رواية مهلكتي

الجزء_التالت (الحلقه التاسعه ) ( زعلك على عينى ) ❤ ❤

................
ف الحلقه السابقه :_
ساره : طب قومى افردى جسمك شويه انتى من ساعة ماجيتى وانتى نايمه النومه الحزينه دى ... انا هطفى التكييف وافتح باب البلكونه شويه
سلمى : لا خليه
ساره : بس يابت اقعدى ساكته ( بتبص على البحر بتلاقى احمد قاعد ع الصخر ف نفس المكان اللى كان قاعد فيه مع سلمى المره اللى فاتت ووشه للبحر وبيشرب سجاير )
احيييييييييييييييه ! والمصحف هو . سللللللمى .... يا سلممممممممممى إلحقى
............... ( التاسعه ) ❤
( سلمى بتتنفض وبتقوم من مكانها بسرعه وبتبص على احمد م البلكونه )
سلمى : احممممممممممد !! هو ! انا نازله هههههههههههههه ( بتبوس ساره )
ساره : سلمى استنى استنى ! دانتى شكل وقعتك طين البسي حاجه انتى هتنزلى بالبجامه كده وبعدين فيه حاجه غريبه
سلمى : ( بتلبس وبتجهز ) ايه ؟
ساره : احمد مابيشربش سجاير صح
سلمى : اه
ساره : فاكره المره اللى فاتت لما كان بيشربها واتعصب علينا كلنا وكان هيبهدلنا ... احمد فيه حاجه وشربه للسجاير ده فيه حاجه معكنناه وبيفكر ف حاجه
سلمى : طيب انا عملت ايه يا ساره ! معملتش حاجه انا والله
ساره : مش عارفه يا سلمى مش متطمنه . ماهو يإما زعلان منك انتى او جايلك انتى هنا عشان يتقوى بيك وتواسيه
سلمى : طيب اعمل ايه .. ماهو طالما جاى لهنا يبقى عاوز يشوفنى . انا نازله وخليكى ف البلكونه لو فيه حاجه هكلمك ع الفون
ساره : طيب ماتنسيش تليفونك
سلمى : لا لا خدته اهو . باي ( بتاخد النسكافيه وبتنزل )
...............
( ف عربية مالك )
مالك : طب انت ايه اللى خلاك تشك انه ممكن يكون عندها يا درش
مصطفى : مالك ! ان شاء الله هيكون هناك .. ف المكان اللى سيبناه هناك فيه المره اللى فاتت واحنا بنلعب كوره
مالك : هو الواد ده بيحبها للدرجادى ازاى وليه ؟
مصطفى : يابنى والله العظيم ماهو حب . ده حاجه كده معديه الكلام ده . انت معذور يا مالك مانت مش هتصدق زى غيرك انه كان بيكلمنا عنها قبل ماحنا ندخل الجامعه اصلا . كان بيوصفها . بيوصف عنيها شعرها عامله ازاى بتمشى ازاى ... وأول ما شافها انت بنفسك شوفته عينه اتغيرت كده ليه ووشه كان عامل ازاى ... عشان كده لو ماكانش هناك ابقى انا مابفهمش حاجه ومش صاحبه .. ان شاء الله هناك ...
مالك : طب ايه يعنى سر انه مختفى طول النهار
مصطفى : مش عارف ! بس اكيد الموضوع ليه علاقه بسلمى من قريب او من بعيد
مالك : طيب ماهو لو الزعل ده له علاقه بسلمى ليه راحلها هناك يابنى ؟
مصطفى : معرفش بقي يا مالك . احنا لسا رايحين نتطمن من بعيد اهو ..وقف العربيه هنا وهنكمل الباقى على رجلينا
....................
