حب❤بعد⬅️الزواج💍الجزء 2

😊 الحلقة 4 😊

خرجت لينا و جهان ناضت رايحة جهتهم تتبسم بدات تهز فيهم من كتافهم و تهدر : ليليان رواان نوضو تفطرو هيا.

عاودتلهم شحال من خطرة وااالو ولات راحت للsalle de bain عمرت زوج طاسات ماء بصح عمرتهم غير شوية ماشي كامل راحت دارت خيمارها و سترت روحها مليح و رفدت الطاسات دخلت بيناتهم و فرغت الماء عليهم💧🌧 و

هربت تجري رفدت تيليفونها و خرجت من la chambre تجري هابطة فالدروج و تزدم في ادم يديها في صدرو شدها هو من يدها بسك كانت راح تطيح غير جات تقولو اسمحلي سمعو عياط

روان و ليليان : جهههااااااااااااااااااان ليوم نقتلللكك

جهان : بسم الله الرحمان الرحيم
بعدت من ادم و قاتلو : اسمحلي

و هبطت تجريدار ادم باش يطلع قابلوه هاذوك الزوج يديهم في ريصانهم و باينين مشمخين و يسيو يديرو فالخيمار نطقو في زوج : وين راحت

ادم : ل..لتحت (خلعوه ماعرفش gاع واش يقوللهم)

هبطو يجرو هوما تان دار باش يطلع بصح كلاه الفضول حب يعرف واش راح يصرا و لا هبط لتحت لقا ليليان و روان يقلبو (يحوسو) عليها دخلو للكوزينة (و هذا كامل تحت انظار ادم و البقية اللي جاو يجرو كي سمعو العياط) لقاوها تماك غير شافتهم رفدت غميقة تاع طعام (كسكس)و تبسمتلهم تاع ماتقدرو تديرو والو مادامني شادة حاجة في يدي...جاو يقربو شرعت عينيها

جهان : ايي ماكوش تشوفوني رافدة في يدي

ليليان : مادخلنيش...علابالك بلل بسيف باش جبدتو قبل مانجي علاجال كي طويل و نتي تجي في دقيقة تشمخيه كللي ماكاين والو

جهان : زيدي قولي وشمن couleur و نحي الخيمار بسك راكي وصفتي واش كاين تحتو...دايمن نقولك شدي فمك كي تكوني تشتكي

روان : ماتلهيناش حطي اللي فيدك و ارواحي نتحاسبو

جهان : ماكلنش علابالي بللي ختي من جماعة lacoste تاع dz.

ليليان : نن نننننن la mafia تاع dz (تعكي فيها)
زبطت جهان وجهها تخوف فيهم بصح هوما واالو ماتحركوش دارت لخاوتها و وسيم دارتلهم 🥺.

طلع فارس راسو لادم و قال : تبع واش راح يصرا
تقدم مروان و وسيم جيهة خواتاتهم...عنق مروان روان بجهة وحدة و دورها عطاو جهان بالدهر.

مروان : ختي الشابة توأم روحي..المدللة تاعي لوكان تشوفي واش لقيييت عندهم هنا فالدار ....
قعد يمشي فيها معاه و يهدر و نفس الشيء مع وسيم و ليليان تمتم كلخولهم و داوهم .

ولاو مشاو كامل للsalle à manger و لحقتهم جهان بالطعام (الكسكس) كلاو كامل و شبعو و ضحكو على مروان و وسيم اللي مزالهم يكلخو و يتمهبلو بليليان و روان

اما جهان راحت غسلت لماعن وحدها بسك خافت لبنات يتحاماو فيها... تغسل و دايرة القرآن حاطة التيليفون فوق الطابلة و زايدتلو قيسما تسمع هي برك...