رواية مهلكتي

الجزء_التانى (الحلقه الثانيه ) ( بنطلون مقطع ) ❤ ❤

................
ف الحلقه السابقه :_
سلمى : ماشى .. بقولك هو جنبك
حسن : لا طار وراهم ده احتمال يغرقهم
سلمى : ههههههههههههههههههههههه طب بقولك يا حسن اوعى تقوله انك قولتلى ان ده مقلب
حسن : هتطلعى عينه ؟
سلمى : اه
حسن : هههههههههههه خلاص والله مش هقوله عيشى بقي عاوزين نكد من اللى هو
سلمى : سيبهولى بس سيبهولى دنا هربيه . يلا سلام بقي انت عشان ماياخدش باله .. اه حسن بالحق . قوله انك سمعتنى بعيط عشان خاطرى
حسن : بتعيطى ؟ ليه ؟
سلمى : هتعرف بعدين بس قوله كده بس .. سلام بقي
...................... ( الثانيه ) ❤
احمد : ابو اشكالكو عيال رمم ... ان ماطلعت عين اللى جابوك يا كلب انت وهو مابقاش انا ... نفسي دكر فيكو ييجى يقعد
على : هههههههههههههههه طب هاخد تليفونى وامشى
احمد : تليفونك ؟ تعالى خد تليفونك
على : احدفلى تليفونى يا حسن
مصطفى : وانا كمان يا حسن الهى ربنا يكرمك
مالك : سونسون .. انا كمان هات تليفونى
حسن : وحياة امك انت وهو انا ماقادر اتحرك من مكانى ... العصعوصه مبهدلانى
احمد : حبيبى يا حسنيستا .. هات بوسه
اشوف دكر فيكو مقرب من هنا .. خليكو واقفين زى الكلاب عندكو والناس بتضحك عليكو
كريم ( بتاع القهوه ) : هههههههههههه ايه يا حمو باشا تذنيبه دى ولا ايه
احمد : دى عيال رمم يا كرمله هنعلم عليهم علامه صغيره .. المهم ظبطلى حجر بقي كده عشان عاوز اروح
كريم : عيونى
مالك : خلاص بقي يا حمو قلبك ابيض
احمد : قلبك ابيض ايه دى قفلت تليفونها الله يحرقكو
على : هههههههههههههههه احسسسسسسسسسسسسسسن
احمد : يا على ماتستفذنيش ... اتقى شرى
مصطفى : ههههههههههههههههه اخرك إعمله
احمد : نفسي راجل فيكو يقول الكلمتين دول وهو قاعد جنبى مش واقفين بتجروا قدامى
حسن : اه نسيت اقولك .. وانت بتجرى ورا العيال . الميكروفون كان عالى وسمعت سلمى وكانت تقريبا بتعيط
احمد : ( قلبه بيوجعه ) بتقول ايه ؟
حسن : ايه ياعم
احمد : بتعيط ؟
حسن : احححم . اه
احمد : عاجبكو كده ؟ افرح بشبابكو انا دلوقتى .... ( بيسيبهم وبيمشى )
مصطفى : رايح فين
مالك : استنى يابنى جايين معاك
..........
ساره : ايه يا لومه لسا مانمتيش
سلمى : هههههههههههههه لا مستنيه أحمد
ساره : مستنيه احمد فين ؟
سلمى : تحت البيت
ساره : هو كلمك ؟
سلمى : اه بس اتخانقنا .. عملت عليه فيلم انا وحسن كده ... العيال عملت فيه مقلب وعملو صوت بنات وانا بكلمه وعملت نفسي صدقت وقولت لحسن لما رد عليا يقوله انى عيطت وقفلت التليفون
ساره : وانتى فكرك يعنى هييجى دلوقتى ؟ الساعه 1 وشويه
سلمى : هييجى ! ياساره . احمد ده رهان عمرى كله
امبارح قاعده معاه ف الجنينه لوحدنا بنفطر انا وهو وحاجه دخلت ف عينى ف غصب عنى دمعت ... هو ماكنش باصص وقتها عليا ... لما دوًر وشه ولقانى بعيط حسيت ان قلبه وجعه كده .. وقالى نقطة ضعفى الوحيده ف الدنيا دى مش انتى ياسلمى .. لا دموعك
ساره : يخربيت كلامه .. الواد ده حافظ كلمتين ولا بيجيب الكلام ده منين بس
سلمى : ف انا اهو قدامك اهو مراهنه عليه انه هييجى يحاول يشوفنى
ساره : وانا بقولك بقي مش هييجى ... تراهنينى
سلمى : اراهنك ؟ على اللى انتى عاوزاه
ساره : اختارى الرهان اللى انتى عاوزاه
سلمى : لو انتى كسبتى هنزل معاك بكره نشتريلك فستان حلو
ساره : اشطا .. ولو انتى كسبتى هبيضلك المحاضرات والسكاشن لمدة شهر ومش هتتعبي نفسك خالص
سلمى : اشطات .. اتفقنا
............