( سلمى بتقرب من أحمد بخوف .. واحمد قاعد بيدخن ووشه للبحر وحاطط رجل على رجل وملامحه هاديه جدا ووشه يبان عليه الهدوء والسرحان )
سلمى : ( ضربات قلبها بتزيد وبتقرب منه ) اححححم احممد ! بابا انت كويس ؟
احمد : ( ولا كأنه سامعها وشايفها )
سلمى : أحمممد ! مالك يا حبيبى ( بتبدأ عنيها تدمع وهى بتتكلم )
كده تخضنا عليك الخضه دى
كنت فين ؟
احمممد ! احمممد انت زعلان منى ؟ انا اسفه لو كنت مزعلاك ف حاجه من غير ما اقصد بس قولى طيب زعلان منى ليه وفيك ايه يا قلبي ( بتقرب منه بحذر وخوف )
( بتمسح على شعره )
احمد ! شعرك كله تراب كنت فين بقي
مش عاوز تكلمنى ؟! دنا سوسو حبيبتك
ع فكره انت رخم ياواد انت .. ومش هجيبلك من النسكافيه بتاعى ده وهضربه وهخلصه قدامك
( بتمسك ايده وبتبدأ تتكلم )
عارف احنا النهارده اتخضينا ازاى ؟
كل واحد راح ف حته شكل
وروحتلك المطعم وفضلت قاعده متذنبه كده ييجى 4 ساعات انا والبنات
ومصطفى راحلك البيت عامل فيها جايبلك حلويات وانت اللى باعته عشان مايخضش مامتك عليك هههههههههههههه شوفت بقي اد ايه بنحبك يا رخم
تعرف !
اول مره احس انى وحيده كده وانا بره البيت
حسيت ان كل الناس بتبص عليا
لما كنت بمشى معاك وف حمايتك ماكنتش ببقي شايله هم اى حاجه ف الدنيا
ف لحظه واحده حسيت ان كل حاجه اتخطفت منى علشان بس انت مش موجود جنبى
ماتعملهاش تانى يا احمد لو سمحت عشان انا اترعبت والله
وبعدين خد هنا انت روحت فين اسراء قالت انك كنت ف الجامعه من الصبح بدرى
مشيت روحت فين بقي
مش هسيبك على فكره .. رد ياض ( بتبوسه من خده وماسكه ايده )
احمد : ( سااكت وهادى جداااا وبيدخن وكأنه مش سامعها ..... مستنيها هى تحكيله لوحدها من غير ما يسالها )
سلمى : طيب بص هعمل معاك اتفاق .. قولى بس انك كويس وهطلع اعملك كوباية نسكافيه تانيه غير دى . بس قول انا كويس بس والله مش عاوزه حاجه تانيه
ياولاه
انت يا ولاه رد يا ولاه ههههههههههههههههه مش دى كلمتك على طول ليا . ازاى يعنى بنوته مزه وزى القمر زيي كده تقولها انت يا ولاه رد يا ولاه هههههههههههههههههه ابو رخامتك
اه نسيت احكيلك حاجه تانيه حصلت النهارده
الواد مصطفى وشه كان باين انه مخطوف عليك هو اللى قلقنى عليك الجزمه ده
لو تشوف منه وفريده وهما قاعدين بيفكرو ويتكتكو انت ياترى روحت فين ونلاقيك فين ... وبعدين ماتبقاش تقفل تليفونك ياعم ( بتبدا تتكلم وعيونها بتتدمع ) ماتبقاش تقفله يا رخم اومال نوصلك ازاى يعنى ..
