماكنتيش عارفه تجيبى شويه زيتون ولا مخلل مع السندويتشات دى .. ماعندكيش حس خالص
سلمى : اعمل ايه بقي الجزمه نسيت تحط ال.....
احمد : ( بياكل ومش مهتم ) كملى كملى منا عارف انك مش انتى اللى عامله الاكل وان ساره اللى عاملاه ... لما تحبي تصيعى على حد وحياة ابوك يا سلمى بلاش انا عشان احنا اتهرينا ههههههههههههههههههههه ناولينى الشاى ناولينى
سلمى : هههههههههههههههههههههه ( بتنكشله شعره ) ييييييييييييييييه والله رخم . بس ده مايمنعش انى بعرف اطبخ
احمد : انتى بتكلمى شيف على فكره يعنى اتكلمى على قدك
سلمى : طب حتى اسالنى كده
احمد : ( بياخد شفطه من الشاى ) يعنى ايه شاى كشرى
سلمى : ايه ؟ ايه كشرى دى . اللى اعرفه شاى بفتله شاى اخضر لكن شاى كشرى دى يعنى ايه
احمد : ( بيتف الشاى من بؤه ) الله يخربيتك وبيت معرفتك يا شيخه .. هلكتينى يا سلمى
سلمى : ( بتبص ف عينيه شمال يمين ) انا اللى هالكاك ؟ اقسم بالله هالكنى انت بشكل يخوف . انا النهارده اول مره ف حياتى اخاف
البت منه قالت جمله النهارده وجعتلى قلبى
قالت انا عامله زى اللى روحها اتسحبت منها يا بنات ومش قادره اخد نفسي
قلبى وجعنى اوى لان كان ده نفس اللى حاسه بيه بس انا كنت حرفيا روحى اتسحبت
اول ما جيت من بره اترميت على سريرى
ضميت رجليا على بعضهم
كنت خايفه مش عارفه ليه
على سريرى وف اوضتى وف شقتى وحواليا اهلى وناسي واصحابي بس بردو خايفه
وخوف فظيع من اللى بيشيل القلب من مكانه
الدنيا كلها بتتحرك من جنبي وانا فضلت على نومتى ف مكانى مش قادره اتحرك ولا عاوزه اتحرك اصلا ... لغاية اللحظه اللى ساره قالتلى فيها دا الحقى احمد قاعد قصادنا ... ساعتها انا نطيت ازاى من سريرى لغاية البلكونه عشان اشوفك مش هتصدقنى هههههههههههههههههههههه تحس ان عيله هبله كده وبتنطط ومزقططه . كنت هنزلك جرى بالبيجامه ههههههههههههههههههه وحشتنى يا حمو . وحشت قلبي . انت كنت واخد روحى معاك وانت غايب
احكيلى روحت فين وعملت ايه وكنت فين كل ده ...
احمد : وصلت اخواتى مدارسهم بدرى ولقيت نفسي لوحدى ف الشارع قولت لو طلعت البيت تانى مش هنزل وهكسل . العيال لسا ماصحيتش عشان اقعد معاهم ع القهوه . لقيت نفسي شديت ع الجامعه .. جبت مجلة وقعدت اقرا فيها واشرب شاى .. لقيت اسراء جايه تقعد جنبى ,, وبتحكيلى بكل البراءه اللى ف الدنيا عن سلمى وعن الواد اللى جه يسال عليها وسلمى خدته ومشيت وهى متوتره
ساعتها قلبي اتقبض وجه ف دماغى 500 فكره
بس قررت انى اهدا واغمض عنيا وماتحركش لمدة 15 دقيقه وده صعب عليا جدا انى امسك نفسي وغيظى ف الموقف ده وخصوصا معاك يا سلمى
لقيت نفسي طالع بره الجامعه
بتمشى واركب مشروع وانزل واركب مشروع تانى وانزل واركب مشروع تانى
مش عارف انا رايح فين ولا جاي منين ولا عاوز حد يقربلى ولا يكلمنى
عاوز اهرب من اى حد وكل حد
حسيت ان طعم المرار حلق ف زورى
16 ساعه تايه ف ملكوت بعيد
لغاية ما لقيت نفسي ماليش مكان تانى أروحه
وعاوز اتطمن روحى
لقيت نفسي بهرب منك ليك
كنت جاى هنا وماكنتش مستنيك تطلعى ولا تنزلى تقعدى معايا
انا كنت بتونس بيك وبقربي منك
على قد الحب والغلاوه بيكون الزعل يا سلمى
انتى لو مش فارقه معايا ماكنتش هبقى مهتم من اساسه وهقول زى مانتى قولتى دلوقتى ان الموضوع تافه ومش شاغل بالك
انا اللى احدد هو تافه ولا مش تافه
تقوليلى
تشاركينى
زى ما بفرح معاك لازم ازعل معاك ومنك وعليك
على فكره زعلى منك مش على موضوع الواد ده ولا عمرى هزعل منك بخصوص حد بينى وبينك
انا زعلى منك انتى انك خبيتى او مارضيتيش تقولى او افتكرتى انى ممكن اتضايق
سلمى انا عقلى كبير واقدر اوزن واعرف ايه اللى حصل وايه اللى محصلش
سلمى : طيب اسفه ! مش هعمل كده تانى