احمد : هى انهى بلكونه من دول الله يحرقكو
مالك : وانا ايش عرفنى مش بتقول انك وصلتها مره هنا
احمد : اه نزلتها هنا بالظبط وبعدين مشيت
مصطفى : ربنا ياخدك المنطقه اثريه هههههههههههههههههه كلها ناس حلوه وعمارات بأمن وحاجه اخر جحود . اوعى تتهور لاحسن ويمين الله هنتمسك دلوقتى وهيقولوا علينا حراميه
احمد : ماهو انت شكلك يوحى انك حرامى فعلا .. استنو هعمل حاجه
.....
ساره : ايه ده الحقى ! احمد بيرن عليا
سلمى : هههههههههههه طب ردى شوفى عاوز ايه بس اعملى نفسك نايمه ولو قالك انتى معايا ولا لا قوليله لا . وشغلى الاسبيكر
ساره : طيب اسكتى اسكتى
الو !
احمد : الو ! لا صحصحى كده معايا شويه . انتى فين
ساره : ايه ياعم انت بتتصل عليا دلوقتى تقولى انتى فين ؟ نايمه طبعا
احمد : طب بقولك .. معلش عاوزك ف خدمه
ساره : اؤمر يا حمو
احمد : هى البلكونه بتاعة سلمى ف انهى عماره .. اللى ع البحر على طول ولا اللى جوه
ساره : بلكونه ايه وعماره ايه
احمد : الله يحرقك انتى كمان ماتقولى
ساره : لا اللى على البحر
احمد : بلكونه فيها رسومات ميكى ماوس كده وحاجات اطفالى كده شبهها
ساره : هههههههههههههههههه اه هى
احمد : طيب اقلبى انتى كملى نوم نامت عليك حيطه
ساره : هههههههههههههههههههه
..............
سلمى : هههههههههههههههههههههه اوعى يكون اللى ف بالى حصل
ساره : هههههههههههههه الواد شكله بره اقسم بالله وسامعه صوت العيال حواليه
سلمى : يا نهاااااااااااااااااااااااار اسود هيفضحنى .. تعالى كده نبص عليهم من شباك الاوضه التانيه
...........
مالك : ايه ياعم مسهم كده ليه ؟
احمد : العماره دى انا دخلتها قبل كده ولا انا بيتهيالى ! وطلعت فيها رمل وطوب واسمنت
مصطفى : نعم ؟
احمد : اه والله العظيم .. وتقريبا كده والله أعلم دخلت شقة سلمى كمان بس كان قبل ما اعرفها
على : احيييييييييييييييه بتتكلم جد ؟
احمد : وحياة امى بتكلم بجد
حسن : هههههههههههههههههههه طب ايه حافظ الشقه ؟
احمد : اه طبعا . الراجل اللى قابلنا كان راجل سكره وكان موالينا طول ماحنا شغالين وكل شويه ارتاحو شويه ويجيبلنا شاى ويقول ارتاحو . تقريبا ماكانش جايبنا نشتغل ... وف اخر اليوم ادا لكل واحد مننا 150 جنيه .... حد فاهم حاجه
على : انت مش بتقول قبل ما تعرف سلمى
احمد : ما علينا ... الشقه عاليه اوى مش هعرف احدفها بحاجه
بواب العماره : فيه حاجه يا اساتذه ؟ واقفين عندكو بتعملو ايه ؟
احمد : ابدا يا حاج احنا عمًال جايين ناخد مقايسة للشقه اللى ف ال 7 عشان هيكملو شغل عندهم ف الشقه ... بس بتصل عليهم محدش بيرد
بواب العماره : بتتصل على انهى منهم
احمد : هو الحقيقه انا بتصل على الاستاذه سلمى عشان اتفاقى كان معاها بس تليفونها مقفول .... هو والدها فوق ؟
بواب العماره : لا ده مسافر لبنان وجاى كمان كم يوم ...