افرض حد مننا كان جراله حاجه يعنى كنت هتعرف ازاى
فين الصحوبيه دى ياعم اللى بتقول عليها
ازاى يعنى تختفى كده ( بتضم على ايده جامد ودموعها بتنزل )
ماتعملهاش تانى لو سمحت يا استاذ
تاخد شفطه ؟
بلاش احسن بردو . وفرت يا أخ
طب احكيلك حدوته ؟
ياواد هحكيلك يا واد . استنى بس استنى هحكيلك حدوتة الاميرة الجميله والوحش
طبعا انت الوحش وانا الجميله هههههههههههههههههههههه
احمد : ( مازالت ملامحه هاديه جدا وبيدخن السيجاره ف السيجاره )
سلمى : ايه الرخامه دى لا بقي دانت كان زمانك سخسخت م الضحك ولا انت نو سامعنى ولا ايه هههههههههههههه حلوه نو سامعنى دى
فاكر لما الواد مالك انت قفشته بيبص على البنات كانو ماشيين بيبصولك انت ازاى .. وانا كنت هقوملهم ولاد الجزم اتغابي على اللى خلفوهم لولا انت شدتنى من ايدى وقولتلى اقعدى
بتحب انت البنات تبصلك يا جزمه قديمه ... ايوه ايوه عارفه انا الحركات دى
والواد مالك ييجى يقولك ايه ياعم .. ايه يابا مش عارفين ناكل عيش يابا وانت قاعد قوم اتمشى شويه اخفى من هنا ههههههههههههههههههههههههههه خديه يا سلمى وامشو شويه ياسلمى ويغمزلى ويقولى خديه وامشى مافيش بنت بتعبر امى وهو قاعد ههههههههههههههههههههههههههههههههههه
فاكر لما كنا بنلعب صَلح وانا حكمت عليك تروح تقول للبت المعيده اللى كانت شايفه نفسها ومتزوقه على سنجة عشرة انك تقولها انتى وحشه
ههههههههههههههههههههههههه يا قادر تروح تقولها انتى وحشه وبعدين تفضلو واقفين تضحكو وهئ ومئ وحاجه اخر قلة ادب وف الاخر الاقيها بتشاورلنا بايديها بايباى وبتمشى لا وبتديك رقمها كمان ... دانت عيل سافل هههههههههههههههههههههههههههه
ال بايباي ال ... اعمل بايباي لعمو يا حبيبى ايه ده اللى انا فيه ده هلاقيها منين ولا منين ياربي انا مش ملاحقه وكتاب الله .. دنا ماشيه بتلفت ورايا وكله بسببك
حمو ! ( بتمسح على شعره ) اغنيلك ؟
والله صوتى حلو انت زمانك دلوقتى بتدعى عليا ف سرك وبتقول امتى تسكت الرغايه دى بس انت اللى جيتلى لغاية هنا تبقى تستحمل بقي ( بتدمع بشكل يخوف وهى مش عارفه هو ساكت ليه )
احمد : ( مازال ساكت ومستنيها تتكلم وتقوله على اللى حصل )
سلمى : انا هغنيلك بقي وامرى لله مانت ساكت مش عاوز تنطق
يا حبيبي
الليل وسماه ونجومه وقمره وسهره وإنت وأنا
يا حبيبي أنا يا حياتي أنا
كلنا في الحب سوا
والهوى....
آه منه الهوى
سهران الهوى
يسقينا الهنا
ويقول بالهنا
يا حبيبي.....
يالا نعيش في عيون الليل
ونقول للشمس تعالى تعالى
تعالي تعالى
بعد سنة
مش قبل سنة
دي ليلة حب حلوه بألف ليلة وليلة
( بتبوسه وهى بتعيط وبتنام على كتفه وبتسكت ) زعلك على عينى يا روح قلبي زعلك على عينى
..............
مصطفى : اهووووووو الله اكبر ههههههههههههههههههههههههه يخربيت معرفته معرفه هباب يا اخى .. سلمى قاعده معاه اهو الحمد لله
مالك : استنى ! اوبس .. الواد عمال يشرب سجاير وشكله مقفل يا مصطفى
مصطفى : استنى بس انا مش لامحه من هنا .. ثوانى ..
....
مصطفى : معاك حق والله ياض يا مالك والظاهر ان سلمى مش عارفه تعمل معاه ايه
بقولك ايه انا هعمل حاجه كده ويارب تكون بفايده
مالك : حاجة ايه
مصطفى : هرن ع اسراء هى اخر واحده شافته النهارده
مالك : طيب يلا
مصطفى : ( بيرن على اسراء )
الو !
