“ သားလေးနှောင်းရေ ... ၊ မေမေ့သားလေးရေ
ထမင်းစားချိန် ရောက်ပြီနော် ၊ဘယ်မှာလဲ သားလေးရေ ...”မိခင် ဖြစ်ဟန်တူသည့် အမျိုးသမီးတစ်ဦးသည် စံအိမ်ကြီးအတွင်းမှ ထွက်လာကာ ဆော့ကစားနေသောကလေးငယ်ကိုလှမ်းခေါ်လိုက်သည်။
ကလေးငယ်သည် ကစားနေရာမှာ အသံကြားရာသို့ လှည့်ကြည့်ကာ အမြန်ပြေးလာလေသည်။
သို့သော်ရုတ်တရက် မိခင်ဖြစ်သူထံသို့ပြေးရာမှ လမ်းကြောင်းကိုပြောင်းကာ အနောက်သို့ပြန်လှည့်ပြေးလေသည်။
“ ဟာ..သားနှောင်းယာ ရယ် ၊ဘာလို့အမြန်ပြေးလာတာလဲ ၊ လဲကုန်မှ ဖြင့် ”
နောက်မှ ရောက်လာသောဖခင်ဖြစ်ဟန်တူသည့်လူကြီးတစ်ဦးက ဆီးကြို၍ ပွေ့ဖက်လိုက်လေသည်။
“ ဟော..ကိုကိုလွန်းယာ ဘယ်အချိန်က ပြန်ရောက်သလဲ ၊ အစောကဖြင့် မတွေ့မိသေးပါလား”
“ ဟုတ်တယ် ခင် ရဲ့ ၊ကိုကိုလွန်းယာ ခုလေးတင်ပဲရောက်တာ ခင် ကသတိမထားမိတာ ၊သားကဖြင့်သူ့ဖေဖေကိုတွေ့လို့ ခင့်ကိုေတွ့ ပြီးမှပြေးလာတာကို ”
“ကြည့်စမ်း ဒါကြောင့်ကို ၊ သားနှောင်းကတော့ဘယ်သူ့ကိုဘယ်လိုချွဲရမလဲ အတတ်သိနော်”
“ ဟား..ဟား ၊ဒါ က ကိုကိုလွန်းယာ ရဲ့ သားလေ ”
“ဟုတ်ပရှင် ၊ဟုတ်ပ ”
သားအမိသားဖသုံးယောက်အိမ်ထဲသို့ရယ်သံများသယ်ဆောင်ကာ ဝင်လာခဲ့ကြသည်။
“ ဒါက ဘာတွေ သဘောကျလာကြတာလဲ !”
အိမ်ကြီး၏ အပေါ်ထပ်လှေကားမှဆံထုံး တစ်ပတ်အပြည့်ထုံးထားပြီး ဆံထုံး ဘေးတွင်တွဲလောင်းကျပုလဲဆံထိုးတစ်ခုအား ထိုးထားသော အသက်လေးဆယ်ကျော် အမျိုးသမီးကြီးတစ်ဦးသည် အထက်စီးဆန်သောအသံဖြင့် အမေးတစ်ခုပြုလိုက်လေသည်။
“ ဘာမှ မဟုတ်ပါဘူး မယ်မယ်ရဲ့ သမီးတော်တို့တွေက ဒီတိုင်းသဘောကျလို့သာ ရယ်လာကြတာပါ ”
“ ပိတ်ထားစမ်း သူငယ်မ ၊ တို့ မင်းကိုမေးသလား
တို့ မေးနေတာ မင်းဘေးက တို့သားကို ၊သားတော်ဘာတွေ သဘောကျလာတာလဲ ဆိုတာ မယ်မယ့်ကိုပြောပြစမ်း ”
YOU ARE READING
မိုးနှောင်းတစ်ရာ (Ongoing)
Romanceမိုးနှောင်းတစ်ရာ စံအိမ်ကြီးမှ ကြိုဆိုပါတယ်... သင့်ဘဝရဲ့ ပျော်ရွှင်ခြင်း၊ ဝမ်းနည်းခြင်း၊ပူဆွေးခြင်း ၊ချစ်ခြင်း၊မုန်းခြင်း တွေ နဲ့ ဒီစံအိမ်ကြီးထဲက တစ်စုံတစ်ခုအတွက် လဲလှယ်နိုင်မလား ... စံအိမ်ကြီးထဲက တစ်စုံတစ်ခုကို သိချင်ရင်တော့ ကိုယ်တိုင် ဝင်လာခဲ့ပါ...
အခန်း (၂)
Start from the beginning