احمد : طيب ايه بقي ... نمشى طيب ونجيلهم بكره ولا ايه . هى مأكده عليا اجى النهارده عشان ابعت التصاميم للمهندس
بواب العماره : انا مش فاهم اى حاجه
احمد : وحياتك ولا انا يا حاج بس هنعمل ايه بقي ... كده المناقصه هتروح
بواب العماره : مناقصة ايه يا استاذ
احمد : مناقصة الشقه
بواب العماره : انتو لعبتولى ف نافوخى .. تعالى اطلع
احمد : خلاص بس تيجى معايا عشان انت عارف ماينفعش اطلع لوحدى ف وقت زى ده
بواب العماره : لا انت باين عليك ابن ناس .. اطلع انت وانا هقعد مع زمايلك هنا عشان ماينفعش العدد ده كله يطلع
احمد : روح الهى تنستر دنيا واخره هى الاستاذه صاحبتها معاها فوق مش كده ؟ عشان هما الاتنين اللى اتفقوا معايا ... والست والدة الاستاذه سلمى
بواب العماره : اه موجودين فوق كلهم وصاحبتها شوفتها طالعه معاها
.............
ساره : الواد واقف بيتكلم مع البواب بتاعكو بقاله ربع ساعه ليه بيقوله ايه
سلمى : ههههههههههههههههههه احمد مابيغلبش وهياكله بالكلام
ساره : هاااارسوح ده باعتلى رساله
سلمى : هههههههههههههههههه باعتلك ايه ؟
ساره : " حد فيكو يفتح الباب بدل ما اكسره على نافوخكوا انا واقف بره "
سلمى : ههههههههههههههههههههههه يالهوووووووووووووووووووووووووى خليك هنا آمًنى على ماما لو حسيتى بحاجه بلغينى بسرعه
.............
(سلمى بتفتح الباب بشويش بتلاقى احمد واقف وبيبصلها وهى بتبصله بدلع وعامله فيها زعلانه )
سلمى : ايه اللى جابك
احمد : جاى اسأل ع الساعه
سلمى : ياسلام ؟
احمد : وحياة عبد السلام
سلمى : طيب الساعه 2 الا ربع ... اتفضل بقي عشان ماتعمللٍيش مشاكل
احمد : ايوه منا جاى عشان اعمل مشاكل على فكره ... ايه بقي
سلمى : ايه انت عاوز ايه وجاى ليه ؟ خليك مع اللى كنت قاعد معاهم
احمد : ايوه منا عاوز اقولك ان اللى معايا دول هما العيال السفله مصطفى ومالك وعلى وبيعملو فيا مقلب
سلمى : والمفروض انى اصدق بقي
احمد : اه طبعا غصب عن عين اهلك هتصدقى ! بقولك ايه انا عملت فيها قرد عشان اطلعلك هنا . والله برئ يا بيه
سلمى : مش مصدقاك يا بيه اثبتلى
احمد : مش مهم تصدقى .. المهم ماتعيطيش تانى
سلمى : مالكش دعوه
احمد : بت
سلمى : عاوز ايه
احمد : مافيش ! بس على فكره اوضتك لما اتهدت ووسعت بقت احلى .. ياترى الطبق الدهب الانتيكه ده لسا موجود ولا حاطاه فين
سلمى : ( بذهول ) نعم ؟
احمد : هههههههههههههه نعم الله عليك ... انا همشي بقي
سلمى : تمشى فين وربنا مانت ماشى .. ايه عرفك باوضتى انى وسعتها وبالطبق الدهب
احمد : هههههههههههههههههههه يا ماما مش انتى بس اللى مخاويه احنا كمان مخاويين
سلمى : احممممممممد ( بتمسك ايده ) وحياتى قول وحياتى .. حد من اصحابنا قالك
احمد : طب انا راضي زمة اللى خلفوك هو فيه جمال ودلال بالشكل ده . ياشيخه خلينى امشى بدل ما مش هيحصل كويس .. وبعدين والله ما حد كلمنى من اصحابك وبعدين يعنى بزمتك حد هيقولى سلمى وسعت اوضتها ومعرفش ايه
سلمى : طب قول بقي ( بتضم شفايفها على بعض وبتعمل انها زعلانه وحاجه ف منتهى الدلع اللى خلقه ربنا والواد بيتًنح )
احمد : سلمى !
سلمى : نعم
احمد : ( بيسكت وعينه بتتكهرب )
سلمى : سكتً تانى ليه اتكلم بقي
احمد : ماتتأخريش بكره ماشى ؟
سلمى : ماشى يا احمد
احمد : شعرك حلو اوى ارحمى امى بقي ههههههههههههههههههه ( بيبوس ايديها ) تصبحى على خير يا حته بونبونى انتى ههههههههههه
سلمى : هههههههههههههههههههه مالكش دعوه بشعرى .. وانت من اهله يا ح..... يا حمو .. لما توصل طمنٍى عليك
احمد : ماشى . هروح ألحق العيال اللى تحت بدل ما يتقبض عليهم
سلمى : حمو !
