هو حط التيليفون و جهان نطقت : عير الخير شبيه عمي احمد؟!
ادم يعيط : و انااا فهمتت نعيطلو يريpوندي وليدو يقول راهو مريييض انااا علااااااش ماااقااالولييييش علااااااااااش أَووو انا تان وليدو علاش هوما علابالهم و انا لالاااا
حطت جهان يدها علا كتفو تسمح بالشوية : معليش بلعقل برك حبيبي سوق بلعقل راح تلحق و تشوفو
ماردلهاش ادم قعد يسوق بزربة و مرة على مرة يخبط فالvolant خلاتو جهان على راحتو
فات الوقت و وصلو كان ادم راح يهبط ديراكت مي جهان حبساتو قاتلو ادخل اشري كاش حاجة مايجيش ندخلو بيدينا هكا راح شرا بالسيف مقلق حاب غير يشوف باباه صح من الاول ماكانش مأمن بصح خلاص دوكا و دار في بالو بللي باباه كي بان راح يموت ولا كشما يصرالو و هو ماشبعش منو
صوناو و تفتحت الباب كانت ايناس اللي فتحت سلمت على جهان و زادت سلمت علا ادم سقساو على الاحوال عطاتلها لينا واش جابو حطاتو بجهة و دخلو يتبعو فيها مطلعتهم لشمبرة باباها غير فتحت الباب
دخلو قابلهم احمد مكسل و سليمة و ادم قاعدين قدامو و معاهم jeune تان قاعد لتم كانو يgسرو عادي باين حابيين ينقصو على باباهم دخل ادم هو الاول من مشيتو نقدرو نعرفو شحال راهو خايف على باباه تقدم بخطوات صغار يمشي جيهتو كي شافو الياس ناض من pلاصتو وين كان قاعد قدام باباه مخليلو pلاصة يقعد
ادم غير وصل هبط على ركبتو سلم على باباه من راسو و شدلو يدو : غير الخير بابا وشبيك
احمد يتبسم على كلمة بابا و على خوف ادم عليه : مليح وليدي الحمد لله
ادم : كيفاش راك مليح و انت فراش هيا نوض معايا نديك لطبيب
احمد : ماكان لاه اوليدي انا راني مليح هوما برك من خوفهم مخليينني هنا باش مانعياش
ادم : sûr؟
احمد : ايه الحمد لله
حرك ادم راسو بالايجاب و ناض من تم دار سلم على ادم و زاد على الياس كانت اول مرة يشوفو بصح ماشي وقت التعارف و اللقطات المؤثرة🙃
بانتلو سليمة تان قاعدة من هيه تقدم سلملها على راسها سقساها على الاحوال و بعد
اما جهان مور ماراح ادم عند باباه راحت هي سلمت هلى سليمة و القات التحية من بعيد على ادم و الياس
كي راح ادم يسلم على لوخرين تقدمت هي من احمد سلمت على راسو : على سلامتك بابا...ربي يشفيك ان شاء الله
احمد : الله يسلمك بنتي...آمين
هبطو كامل قعدو فالsalon و احمد تان هبط معاهم زينب راحت للكوزينة توجد القهوة و دات جهان معاها تنحيلها شوية الحشمة و باش ماتبانش غريبة عليهم
جهان : سيلين ماراهيش هنا مابانتش؟
ايناس : وي تقرى ليوم déja مابقالهاش و تخرج دوك شوية هكا تجي
ESTÁ A LER
حب❤بعد⬅️الزواج💍الجزء 2
Açãoو ها قد عدنا من جديد مع الجزء الثاني من قصة حب❤بعد⬅️الزواج💍 باللهجة الجزائرية🇩🇿 لبنات حبيتو جزء 2 و هاهو جا بصح راح يكون كاين قانون صغير راح يكون واضح في كل حلقة تبعوها و اعطوني رايكم في كلش حاجة ماعجبتكمش قولو هكا باش نخرجو كرونيك شابة و يقدرو...