اسراء : ايه يا مصطفى خير
مصطفى : اسراء احمد ماله . الواد مخنوق وعى اخره ومش طايق حد فينا
اسراء : ( بتعيط ) يا اخى الحمد لله انك طمنتنى انا ماكتش هعرف انام وحاسه بتأنيب ضمير
مصطفى : تأنيب ضمير ؟ طب احكي احكى فيه ايه الله يبشرك بالخير . احكى كل حاجه
اسراء : مصطفى ! انا قولت لاحمد النهارده ان كان فيه واحد جه سال علي سلمى ولما هى شافته خدته ومشيت
مصطفى : احيييييييه يا اسراء يعنى انتى مش عارفه احمد وسلمى يا اسراء . ده مش طايقنا والله ولا طايقها
اسراء : ( بتعيط ) طب اعمل ايه انا دلوقتى والله العظيم ما كلت ولا عارفه انام من ساعة ما جيت لانى حسيت انى عكيت الدنيا من غير ما اقصد
مصطفى : لا يا ماما ماتزعليش وان شاء الله محلوله . قومى انتى كلى يلا وهنستناك بكره ومعانا احمد هنعرف نعديها
اسراء : طب بالله عليك طمنى . هو الحمد لله يعنى كويس دلوقتى ؟
مصطفى : اه الحمد لله ... يلا يا جميل تصبحى على خير
............
مالك : ايه ياعم
مصطفى : عارف الواد المذوق اللى جه سال علي سلمى كم مره وسلمى طراته من بره بره واحنا خدنا احمد وخلعنا بعيد عشان مايشوفوش ؟
اهى اسراء قالت لاحمد النهارده من غير قصد . وهو ده تقريبا سر اختفاؤه والله اعلم هو عمل ايه الوقت ده وكان فين
مالك : طيب وبعدين .. الغلبانه دى قاعده شكلها بتعيط جنبه
مصطفى : اقسم بالله احنا اللى غلابه .. دا لو عرف اننا كنا عارفين حاجه زى دى ومخبيين عليه هيعمل فينا حاجات انا مش عاوز اقولك ههههههههههههههههههههه احييييييييه اقسم بالله هيقلعنا بلابيص وهيعلقنا ع البحر
مالك : هار اسود ومنيل
انا ماكنتش اعرف ولا اعرفكو اساسا هههههههههههههههههههههههه والحمد لله ولا مره كنت موجود معاكو والواد ده جه يسال على سلمى
مصطفى : مين ده ؟ دانت اللى كنت بتقابله كل مره وتقوله مش موجوده .انا الحمد لله معرفش شكله .. بس بس دانت اول واحد هيغتصبك ودينى لنا مبلغ عنك يا كلب السكك ههههههههههههههههههههههههه
مالك : ههههههههههههههههه اقسم بالله كركبت بطنى . بطنى كركبت الله يحرقك . الواد ده غبى وهيعمل فينا حاجه يا عبصمد ههههههههههههههههههههههههههه
مصطفى : طب استنى بقي عاوزين نعرف هنعمكل ايه مع الغلبانه دى نخليه يسامحها ولا يفك عنها شويه البت كفرانه م العياط
مالك : لقيتها ! ابعت رساله ل سلمى قولها احنا واقفين عند البيت وعرفنا احمد زعلان ليه تعالى بسرعه
مصطفى : الله عليك !! وممكن هو كمان يكون مستنيها تتكلم .. ثوانى استنى هرن على ساره الاول هى واقفه ف البلكونه فوق اهى هى كمان قلقانه
مصطفى : الو !
ساره : ايوه يا مصطفى
مصطفى : ساره احنا على يمينك الناحيه التانيه بعيد اهو شايفانا ؟
ساره : فين ده ... ايوه بتعملو ايه هنا
مصطفى : احنا عرفنا احمد زعلان من ايه .. سلمى معاها تليفونها ؟
ساره : اه معاها
مصطفى : طب تعرفى تخليها تيجى عندك شويه عند البيت وانا هكلمها اقولها بسرعه بس تعمل ايه
ساره : طيب تعالو عند البيت تحت وانا هحاول اجيبها
..............
ساره : ( بترن على ساره )
سلمى : مين اللى بيرن ..علبة التونه بترن عليا ياسيدى ارد عليها ولا ايه شكلها عملتلنا النسكافيه الو !