احمد : عيونه
سلمى : ( بتمسك ايده وبتكلمه بحنيه ) خلى بالك من نفسك وطمنى عليك لما توصل
احمد : ادخلى ياسلمى .. ادخلى يا ماما الله يهديك مش عاوز يجرالى حاجه على اخر الليل
سلمى : هههههههههههههههه باى بقي
احمد : باى اقفلى الباب
سلمى : نو ! لما تركب الاسانسير هقفل .. يلا
احمد : يابت يلا يابت . وبعدين ايه اللى انتى لابساه ف رجلك ده
سلمى : هههههههههههههه ايه رأيك ف الارنوب ده
احمد : ويخلق مالا تعلمون ... اقسم بالله ويخلق مالا تعلمون
سلمى : هههههههههههههه بتقول ايه يا أخ
احمد : لا ولا حاجه ... عاوز امشى
سلمى : طب ماتمشي
احمد : امشى ازاى وانتى مرابطه ف ايدى كده وماسكه الصوبع الصغير ههههههههههههههههههه سيبى ايدى يابت
سلمى : ههههههههههههههههه سورى ياعم مخدتش بالى اهو ياعم خد صوباعك
احمد : سلميلى ع الكلبه اللى عندك جوه نايمه قوليلها استلقى وعدك من احمد بكره عشان تقولى انها نايمه وانها مش معاك . ان ماربيتها وربيتك انتى كمان ع الشحططه دى مابقاش انا
ساره : ( واقفه ورا الباب وبتسمع وبتيجى تضحك ) بس ياض ولا تقدر تعمل حاجه
احمد : انتى ؟ دانا همدك على رجلك صبرك عليا بس بكره
ساره : هههههههههههههههههه طيب يلا بقي عشان ام سلمى هتصحى
احمد : طيب يلا تصبحو على خير
................
احمد : ايه يا باشمهندسين لسا قاعدين مع الراجل الطيب ده ؟ خلاص انا خلصت وخدنا المقايسه الحمد لله
مالك : ايه يا هندسه . كله تمام
احمد : عيب عليك .زى ما توقعت بالظبط
بواب العماره : هو ايه اللى توقعته ؟
احمد : 5*6 . المقاسات 5 عرض و 6 طول بالظبط زى ما توقعت
بواب العماره : طيب اى أوامر تانيه يا باشمهندسين
احمد : العلم عند الله بقي يا حاج .. اهو كل ما نحتاج نعمل مقايسه هنبقى نجيلك بما انك راجل طيب
بواب العماره : طيب ف رعاية الله
..............
( تانى يوم فريده جايه بدرى مع مى صاحبتها ببنطلون ضيق عليها جدا قاصده بيه تثير احمد بمفاتنها ... وبتلاقى احمد واقف مع الشله )
فريده : هاااى
مالك : اهلا ازيك يا فريده
مصطفى : ايه ياعم الشياكه دى يخربيت كده
فريده : بس ياض عيب دى اقل حاجه عندى
على : ههههههههههههههههه انتى مش خايفه على نفسك
فريده : اخاف على نفسي ازاى وانتو جنبي . دنا بحس انى مسؤوله منكو .. ايه رأيك يا حمو
احمد : رأيي ف ايه ؟
فريده : ف الطقم اللى انا لابساه
احمد : حلو . انتى زي القمر دايما يا فريده ... اه بالحق نسيت اقولك حاجه كده بينى وبينك
فريده : ايه
احمد : ثوانى يا شباب عن اذنكو
...
فريده : ايه يا بنى خضتنى
احمد : ايه اللى انتى لابساه ده
فريده : هههههههههههههههههه عجبك ؟
احمد : ماهو المصيبه انه عجبنى . وهو حلو وشيك واستايل جميل جدا بس ماينفعش يتلبس يابنت الناس . ده ضيق اوى عليك وفيه حاجات كده ماينفعش الواحد يقولها ههههههههههههههههههههه
فريده : احم احم . ايه ده انت بتغير عليا بقي
احمد : هو ايه اللى احم احم .. ايه احم احم دى .. وبعدين انا لا بغير ولا نيله .. البنطلون ماينفعش طالبه جامعيه تلبسه جوه الجامعه . ده بنطلون رقاصه قاعده بتفتح لزباين .. روحى غيرى البنطلون وتعالى الله يحرقك
فريده : ايه ده انت بتزعق ليه ؟؟ طب خلاص خلاص ماكنتش عارفه انه هيزعلك اوى كده
يووه خلاص بقي فك ياعم والله ما اقصد .. طب ما تيجى معايا بسرعه انت بتنجز ف السواقه وهنروح ونيجى بسرعه
احمد : طيب ياشملوله تعالى .. عن اذنكو يا شباب ربعايه بالكتير
مالك : اتفضل يا عمناااا
...........