احمد : اسفه دى اصرفها منين . ماياكلش معايا
سلمى : هههههههههههههههه بطل استغلال بقي عاوز ايه انت
احمد : والله قدرى بقي الزعل واللى حصل فينا النهارده يتساوى بكام وراضينى وانا هشوفك ف الاسعار شويه ههههههههههههههههههههه
سلمى : طيب قول كلمتك وانا اقول كلمتى ونفاصل ونوصل لنقطه لقا كويسه
احمد : بصى ! انتى دلوقتى عملتيلى سندويتشات وشاى ونسكافيه .. تمام
سلمى : تمام
احمد : هى حاجه واحده هطلبها منك وظن ده حقى
سلمى : موافقه
احمد : مش تعرفى انا هطلب ايه الاول
سلمى : هههههههههههههههه والله موافقه من غير ما اعرف حتى لو قولتيلى تعالى نتجوز عرفى ههههههههههههههههه
احمد : لا ! انا عاوز حاجه أكبر
سلمى : حمو ! بتفكر ف ايه اعقل هههههههههههههههههههه ولا اقولك انا موافقه
احمد : على فكره يابت انا مش مرتاحلك هههههههههههههه
سلمى : ( ضحكة رقاصات ) ههههههههههههههههههه ابو شكلك .. طب قول طيب عاوز ايه
احمد : هو طلب غريب وعجيب ورخم بس مش عارف انا نفسي فيه جدا دلوقتى
سلمى : قول يا بابا اى طلب
احمد : هاتى ايدك
سلمى : اليمين ولا الشمال
احمد : اليمين
سلمى : اهى
احمد : ( بيلبسها دبله فضه ) ماتتقلعش من ايدك ياسلمى
سلمى : ( بتعيط ) ايه دى
احمد : دى انا بشبكك وبحجزك بيها لغاية ما ربنا يقدرنى واقدر اخليها بجد .. انا عارف انها مش قد المقام وان السلسله اللى انتى لابساها أغلى منها م....
سلمى : ( بتحط ايديها على بؤه ) اقسم بالله العلى العظيم هديتك ودبلتك دى عندى بكل الدنيا كله .. وحياة احمد عندى انا دلوقتى ما عاوزه حاجه م الدنيا دى غير الدبله دى . ولا عاوزاك انت شخصيا ههههههههههههههههههههههههههههه يا اخى حرام عليك اخيرا نطقت
احمد : نطقت ايه انا ماقولتلكيش حاجه يا ماما انتى هتزيطى
سلمى : هههههههههههههه بس ذوقها حلو على فكره . جبتها منين دى وفكرت فيها ازاى
احمد : انا قولت ايه الطريقه اللى تخلينى اتخانق معاك وانكد عليك براحتى ويكون ليا الحق .. مالقيتش غير الطريقه دى هههههههههههههههههههه بس محسوبك جيبه كان مفلس النهارده معلش ومالقيت غير الفضه دى .
سلمى : ههههههههههههههههه ( بتبوسه ف خده ) مبروك يا قلبى عليك احلى عروسه ف الدنيا
احمد : عروسة ايه ! اجرى اجرى .. اطلعى يلا وانا هقوم اروح
لمى : نعم ؟
احمد : ايه الساعه داخله على 2 اهى خلاص
سلمى : اللى هو ازاى يعنى ؟ وبتقولها كده وانت حلو وسكر ف نفسك يعنى
احمد : عاوزه ايه يا هانم انتى دلوقتى
سلمي : انا النهارده يا بابا عيطت بسببك عياط اد كده
ودمى اتحرق وكنت خلاص هتجنن وانت جاى دلوقتى تقولى هروح وقومى روحى . ماعنديش انا الكلام ده
احمد : لا اله الا الله ... يعنى اخبطك واروح فيك ف داهيه ويقولوا اتعدم عشان مين . عشان دى ؟
سلمى : مالها دى ان شاء الله ... بقولك ايه غُلب اليوم كله هطلع على جتتك . اتظبط
احمد : ياوليه يابنت الهبله قولى عاوزه ايه
سلمى : شيلنى ووصلنى لغاية البيت
احمد : ربي عيالك الله لا يسيئك . روحى روحى شوفى انتى جايه منين ورايحه فين انا دراعى مكسور مش هقدر اشيل حد انا
سلمى : وحياة امك لاتشيلنى وتوصلنى لغاية البيت
احمد : انتى بتتكلمى يعنى بثقه وبتناكه كده كأنى هوافق يعنى
سلمى : المفتاح اهو بتاع البوابه اللى تحت
احمد : بصى يا سلمى ! كان زمان يا ماما . مش انا اللى اسمع كلام حد وخصوصا لو كان كلام بنت . ومافيش بنت تقدر تمشى كلامها عليا اصلا .. انا احمد يابنتى . حمو ! نسيتى مين هو حمو .. مش انا يا ماما مش انا روحى اتكلى على الله
سلمى : ( بتبوسه من خده )
احمد : انهى مفتاح من المفاتيح دى اللى بيفتح الزفت البوابه ؟
.................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020