و النساء لداخل تان غسلو ماعنهم جهان مامست والو ماخلاتهاش ميرا (لينا وصاتها) و هي كانت تسيي تهدر مع يماها كي مقدرتش بسك قعدت غير تتهربلها و تتحجج بالناس م قدامهم ماناضتش غير باش ماتهدرش مع جهان.
سهام قاعدة تدور معتهم و تعاون عيطتلها صحبتها صباح ماردتلهاش و ماقيمتهاش حابة تتصرف على حساب عقلها و قلبها واش يقولولها ماولاتش حاب تحقد على الناس بسك شافت باللي ما استفادت والو شافت بللي واش دارت فجهان كامل داتلها راجلها و خسرتلها جياتها الزوجية فبدايتها هكاكا و جهان تتعامل معاها بشكل عادي ماضاربت معاها ماعيطت ماظلمتها ما والوحاكة روحها و ماتدخلش روحها فيها للحظة غارت منها كيفاش تتعامل الناس و كامل يحبوها و هي راهي منب.وذة و مكروهة فهاذ الدار....بصح قالت نسيي نكون كيفها و خير منها بلا مانقرب منها كي تخلاص الجنازة و يروحو الضياف لتم ندير بروgرام لحياتي فهاذ الدار و نبعد على روميسة بلاك بسبتها راني هكا لوكان ماتبعتش رايها راني لاباس بيا.
نسرعو شوية الاحداث :
جازو الايام تاع الجنازة و الناس ولاو لديورهم كاامل اليوم بقاو غير ولاد مريم و ولادهم النساء خملو الدار كامل و رجعو لماعن و الفراش (بعد غسلوه) لبلايصهم ستفو كللش فبلاصتو ريهام هدات شوية ولات تدور معاهم فالدار شوية بصح دايمن تلاقاها شاردة مرة على مرة يبداو دموعها يهبطو وحدهم وحدهم و لوخرين كيف كيف كل مايتفكرو مريم و يتفكرو فكل بلاصة من الدار الحادثة اللي صرات معاهم فيها (زعما يكونو فالكوزينة يتخيلوها قاعدة معاهم في بلاصتها الخ....)
و دوكا راهم قاعدين فالsalon كامل متلمين كي العادة نسا فsalon الكبير و الرجال فsalon وحدوخرسهام مكانتش قاعدة معاهم اومبعد دخلت
قعدت فجهة متطرفة نطقت ليليا : بنتي علاش قاعدة لتم وحدك ارواحي معاناسهام شافت فيها مشوكية و في قلبها تقول : مازال ماقلولهمش شكون انا؟!
جهان : ارواحي اقعدي هكا
شافت فيها سهام زادت جهان دارتلها براسها تاع ارواحي هنا ناضت و رفدت تيليفونها معاها و ناضت دنات جهتهم و قعدت قدام جهان
غمزت إلين من تحت لتحت لجهان تاع شكون هادي؟
خزرت فيهم جهان كتمل و حمحمت تهدرجهان : ااا...علابالي كامل راكم تحوسو تعرفو شكون هادي ^خزرت فسهام^ هادي سهام ضرتي🙂
ناضو كامل يضحكو بالشوية : هههههه يخي مهبولة يخي مزالك في عوايدك انطقي قولي هادي شكون؟زيرت جهان وجهها : لالا راني نهدر صح هاد مرت آدم الثانية!
خزرو فيها هكا🤨😲 نطقت إلين : منك من نيتك!
جهان : لالا من ريتي علاش شفتوني مهبولة راني نلعب معاكم قلت حاجة خلاص مراني نتسخر بيكم مراني نكذب عليكمليليا : صحا لوكان جات صح ضرتك كيفاش راهي معانا هنا دركا قاعدة و كلش جهان ماتتمهبليش تتي تقبلي ضرة عليك!
YOU ARE READING
حب❤بعد⬅️الزواج💍الجزء 2
Akcióو ها قد عدنا من جديد مع الجزء الثاني من قصة حب❤بعد⬅️الزواج💍 باللهجة الجزائرية🇩🇿 لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...