ساره : سلمى تعالى خدى عملتلك نسكافيه ليكى انتى واحمد تعالى ضرورى خديه
سلمى : مش وقته كمان شويه
ساره : لا دلوقتى تعالى بقولك ضرورى
سلمى : ايه ! طيب جايه
..............
( على مدخل العماره )
سلمى : مصصطفى ! بتعملو ايه هنا وعرفتو ازاى انه هنا
مصطفى : اسمعينى يا سلمى بس واوعى تقوليله اننا هنا ... احمد عرف عن موضوع الواد اللى جه سال عليك ف الجامعه كذا مره
سلمى : نععععععععععععععم ! عرف بيه ازاى ومين قاله ؟ مين اللى قاله يا مصطفى
مصطفى : يا سلمى مش وقته المهم انه عرف وتقريبا هو مستنيك وبيديلك فرصتك انك تتكلمى .هو اتكلم معاك ولا ساكت ؟
سلمى : ساكت ولا فتح بؤه بكلمه واحده
مصطفى : احمد لو مشى من غير مانتى تتكلمى وتقوليله اقسم بالله لو وقفنا على شعورنا كلنا ما حد هيقدر عليه ... قوليله كل حاجه عن الواد ده وعاوز منك ايه وبيكلمك ليه .. كل حاجه يا سلمى
سلمى : ( بتعيط وبتخاف ) طيب خلاص خلاص هحاول
مالك : احنا هنخلع احنا . بس احنا جنبك هنا قريب .
سلمى : ربنا يستر .. عملتى النسكافيه يا ساره ؟
ساره : اه اهو . روحى ربنا معاك
.............
سلمى : حمووو ! ساره عملتلك كوباية نسكافيه انما ايه عسل
بطل رخامه بقي
احمد انا عاوزه اعترفلك بحاجه كده وده عشان انا ماتعودتش اخبى عليك حاجه
بابا له شريك ف الشركه وصاحبه من زمان وتقريبا طالعين مع بعض من زمان
حبو هما الاتنين انهم يعمقوا علاقتهم وشراكتهم دى سوا عن طريق النسب
صاحب بابا ده عنده ابن عمرى ف حياتى ماكنت بطيقه ولا بينزلى من زور وعمرى ما شوفته راجل اصلا
لما بابا جه كلمنى وقالى فلان طالب ايدك لابنه والكلام ده كان من قبل ما اعرفك من اساسه وكان قبل ما ندخل الجامعه انا رفضت ساعتها ورفضت بشكل غبى كمان وساعتها قولت ل بابا لو البنى ادم ده اخر بنى ادم ف الدنيا مش هيحصل ومش هتجوز بالطريقه دى
والحمد لله بابا طول عمره بيحبنى وعمره ما فرض عليا حاجه من دى
وقالى تمام اللى انتى عاوزاه هيحصل
وخلاص من الوقت ده الموضوع يعتبر منتهى ..... البنى ادم ده بقي هو اللى متابعنى وبيطاردنى وانا لولا انى مش عاوزه ابويا يخسر ابوه لانهم بجد اصحاب من زمان كان زمانى عملتله مشكله . كان دايما ييجى يسال عنى ف الجامعه وانت مش موجود . وحتى لو كنت بتبقى موجود كنت بخليه يمشى وبتخانق معاه وده لان اساسا الموضوع بالنسبالى مالوش اى قيمه ولا اهميه انى اشغل بالك بيه ولا اقولك عليه ... انت عالمى ودنيتى وامانى ومهلكى يا احمد . لازم تكون فاهم النقطه دى
تاخد بقي النسكافيه بتاعك ؟
احمد : ( بيبصلها وبياخد منها النسكافيه من غير كلام )
سلمى : لولولولولولولولولوللى
...............
الي اللقاء في الحلقه القادمه

كاتب الروايه هو احمد سعد و تم نشر الروايه مسبقا علي بيدج هو و هي و بيدج stories and novels

لينك الكاتب
https://www.facebook.com/profile.php?id=100010381862587

لينك بيدج/ هو و هي
https://www.facebook.com/howa.weheyaa/

لينك بيدج/ stories and novels
https://www.facebook.com/StoriesAndNovels2020