حب❤بعد⬅️الزواج💍الجزء 2

👫🏻 الحلقة 27 👫🏻

جهان : علاه اسيدي

ادم : متوحشك

دارتلو جهان حاوطت رقبتو بيديها : حتى انا و هذا يعني انو لازم نتا تروح تخدم لعشية كي تجي ساهل

ادم : واش راح يجوزلي نهاري انا

جهان : يجوز يجوز ماتتقلقش

ادم : متعطينيش تصبيرة

جهان : تسأ تديها لعشية كي تجي

ادم : راح نجيب لفطور معايا طيبي غير ماكلة ماني نفطر هنا و نروح

دار ادم خارج و هي مشات موراه ودعاتو غلقت الباب و ولات لشغلها طيبت ماكلة مانها و كي كان عندها الوقت مسحت كامل الغبرة و الزجاج و كبت (رمات=سيحت) الماء سيقت الدار مليح و طلعت دوشت دوش الله الله فحفحت روحها مليح و خرجت لبست روبا للركبة شابة و هبطت لقات ادم يفتح فالباب داخل للدار شدت عليه الساشيات دخلتهم للكوزينة هو راح يغسل لقاتو
جايب 2 plats كبار فيهم شوارما فريت روز و شلاضة (سلاطة) مع خبز و gازوز فطور عادي يعني (قلتلكم هوما ياكلو كي الناس ماشي غير الكروفات حتى يجيبها للدار صح موالفين ياكلوهم بصح ماشي كل يوم)

طلعو فطور مريم و فطورهم و طلعو قعدو معاها يونسوها يحكو و يgسرو و يضحكو اومبعد ادم ولا لخدمتو و جهان غسلت واش كان عندها مويعنات ماشي ماعن بسك ماطيبتش و طلعت صلاة الظهر و قعدت قرات شوية قرآن في شمبرتها بسك الجدة كانت راقدة اومبعد مالقات ماتدير هبطت قعدت فالsalon تستنى في ادم و حاكمة الpc تاعها تشوف خدمتها كيفاش راهي تمشي توحشتها ولات تشوفهم غير من الدار يخدمو تشوف الحالة كيفاش راهي تمشي

شوية و سمعت دقديق فالباب استغربت هي مزال ماناضتش و صونا تيليفونها شافتو لقات رانيا اللي تعيط ريpونداتلها و فنفس الوقت تجري طالعة فالدروج ترمي حجاب و خيمار تستر روحها تشوف شكون فالباب

رانيا : سلام حبيبة cv

جهان : لاباس الحمد و نتي

رانيا : الحمد لله رانا لتحت افتحي الباب

جهان : اصبريلي برك ندير خيماري

رانيا : ماكان لاه راني غير انا و ماما

جهان : ok ني هابطة

هي كانت وصلت لشمبرتها برفنت سgمت شعرها و هبطت ماكانت دايرة ماكياج و مادارتش بسك ماكااش الوقت ضيافها لتحت🙂

هبطت لتحت فتحت لباب لقات رانيا و ريهام اللي شادة فيدها كابة الله يستر من هاذي الكابة علا حساب الحطة تاع قعدة😭مسكين ادم كان ناوي يشبع حلوى ليوم علاحساب الحطة ماكاااش حلوى ليوم🤣

استقبلتهم سلمت عليه سقساو على الاحوال شدت عليهم واش قضاو جابو فيدهم و تهدر علا تشقيو فروحكم والله زيارتكم تكفي (الخ.....