( بيروح احمد يسوق عربيه فريده وبيوصلها ل بيتها وبتكلمه ف العربيه )
فريده : احمد !
احمد : اممممم
فريده : احكيلى عن نفسك شويه
احمد : احكيلك اقولك ايه يعنى . عادى انا الاخ الاكبر لبنتين
ابويا متوفى من حوالي 6 شهور اهو
فريده : بس انت جايب الحلاوه دى منين ( بتلعب ف شعره )
احمد : هههههههههههه دى حلاوة امك .. لمى ايدك لاقطعهالك يابنت الجزمه
فريده : هههههههههههههههههههههههههههه ياسلام يعنى عاوز تقنعنى ان مافيش بنت مدت ايديها عليك ؟
احمد : نعم ياختى ؟ تمد ايديها عليا ليه ان شاء الله بتاع ايه ؟
فريده : تعرف ان كلنا معجبين بيك ...
احمد : ربنا يكرمك
فريده : يعنى . واد ابن بلد كده وجدع وعضلات وعيون وحاجه فراوله كده هههههههههههههههههههههه
احمد : مش ده البيت يا فريده ... قدامك 5 دقايق تغيرى فيهم ام البنطلون ده وتنزلى . لو اتأخرتى دقيقه واحده هسيب العربيه دايره وهاخد تاكسي وارجع ... على فكره بتكلم بجد
فريده : ههههههههههههههه منا عارفه دماغك .. اقل من 5 دقايق ونازله
...........
اخت فريده ( سمر ) : ايه اللى رجعك تانى يا دودو
فريده : ههههههههههههههههه راجعه اغير هدومى ونازله تانى
سمر : هههههه نعم ؟ وده ليه ان شاء الله .
فريده : واحد صاحبي ياستى حكم عليا وزعق فيا وطلب منى اعمل كده وجه معايا يوصلنى عشان اغير وارجع تانى
سمر : واحد صاجبك ؟ ههههههههههههههههه ايه ده الجو بتاعك ولا ايه
فريده : ياستى قولى يارب يرضى بس
سمر : نعم ياختى ؟ هو يطول ؟
فريده : هههههههههه لا يطول ويطول اكتر من كده بس هو اللى مش عاوز .... خلاص انا خلصت ونازله . انتى لسا مانزلتيش جامعتك ليه
سمر : كنت نازله خلاص .. خدينى معاك بقي بما انك رجعتى ماليش مزاج اسوق عربيتى
فريده : تعالى !
.........
سمر : صباح الخير
احمد : اهلا صباح النور ازيك يا دكتور
سمر : هههههههههههه دكتور ايه بس ولا عشان البالطو الابيض .. انا لسا ف سنه تالته
احمد : ربنا يكرمك
فريده : دى اختى الكبيره سمر يا حمو
سمر : ايه ؟ حمو ؟
احمد : احمد يا دكتوره احمد . اختك معلش متخلفه عقليا
سمر : هههههههههههههههههه لا حمو حلو .. حلو اوى كمان ... ( بتغمز ل فريده )
...................
( بعد ساعه )
على : اي يا شباب مش هنفطر بقي
احمد : لا افطروا انتو انا مستنى الابله اللى اسمها سلمى
فريده : سلمى زمانها جايه وزمانها فطرت .. تعالو انا عازماكو
احمد : بتقولى ايه ؟
فريده : ماقولتش . انا بهزر ... وماتبصليش كده والنبى ياعم انا بخاف
احمد : ايوه كده احترمى نفسك
فريده : هههههههههههههههههههه
( سلمى داخله الجامعه هى وساره ببنطلون مقطع من عند ركبتها وضيق )
مالك : ( بيلمح سلمى وبيغمز ل مصطفى وبيوشوشه ) على فكره الليله دى شكلها مش معديه
مصطفى : احييييييييه . بقولك ايه يا مالك .. خد احمد وحاول تمشيه من هنا لغاية ما اخلى سلمى تخفى من هنا دلوقتى
احمد : ( بيبص بالصدفه ورا بيلاقى سلمى وساره بيسيب الشله كلها وبيمشى ناحيتهم )
.................
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020